( عشــــــــــــاق من احفــــــــــــــــــــــــــاد الشيـــــــــطان )

روابي باستهزاء : يالله صباح خير وش عندهم البزارين

متعب يغطي وجهه بشماغها : انا تعبت خلااااص والله تعبت ..

روابي بدت بالاكل ولا اهتمت : وش اللي متعبك ان شاء الله .. هاللحين رجال طول بعرض وتتبكبك لي ..

متعب ماسك ضحكته وكان يغطي وجهه بالشماغ لانه مبتسم : من القهر ابكي ..

روابي : سلامات وش اللي قهر البزارين ....

متعب : تعبت ابغى اتزوج كل البنات مايبغوني

رواابي رفست رجله برجلها : يارجال قم بس وقلت علوم سنعه قال ابغى اتزوج .. بلا شغل مراهقين واخررتك بتحصل البقره اللي تقبل فيك

متعب : انا من جد تعبت خلاص ..اهئ اهئ اهئ ..اللكل يضحك علي ويستهزاء

روابي تعاطفت مع هذا المراهق بنظرها : لاااا لاتزعل هم يضحكوا عليك لانك صغير على الزواج

متعب : لاااا انا رجال وكبير اهئ اهئ
كان مستمتع بالسخافه اللي يعملها وبالذات انها بدت تصدقه وتتاثر ..

روابي تنهدت كسر خاطرها : لاحول ولا قوه الا بالله .. هاللحين رجال وتتبكبك .. تعدل وصر رجال واكيد في هبلات يتمنوا يتزوجوك .. هو يعني على شعرك هذا مايتمنوا لكن العنوسه بتجبرهم يوافقوا ...

متعب بعد الشماغ عن وجهه وكان احمر لانه ختنقه بالشماغ وضحك من قلب ماقدر يسحمل : هع هع هع هع هع

روابي ناظرته بقهر : وجعه ان شاء الله سكر هالخشه انت وجهك ..

متعب : هع هع هع هع ..

روابي حست سخيييييييف جدا جدا جدا .. حركاته مالها داعي ..: هاللحين انت من جدك ..

متعب ولا هتم لها وبدى ياكل من الفطور وهو يضحك : هع هع هع

روابي بقرف : اقول غسل ايدك بعد مانظفت البنادق

متعب مبتسم ابتسامه عريضه : لاااا لاتخافي في جسمي مناعه ضد الجراثيم يناظروا وجهي ويشردوا هع هع هع هع

روابي تاشر بايدها مو عاجبها : بهذي صدقت .. قم بس قم تغسل

متعب متلذذ بالاكل : ياسلاااااااااااام .. وش هالفطور السنع

روابي ببرود : طبخي ذوق وتعلم مو طباخكم المايع اللي عامل شندويتشات تونه مادري مرتديلا ...

متعب كان رافع رجل ومنزل رجل : اقول ورى ماتجلسي عندنا وتطبخي ..

روابي باستهزاء : لااااا .. فكره والله

متعب داري انها تحقره ومايعجبها وتحسه بزر ويتعمد يحسسها انه كذا .. لان ملامح وجهها حلوه وهي تحاكيه كانه غبي ..
: ايوه اجلسي بيني وبينك مراح نحصل طباخه تشتغل عندنا احسن منك ..

روابي رفعت المسدس من جنبها : اهاااا انت شكلك ماتفكر الا اذا فرقت هذا عليك ..

متعب : هع هع هع

روابي تلفلفه بيدها متعوده على بنادق ابوها ومسدساته .. قالت تخوفه : ها مامزح

متعب بجديه : حطيه هذي مافيها لعب ..

روابي تقلده : خاف البزر هع هع هع

متعب ضحك على شكلها وهي تفتح فمها وتضحك مثله : هع هع هع هع

روابي حطت المسدس : الحمدلله والشكر اكيد انت فيك مس مانت بصاحي اقوم ادخل قبل لايطلوا اللي فيك ويدخلوا فيني

متعب: هع هع هع هع رهيييييييييييبه

روابي : اقوووول ضف وجهك ..

مشت لداخل وهي متنرفزه : آآآآآآآف المراهقين مشكله ...





**********************
عشاق من احفاد الشيطان ... روايه رومنسيه حزينه ...و خياليه
**************************




سجى بعد ماريحة جسمها فتره طويله .. طوال امس وهي متمدده وماتحركت من السرير .. وخاواها خالد عبدالرحمن باغانيه الحزينه اللي تشرح حالتها ..
تكشخت ولبست وهي ناويه على تركي واهله.. خلاص طفشت منهم ومن قرفهم ودامهم ناوي يجلسوا على قلبها بالبيت هي تعرف تتصرف معهم ولا يهمها احد ..
تبغاه يطلقها وترتاح منه ومن عيشتها هذي ..

نزلت لتحت وهي لابسه فاصخ متعمده تبغى تنرفزهم ..

تنوره قصيره مرره طولها شبر بلون اصفر صارخ .... وتحتها شوربات طويله مقلمه "مخططه " باللون الطيف البرتغالي والاخضر والازرق والاصفر ..وبلوزه ثقيله بلون الاخضر وفيها كلمات بالاصفر ..

كان شكلها ملفت للانتباه وجذاب وكانها فتات اعلان كوول ..
و قصتها الجديده اللي على الموضه زادت من طفوله ملامحها ..

نزلت بدلع لتحت الصاله وين ماهم مجتمعين .. كللللللهم من صغيرهم لكبيرهم موجودين ..

اشرت بايدها بلا مبالاه :هاااي

تركي رفع راسه عن شاشة الاب توب ... وهو يدور مصدر الصوت الناعم والدلوع ... ناظرها من فوق لتحت شكلها جذاب ويذبح لكن بايعتها بملابسها هذي ..
حس بعيونه تتعلق فيها وقلبه يدق بسرعه رهيبه .. لكن بسرعه قسى نظرته وصرخ بوجهها : انتي كيف تنزلي كذا

سجى ببرود جلست وحطت رجل على رجل : كييييييييييفي ..

تركي ماعجبه الطريقه اللي حكت فيها مع اهلها : لاااا حلوه هذي كيفي .. يله اطلي بدلي المصخره هذي

سجى بكره لتركي : مراح ابدله ولا اني بطالعه فوق وش عندك يعني

تركي عطاها نظرت تهديد وقال بين اسنانه : اطلعي بالطيب احسن لك

اللكل ساكت مستمع .. سجى مو طبعها كذا ولا تركي ..

سجى ناظرت باظفارها ببرود وقالت بدلع : نوووو ياتركي مراح اطلع لفوق .. – ناظرت بعيونه بشجاعه وقلبها يرجف من الخوف – واذا كانت المرجله عندك بالضرب يله مد ايدك ..

تركي سكته ردها ..ماعرف وش يرد عليها .. ناظرها مقهور وحاقج تمنى يدفنها هنا هاللحين قدامهم وقحه وحقيره .. لا وبعد قويه عين ..

سجى طنشت عيونه وناظرت بالتلفزيون خائيفه من رده عليها ..

خ. دره : عشتوا ..

ام تركي اشرت لها تسكت وقالت لها بصوت واطي سمعه اللكل : تركي ضاربها علشان كذا قالت هالحكي

خ.دره شهقت وقالت بصوت مرتفع : ضاربها

ناظروا تركي مصدومين تركي يضرب حد مستحيل .. لا ومن مراءه زوجته

سجى كانت بموقف ماتنحسد عليه ابدا ..

هاجر : الرجال مايضرب زوجته الا هي غلطان

نوره باحتقار لسجى : أو ماشيه غلط ..

تركي عصب من امه هاللحين يقول لها لاتحكي لحد وكل الموجودين دروا .. لكن انبسط لما شاف سجى مقهوره والقوه اللي من شويه بدت تختفي ...
هذا كان رد ه لحكيها من شوي .. امه ردت عنه ..

سجى ناظرت بنوره وهاجر وهي حاقده عليهم : جد محد قالي ان هذي الاسباب اللي يضرب فيها الرجال زوجته .. انا اللي اعرفه انه ماقدر يثبت رجولته وكلمته على المرء ويضربها ..

تركي استغرب اليوم غير ترد برد ..واحتقار باحتقار .. صايره قويه ..
حكيها نرفزه من جوا وقال بصوت ينهي كل اللي صاير : اسكتي وكلي تبن لاترفعي صووتك على خواتي ..

سوسن كانت متعاطفه مع سجى لان اهل زوجها يعاملوها مثل كذا على الاقل هي ارحم زوجها معها... ام سجى المسكينه اللكل ضده ..
اسكتت ماردت ولا قالت شي بيطلعوها هي الغلطانه بالاخير ..

سجى ابتسمت باستهزاء لكن عيونها خانتها وتجمعت فيها الدموع حست انها وحده بين ذئيابه مو بشر .. لفت وجهها بسرعه عنه ..وسكتت

تركي كره الانكسار اللي بعيونها وكمل شغل على الاب توب .. لكن وين يركز وهو نفسه يهدي سجى .. مايحب ضعف مشاعره وتعاطفه معها علشان كذا يجلس اهله معهم ..

كملوا سواليفهم ولا كان سجى موجوده او صار اللي صار .. لكن الشماته فيها بعيونهم وبالذات من شذى اللي تكرها وتغار منها .. حتى نوره وهاجر ..

الا اثنين كانوا ساكتين سجى وتركي ..

ركض " خالد " ولد سوسن لعند سجى وقفز بحضنها بقوه ..
سجى :آه ...؟

خالد سنتين ونص دبدوب وابيضاني كان مزيون الطفل ..ضحك ببراءه : ههههههه

ناظروها سوسن وتركي وشذى توقعوا انها بتصرخ بوجهه وترميه بحضنها .. تركي كان متاكد ان هذي المدلعه بتضربه وبتحط قهرها فيها ..
لكن ابتسم وسكت وهو يناظر سجى تحكي بطفوله مع خالد ..
: خلودي ليه تعورني كذا ها ..؟

خالد نزل راسه ولعب بيده مستحي : انتي حلوه ..

تركي كتم ضحطته حتى خالد الصغير عاجبته ويقول عنها حلوه ..

سجى باسته بقوه على خده : ياقلبو انت الاحلى ..

خالد باسها بخدها بنعومه الاطفال .. ضمته سجى وجلست تلعب بشعره وهم اثنيتنهم يناظر التلفزيون مادرت عن العيون اللي تراقبها ..وماحست فيها ..

سرحت بعيد وخالد بحضنها لو انها متزوجه حد سنع ويسوى .. او حتى رجال يحبها ويقدرها ومايشك فيها .. .. كان هاللحين هي حامل .. – ابتسمت لها الفكره – ماتتخيل شكلها اابدا حامل او ام لبيبي .. هي بيبي كيف تكون ام .. لا مو بيبي تحس الكم اسبوع ببيت تركي كبروها اعوام ...

خالد بحماس ياشر على اللي بالتلفزيون وكان يتشف العالم هاللحين .. ياليتها طفله ماتفهم شي مثل خالد ..






**********************
عشاق من احفاد الشيطان ... روايه رومنسيه حزينه ...و خياليه
**************************




وعود صحت من النوم ... ماحصلت رياض موجود استغربت .. (( وينه هذا على الصباح ..؟ ))

ناظرت بالساعه العصر ..شهقت طول الوقت نايمه راحت عليها الصلوات .. بسرعه تروشت وصلت ...

طلعت من الغرفه بعد مارتبت نفسها شافت رياض متمد على الكنب و يحكي تلفون وميت من الضحك : ههههههههههههههههه

استغربت من صاحب الغدره اللفضيعه اللي قدر يضحكه كذا ... وهو يوم زواجه يبتسم بالغصب ..لكن شكله احلى وهو يضحك اصغر من سنه يصير ..
ابتسمت بنعومه : صباح الخير

رياض بدون مايناظرها : حبيبتي دقيقه شوي .. خير

وعود تتوهم هي سمعت حبيبتي والا لا .. ناظرته مفهيه ...

رياض باستمتاع ابتسم وقال وهو حاس بالصدمه على وجهها : يله كاترين تنتظرني على السماعه بغيتي شي ..؟

وعود ..انصدمت وسكتت تناظره هذا يمزح والا من جده .. وش كاترين وحبيبتي مافهمت شي ...

رياض ابتسم اعرض ابتسمه على وجهه : اذا تذكرتي وش حكيتي ناديني .. والا قولك لاتزعجيني .. وانا احكي مع حبيبتي

وعود قالت ببطى : اي .. ش ... حب... يب... تك .. ؟!

ريااض رجع يكمل حكيه مع كاترين ..
قال باللبناني : تابريني تاخرت عليكي كنير ..

وعود حست ان من جده هذا يحكي بنات قالت بعصبيه وهي تتمنى يقولها امه يمزح معها واللي يحكي معه متعب بس يستهبل عليها : انت هيييييييييه انا احاكي هنا ..

رياض : كات بيبي انتي انا راح اسكر واحاكيك بعد شوي .. اوكيه باي

سكر السماعه ووعود تناظره عيونها بتطلع من مكانها من الصدمه وايده على خصرها : ايش هذا انت ..

رياض قاطعها وهو يعدل من جلسته وقال ببرووووووود : اوه شكلي نسيت اقولك ..انا متزوج قبلك كات..اقصد كاترين ..لبنانيه تسواك وتسوى عشره من اشكالك ..

وعود حست الدنيا تدور فيها وراسها ثقل فجاءه وماعاد ت تفكر ..مخها تعطل ..
كيف متزوج محد قالها .. وشلون يتزوجها وليه دامه متزوج .

رياض قراء افكارها كلها .. وابتسم اكثر لكن بخبث : مو انا يابنت عمي اللي انرفض سمعتي .. انا اخذتك اكسر غرورك وعزت نفسك الزايده اللي مادري على ايش ..

وعود ماتصورت انه سطحي وتافه مثل كذا علشان رفضته اول مره خطبها مره ثانيه يرد كرامته .. كل تصرفاته اللي قبل وضحت قدامه هاللحين ماجاء بفتره الخطوبه ولا حكى معها تلفون بيوم الزواج وثاني يوم ضحكت على نفسها وغباءهاا لما ضنت ان في شي اسمه زواج ولد التاجر من بنت الفراش ضنت انها قصه جد حقيقيه وممكن تتوج بزواج : ههههههههههههه

استغرب رياض من ضحكها... وتنرفز هو ينكت علشان تضحك كذا ...

وعود تكتفت وناظرته باحتقار وقالت باستهزاء : بصراحه يارياض طلع اكبر مما تصورت هههههههه ...مشكلتك عارف وين انك مو واثق من نفسك علشان كذا ماعجبك الرفض .. والله اني رفضت اول مره كذا مو عيب فيك رافضه الزواج من اساسه بعد تجرب كانت صعبه علي ولما جاء ثاني مره وافقت لاني ضنيتك رجال – شددت على رجال وسكتت شوي كانها تقوله مانت برجال – رجال شاري لكن طلع تفكيرك خطير بصراحه ..


بحكيها هذا صغرته بنفسه ... تنرفزه مغروره واثقه من نفسها تصطنع الثقل والعقل ..

كملت وعود وهي تناظره بعيونه اللي اصابتها خيبت امل وضاعت منه نشوه الانتصار : ياولد عمي الزواج شي ارفع واعلى من انك تضنه انتقام او رد كرامه

تركته ودخلت للغرفه ..

رياض عصب منها جد مغرررررررررررروره دمعه مانزلت حتى ماتاثرت هذي من ايش مخلوقه ..
كان يضن بحكيه كسر انفها المشكله زاد شموخها اكثر

الفصل الثاني والعشرين

الجزء الثاني





تركته وعود .. ودخلت للغرفه ..

رياض عصب منها جد مغرررررررررررروره دمعه مانزلت حتى ماتاثرت هذي من ايش مخلوقه ..
كان يضن بحكيه كسر انفها المشكله زاد شموخها اكثر ...

وعود سكرت الباب ونزلت دموعها مقهوره ماتوقعت ان الزمن طعنها مره ثانيه لكن هذي المره بقسوه ..

(( رياض متزوج قبلي
لبنانيه

اكيد.... حلوه وصغيره ..

حقيرررررررررررر .. نذل ..

يقول انا .. ماسواها ياكل تبن

هو اللي مايسوى يعقوب ... ولا ظفر منه

اكيد نفس المراء اللي ردت عليها هذاك اليوم .. استاز رياز

.. الكلبه الحقيره ... ))

جلست على السرير القصير ... بالغرفه الفخمه باضاءتها .. مو هذا المكان اللي تحلم فيه اي بنت وهذا الرجال فارس احلام البنات ..
وين السعاده والفرح .. الا بدايه مشوار القهر والذل ..
احساس بالغربه والخوف ... وبرد يدخل بالعظام ...

دموعها المالحه على خدها.. تشوه صفاء بشرتها ..

لفت وجهها لبعيدوكانت معطيه الباب ظهرها .. انتبهت بالجوال البيج والعنابي (( N . 70 )) رفعته وهي تضغط على اسنانها وتبكي .. تبغى تنسى وتقسى .. بتدق على اي احد ... يبعد عنها الضيقه ويبسطها ...

لكن ..

صوت الباب من وراها انفتح .. وخطواته رجله الثقيله وضحت ..

وعود مسحت دموعها بسرعه من غير لايلاحظ رياض ...تحس انها بسجن وجاء وقت جلادها .. ماهي بطايقه ضغط عصبي زياده ..

رياض قال بجفاء وهو يناظر ظهرها الرشيق .. وشعرها الاسود ماخذ راحته على ظهرها ومتوزع بحريه .. لمتعه تجذب .. : اسمعي دامك عرفتي كل شي جمعي خلاقينك نرجع للبيت جلستنا هنا مالها داعي ..

وعود ضغطت على الجوال بكل قوتها و بلعت ريقها .. حاولت ان صوتها يكون طبيعي .. وقالت ببرود مع بحه .. : اوكيه ..

رياض بنفس الجفاء : وقبل لانسى ترى مافيه سفر لك لاني باختصار - ابتسم وكانها تشوفه - ماقدر اترك كاترين لوحدها هنا .. اخاف عليها

وعود لفت وجهها عليه بكل شموخ مصطنع وهي بداخلها تتكسر وتنجرح .. قالت بلا مبالاه : اوكيه .. ماني بمشفوحه على السفر وماحبه ..

رياض كان يناظر وجهها اللي معطينه جنبها .. انفها.. عيونها ... شفايفها التوتيه .. كل شي فيها يجذب ويلفت الانتباه ...
قال باستهزاء وهو متنرفز من غرورها وثقتها بنفسها ولا كانه قال شي يجرحها .. : اللي يسمعك يقول سافرتي من قبل ..

وعود ببرود اكبر : ايوه .. سافرت كثير بعد ..
- كملت باستهزاء -
لكن مو مثلك اكيد .. انا حدي الكويت والامارات مع زوجي اللي قبل ..

رياض مستغرب منها تسولف معه ولا كان شي صار .. لا وتسولف عن زوجها اللي قبل برحابه صدر ..
هو مايحبها ولا يطيقها...
لكن مو تحكي عن يعقوب الغبي كذا ولو هو رجال سعودي ومايرضاها .

قال بنرفزه .. : اهااا زوجك اللي قبل قلتيلي ..
- بقسوه كمل حكيه -
اسمعي انسي انك مطلقه والا يعني لازم تذكريني كل دقيقه .. اني متزوج ناقصه ..وومستعمله ..

ناظر بوجهها باهتمام يبغى يشوف ردت فعلها لكن ماتغيرت ملامحها ولا شعره .. نفس البرود مادرى عن النار اللي بداخلها ..
دقات قلبه صارت سريعه البنت هذي قويه .. ولا يهمها شي

وعود توقعت حكي اكثر من كذا ..
كان نفسها تبكي وتصرخ بوجهه ..
لكن عملت حالها مو مهتمه .. لانها خلاص مو مستعده تكون مطلقه مرتين وتحمل هاللقب القاسي ..
هي جربت نظرة المجتمع
للمتزوجه وكانها ملكه .. والعانس والمطلقه .. كانها قذره وعاله على المجتمع

قالت بهدوء وهي ترجع تناظر قدام وتعطيه ظهرها: بس هذا اللي مضايقك خلاص ماعد اذكر اسمه .. او طاريه حتى .. تامرعلى شي ثاني ..

رياض (( قسم بالله ذي اللي بذبحها كيف تفكر يانااااااااااااس ))
قال بصوت مرتفع : واذا رجعنا للبيت انتي لك الملحق سامعه وكاترين باقي البيت ..

وعود وسعت قلبها وخلت فيه مسافات لطعنات المشوار طويل قدامها .. وبينزف قلبها اكثر .. كانت متوقعه الاحتقار لها لانها بنت العم السعوديه .. للبنانيه الغريبه المعزه والكرامه ..
قالت .. باستهزاء: اهااا ولي ليله والا بعد مرميه بالملحق ..

رياض متنرفز منها جالسه ببرود ومعطيتها ظهره لو كاترين ركضت له وبكت بحضنه مايقسى عليها .. لكن هذي حجر وفقيره بمشاعرها ..
: كان حكيي مو عاجبك يا مدام ساره ..

غلط باسمها متعمد يبغى يجرحها ..

وعود وقفت .. و مشت لعند الدولاب تجهز اغراض لطلعت اليوم بيت أهل رياض ...
وهي تحس الدموع تحرق عيونها حتى اسمها مو عارفه ..
: اولا اسمي وعود وثانيا .. لا عاجبني .. – باستهزاء - استاز رياز ..

رياض رفع حواجبه تقلد كاترين ..
: تجهزي يا عهد مادري وعد .. ومو لازم حد يدري انك مسكينه ومغلوب على امرك .. وانخدعتي .. مني ومن سجى ومن امي ها وعد فاهمتني ..

وعود لفت عليه وبعدت خصلات شعرهاالليلي عن وجهها بدلع مو مقصود : ليه هو في شي صار .. ببساطه انت متزوج وانا مطلقه ... وافق شنن طبقه ..

رياض ناظروعود من غير لايرد .. هو سرح فيها .. (( البنت هذي حلوه ونعومه وشعرها يسحر .. لكن مغروره درجه اولى .. ))

وعود جهزت ثوبه واغراضه ...وهي ساكته ومقهووووووووره .. حتى سجى تدري وماقالت لها ..

حطت الثوب وتوابعه على السرير وهي تمسك دموعها ورجفتها ..اصعب شي كتم الغيض ..

رياض طلع وتركها مبسوط ... (( اكيد مقهوره لكن تكابر .. انا اللي بنزل انفها للارض ...))

وعود اول ماطلع وشافته برى الغرفه .. اخذت نفس طويل .. ورجعت تبكي .. اسمها اللي هو اسمها موقادر يركز فيه من كثر البنات اللي يعرفهم ..





بعش زوجيه ثانيه .. تبنيه عصفوره سجى ترفع غصن عصن .. وتحطهم بعنايه علشان يجي تركي ويرمي العش كله ..

متعب دخل للمجلس المتوضع والصغير بالنسبه لقصرهم الفضيع ..




متعب ناظر ببيت اخته : هااااا بو صنعه ماعاد نشوفك

تركي ماتوقع زيارت متعب اللي مو بوقتها لكن قال ببشاشه .. : هع هع هع هع هع الزواج

متعب وهو يحك ذقنه اللي نبتت فيه شعرات قصيره .. : كل اللناس تتزوج بس انت وزوجتك لاحس ولا خبر حتى امس ماجاءت مع وجهها ..

تركي تووهق متعب مستحيل يتركه : ايوه انا قلتلها قالت تعبانه من بعد العرس

متعب بخبث : ايوه تعبانه والا انت حابسها عندك ...لازم قاصه شعرها هع هع هع

تركي تضايق : بو الهش استرررررررريح ..

متعب فتح فمه لاخر حد وضحك من قلب : هع هع هع .. نادها اخذها معي مره واحده ..للبيت

تركي ابتسم بتردد : اوكيه ..

متعب استغرب من الاصوات لكثيره اللي جاءيه من داخل : وش هالاصوات عندكم احد ..

تركي ارتبك : ايوه خبرك الاهل هنا ..

متعب يتريق : مشاء الله دوم عندك الاهل هع هع هع هع

تركي يحس انه بمحكمه وقدام قاضي
: هع هع هع يسلوا سجى احسها تطفش ...
دقايق اناديها ..

طلع بسرعه متفشل من متعب ..
دخل شاف سجى جالسه معهم ... لكن تلعب خالد .. اللي ماتركها من الظهر .. ناشب فيها وهي راضيه ..

ارتبك كيف يناديها مايحب يناديها باسمها : نانه نااانه ..

سجى كانت بعالم ثاني مع خالد اللي طلع لها كل فلوسه من شنطه امه واغراضه يوريها ..
قلبها دق بسرعه وهي تسمعه يناديها .. نانه .. له طريقه خاصه بنطقها ..

رفعت راسها : نعم ..

تركي بلامبالاه مصطنعه وهو يناظر بعيونها المغرقه : متعب هنا و يبغى يشوفك

سجى ابتسمت وقفت بحماس : جد متعب هنا ...وين ..؟

تركي حسها جد طفله نست كل شي بس سمعت ان اخوها هنا .. قال وهو يخفي ابتسامته : بالمجلس اللي بره ..

سجى رفعت خالد معها وطلعت بسرعه لبره ماهتمت لاحد .. واخيرا حست ان عندها اهل وفي حد مهتم فيها ..

تركي : جهزوا الشاهي والقهوه

خ. دره : وليه هيه ماتجهزها اخوها اللي جائي ..

تركي استغرب معقوله مراح يجهزوا الشاهي .. وهي شهرين الا كم اسبوع تخدمهم ..
قبل لايحكي .. قالت هاجر : ان شاء الله انت روح لضيوفك تركان ..

تركي ناظر خالته دره هي وامه السوسه يدري لكن ممشيها بمزاجه : مشكوره هجوري ..

طلع لبره وشاف سجى ترتب شكلها عند نافذه المجلس وتقول بطفوله لخالد ..: اخوي هنا اخوووي .. ميتو هههههه

دخلت لداخل عند متعب: هلا وغلا ومرحبتين

متعب : اووووه وش هالكشخه هلا فيك ..؟

سلمت عليه وحبت راسه : كييييفك ميتو ..؟

متعب ضحك من قلب سجى متغيره : هع هع هع هع وش هالادب .؟

سجى بدلع : انا من زمان مادبه ..

متعب ناظر بتركي : لا ياتركي وش اللي عملته بسجو ..

تركي : اعطيتها دوره هع هع هع

متعب ناظر بخالد : اقول امداكم تجيبوا عيال ..

سجى وهي تجلس : هاهاها بايخه ..

تركي : هع هع هع الله يرجك .. هذا خالد ولد اختي ..

متعب : على بالي بعد .. لان اول ولد لكم باسمي متعب

سجى تضايقت كثير وغرقت عيونها : ..........

تركي حس فيها : لاااا وش عياله يابن الحلال ..

متعب : المهم سجوي انا جائي لك لسببن .. الاول اخذك معي للبيت .. امس تعبانه اليوم مالك حجه ..

سجى ناظرت تركي بخوف : امم مادري اذا

متعب : وش فيك تناظريه لاتخافي مراح تفارقيه كثير هع هع هع

تركي قال بعيونه اوكيه قولي اوكيه
قال باستهزاء : اللهم لاحسد بو الهش اذكر الله

متعب : لا اله الا لله.. انت وجهك هع هع هع ..
والشي الثاني .. – طلع من جيبه بطاقه ذهبيه قاسيه ومدها لسجى – خذي ..

سجى ماستوعبت ايش الا لما قرت عليها " بنك الاهلي " بطاقه بنك : ليش هذا ..؟

تركي ناظر متعب معصب : عملتها ..

متعب : لحضه لحضه انا مالي دخل هذي من ابوي .. والله من غير لاحكي معه يابو صنعه .. هو قال هذا مصروف لاختك سجى

سجى ناظرت تركي بانتصار : بعدي قلبي بابا الله لايحرمني منه .. ميتو بتجهز وبجي لاتروح بطلع معك

تركي ببرود : لا انا بوصلك ..

سجى قالت بقهر منه ومن اهله : لااا لاتعب نفسك متعب بيحتريني ماوراه شي

متعب : ايوه .. ياتركي باخذكم اثنينكم مو مثل امس بو صنعه

تركي كان معصب : اقول بالهش ضف وجهك وانا بجيبها يله قم لبيتك

متعب درى ان تركي معصب : ههههههه ابشر .. يله بالاذن تعالي مع زوجك ..

سجى حست باحباط ورفعت خالد من الكنبه .. وقالت بهدوء : اوكيه

متعب : يله مع السلامه .. تركان احتريك لاتتاخر وسجى جاهزه وكاشخه ..


طلع متعب وتركهم بالمجلس ..

سجى بسرعه مشت بتطلع .. قبل لايغير رايه ويقولها مافيه طلعه ..ومالها خلق تجلس مع اهله زياده ..

تركي وقف بطريقها ونزل خالد منها : يله رح حبيبي لماما

خالد ناظر بخاله واعترض ورجع لعند سجى .. لكن تركي صرخ فيه : خالد بسرعه اطلع

خالد خاف وركض لبره ..

سجى خافت من صرخت تركي .. اكثر من خوف خالد ... وحست قلبها بيوقف .. يصرخ ووقف بوجهها ناوي على شر ..

تركي ناظر فيه وقال بهدوء لكن صوت حاد : انا سكت لك علشان ماحرجك اكثر عند اهلي .. ولا لسانك هذا يبغاله قطع ..

سجى رجعت عيونها تغرق بالدمع ..ماتعرف تمسك دموعها وتكون قويه .. قالت بصوت مرتجف : بس انا كنت ..

تركي كسرت خاطره .. شكلها ينرحم خائيفه : كنتي ايش ..؟

سجى بخوف اكثر .. قالت بضعف : تركي والله انا كنت مقهوره و قلت اللي قلته ..

تركي حس ان دقات قلبه سريعه وشكلها يجذبه كذا .. بعيونها براءه وطفوله .. وطريقتها عفويه ..
كان يبغى يطلع يهرب من هالمكان ومشاعره هذي .. اللي هي فيه .. بس رجله ماتحركت ظل يناظرها : .......

سجى مسحت دموعها بسرعه اللي بدت تنزل :آآآف ياربي مراح تصدق داريه ..

تركي (( قسى قلبك ياتركي هذي خائينه .. )) اخذ نفس وقال وهو يغمض عيونها يقسي قلبه عليها .. : خلاص لاتبدين تبكين ادخلي البسي عبايتك وانا بالسياره احتريك

سجى طلعت ركض لداخل تخاف منه اذا صاروا لوحدهم واول مره تحس بحسنات وجود اهله معهم ..

تركي انتظرها بالسياره .. ولما طولت ارسل البزارين لها ..

سجى : آآآآف عللا ايش مستعجل طيب عذ انا نازله ..

نزلت بعبايتها واهل تركي لهالحين جالسين ..

خ . دره : على وين ن شاء الله ..

سجى بدون نفس : تركي يقول اطلعوا لبيوتكم ابغى اقفل البيت واخذ المفتاخ ..لان حنا طالعين لعزيمه اخوي ..

ناظروها بقهر تطردهم من بيتهم ..

نوره :احتقرتها : غريبه ماحكى لنا وحكى لك ..

سوسن وقفت : انا كذ والا كذ طالعه بو رامي .. بالطريق

هاجر : نكمل السهر ببيت امي ..

ام تركي انقهرت وسكت ..

خ .دره تحتقر سجى : يله نطلع دام تركي يبغى كذا ..

لبسوا عباياتهم وسجى واقفه على راسهم مبتسمه انتصار بالنسبه لها .. ماهي بمهتمه بتركي ورده لادرى ..

طلعوا اهله كلهم من البيت مع بزارينهم ..

استغرب تركي (( وين طالعين بدري.. ياحليلهم طلعوا لاني مو فيه .. ))

شاف سجى تقفل الباب وهي تضبط عبايتها .. عصب من شكلها ..
عبايه ضيقه وغطاء خفيف ..
(( هذي الحماااااااااره كيف تفهم ..؟))

دقت دره النافذه ..على تركي لف بسرعه كان سرحان ومعصب من سجى ..

فتح النافذه وابتسم : هلا يمه ..

خ. دره : انا خالتك ..؟

تركي : ههههه مانتبهت والله ضنيتك امي

خ. دره : حرام عليك انا اضعف وابيض .. واصغر ..

تركي : ههههههه ولا يهمك ابشري يالنحيفه ..

دخلت سجى وهي حاطه ايدها على قلبها من دره : هاي ..

تركي ناظرها بطرف عينه ..: ارجعي لورى ..

سجى نست وركبت قدام .. انحرجت ونقهرت لانه قالها ترجع وخالته واقفه ..

خ.دره : لا يمه تركي مابغاك توصلني اتركها قدام ..

تركي : لا ماعليك ورى احسن لها

سجى حست بالمذله جد غرقة عيونها كانت مبسوطه من ثواني كل شي اختفاء ..
تكتفت وقالت بعناد ترد كرامتها : ماني بنازله ..

خ. دره : انزلي يمكن بيمر لى احد يوصله ..

سجى بعناد : ماني متحركه من مكاني ..

تركي طنشها : ها خالتي وش بغيتي ..؟

خ.دره : الله يعينك على مابلاك لو انك ماخذ "حنين " بنت اختي .. مو احسن لك كنت تبغاه وهي تبغاك وش غير رايك مادري .. – احتقرت سجى – واخذت هذي ..

سجى مو اول مره تسمع اسم حنين دايم يحكون عنها عند تركي ..ويحبوها خواته لكن هذي اول مره تدري انه كان يبغااها او تبغاه .. حست بشي يشتعل داخلها ونفسها تقتل هذي الدره
: هذي تسواك وعشره منك .. انتي ناسيه انا بنت من

تركي لف عطاها نظره خافت منه لكن مثلت القوه و ماهتمت .. : لاتناظر كذا ترى طفشتونا انتم ..

تركي بين اسنانه : اسكتي احسن لك .. هلا خالتي وش بغيتيني فيه .؟

سجى كانت مقهوره وماسكه دموعها بالقوه لكن اللي مصبرها بتروح لبيت اهلها بعد شوي وبترتاح هنا .. ومراح ترجع لتركي ابدا ..

خ. دره : نسيت والله .. المهم لارجعت بغيتك بسالفه .. يله تيسروا ..

تركي : ابشري مع السلامه ..

سكر النافذه وانتظر خالته دره تدخل للبيت لف على سجى

ناظرت سجى .. : ماني بنازله ..

تركي : لسانك هذا بقطع لك اذا حكيتي مع خالتي مره ثانيه كذا ..

سجى بلامبالاه وهي تفتش شنطتها : الله يعافيك الله والخاله .. هذي لو خالتك جد ما طرت حبيبك وحياتك حنين ..

تركي ببرود : مو جلستي بجنبني على بالك خلاص زوجتي .. يانانه اعرفي حدودك كويس .. وانزلي بسرعه ..

سجى طنشته وماردت كانت خايفه لكن معانده ..

تركي مسك ايدها بقوه ولف عليها معصب : سجى انقلعي ورى بالطيب احسن ..

سجى ناظرته ورى غطاها الشفاف ..وهي تكابر دموعها وكرامتها اللي يجرحها كل دقيقه ..ماعندها رد تقوله لو حكت انفجرت ..

اخذت شنطتها ونزلت ..لداخل البيت ..

تركي : تعالي وين ر

سكت لانها سكرت باب البيت بقوه ..

ركضت سجى لغرفتها ..

تكره تركي واهله ..يتلذذ يذلها ..

سكرت على نفسها الباب وبكت على سريرها مقهوره ..

تركي نزل من السياره وناظر البيت متنرفز (( بزر مدلله .. غبيه ماتفهم على اي شي تزعل .. آف .. وش اعمل مع متعب هاللحين ..))

دخل للبيت ونادى عليها : نااااااانه .. نانه ..

سجى سمعته وغطت وجهها بالمخده تبكي اكثر ..
(( ليه يكرهني ومايصدق علي شي ..
لا والحقير يدلعني ناانه شايفني بزر عنده ..))

فتح تركي الباب : نانه بلا دلع زايد ويله انزلي لسياره .. والله ماني برايق لدلعك ..

سجى مارفعت نفسها وبكت اكثر ليه تخاف منه ..؟ مو هي اللي ماتسكت لامها ولاحد
(( يله ردي عليه ياسجى قولي انت قاهرني وظالمني ))

تركي بنفاذ صبر : دقيقه مانزلتي لسياره والله لاتصرف معك تصرف ثاني ..

نزل لتحت ينتظرها ويشوف نهايتها معها .. سكر باب السياره بقوه وهو يقول : هذا المدللات ومايجي منهم

نزلت سجى و دخلت لسياره ورى

.. سكرت الباب بقوه وسكتت مابكت ..
تركي سكت ماحكى معها لحد ماوصلوا ..







داخل السياره الجيب...

ندى : يبه دام حنا بالرياض نزلنا للفيصليه .. فيها مزاااااااين

بو نواف : هاللحين بيت اخوي فهد عاملين عزيمه لاختك وزوجها وانتي تبغي تنزلي للفيصليه ..لمزاين ..

ندى : آآف شبعنا والله من اختي وزوجها واهله .. وش دعوه كم يوم الناس تعزم مو اسبوع ..

هواجس : جد ماعند سالفه في حد يكره العزايم والتمصخر على فلانه وعلانه

ندى : ههههه .. وربي اشكال من الحريم قالك مجتمع راقي

نور : ايوه وانتي صادقه هههههههه ..

بو نواف :عاد هاللحين يا هواجس انتي منهم ترى ..

هواجس : اسكت ياخالي لو تشوف الاشكال المصخره ماقلت انا منهم ...

ندى ونور : هههههههههههههههه ...

وصلوا لبيت بو رياض ..

ندى: يارب وعيده وصلت ..

نور : حاكيها تاكدي منها لاتتاخر مثل امس ..

ندى:دقيت عليها عطتني مشغول .. مسكينه اختي عروس ماتهنت باول ايامها ..

هواجس : اقول انزلي وانتي ساكته ..ههههه

نور :ههههه ماتعرف تمسك لسانها الهبله ..

دخلوا للقصر ..كانت ربى باستقبالهم ..
لابسه فستان سماوي ناعم وفاتحه شعرها الاشقر ...
بابتسامه واثقه : هلا وغلا تفضلوا ..

نور احتقرتها وقدمت بدون لاتسلم ..ربى كانت متحمسه تسلم على نور وتاخذ اخبارها توصلهم لراكان ..
استغربت من ردة فعل نور واضح انها متقصده .. كملت سلام عليهم كلهم ..

ندى بهمس لهواجس : ياشينها هالربى ..

هواجس : تهون عن البزر سجى ..

ربى تاشر لهم : حياكم تفضلوا ..

ندى : وعود وصلت ..

ربى : لااا ..

روابي جاءت وبيدها العطورات تعطيهم ..

هواجس بغرور : لا مشكوره ..

روابي : عود ومسك خذي لتس ..

هواجس : لا ماحب ريحتهم قديمه ..

روابي عوجت فمها : براحتس وانتي بعد نديه ماتبين ..

ندى لفت عنها لداخل : لااااا ..

روابي: وراهم شايفين اعمارهم ..

ربى : من ..؟

روابي بقله صبر : يعني من بنات عمتس حمد وبنات خالهم ..

ربى بلامبالاه : مادري عنهم

روابي ماتعجبها ربى لانها بحالها .. وطيبه بزياده ..: ايوه احسن لتس لاتدرين عن شي ..

ربى طنشتها وماردت عليها ..

دخلت سياره تركي للباركنق بنفس الوقت اللي دخلت فيه سيارة رياض ..

نزل رياض وبعده وعود استغربت (( من هذولاء ..؟والله هالعز كشخه حتى سواقهم سعودي رزه ..))
شافت رياض وهو يفتح الباب للمراء استغربت اكثر .. (( هذا قليل الادب مايحشم حد ..لا وش هالتفكيروعود.. يمكن من خالاته ..))

وهي بافكارها سمعت رياض وهو يحكي بصوت مبسوط : هلا وغلاااا بدلوعتي .. ها سجو جالسه ورى وش عندك ..؟

سجى نزلت وباست راس رياض وقالت بصوت هادي بالغصب طلع منها :هلا رياض كيفك ..؟

رياض فتح غطاءها وكان مطنش تركي لانه مو من مستواهم وماعجبه هالزواج اللي بدون حفله حتى : ياحبيبتي انتي عيب تجلسي لورء وزوجك قدام .. صحيح ان شكله ماياهل رزه وكانه سواق لكن عيب ..

تركي باحتقار من طرف انفه : اقول رياض الحشيم مو لك للبيت اللي انا فيه .. سجى ادخلي وغطي وجهه في عمال هنا ..

سجى طنشته ومشت لعند وعود : ها رياض كيفك مع العروس ..هلا وعوده ..

وعود كانت تحتقر رياض مايحترم حد .. ولفت انتباهه تركي .. ماتوقعته وسيم كذا ضنته مثل متعب ..: هلا سجى ..

رياض مشى لداخل وطنش تركي واللي حكاه ماكانه شايف حد قدامه ..

تركي تذكر قبل لاتبعد سجى ناداها .: نانه نانه..

لفت سجى بسرعه حتى هنا يناديها نانه : نعم ..

وعود تراقبهم بفضول ..

وقفت عنده سجى مستغربه ..

تركي طلع جواله : خذي نسيت علشان تطلعي ... – اشر لها على رقم – وهذا رقمي الثاني ..اللي بدق عليك

سجى (( ومن قالك اني برجع معك ..والله على جثتي ))
اخذته ساكته ...

تركي بهمس : غطي وجهك احس لك .. ناظري زوجة اخوك ماكشفت ..

سجى لفت على وعوداللي تناظرهم
مشت بسرعه خائيفه وتركته .. دخلت للبيت بدون ماتناظره ..


عند المدخل ..

وعود بخبث : هممم سجى وش هالحركات تعالي ونانه ..

سجى قلبها يدق بسرعه خائيفه من تركي اذا درى عن تفكيرها ..

وعود : سجى سججججججى ..

سجى : ها تحاكيني ..

وعود : هههههه تعالي ندخل ..

ربى كانت مع روابي استقبلوهم

ربى : هلا سجى هلا وغلا ماتوقعتك بتجي

وعود : السلام نحن هنا ..

روابي : درينا انتس هنا ..حياتس يالعروس

ربى : سوري وعود لكن ماتوقعت سجى جائيه ..

سجى.: انا بنام بليز قولوا اني مو فيه ..

البنات ناظروا بعض مستغربين لكن سكتوا ..

ام رياض من طرف انفها : سجى ..

سجى حست برجفه بجسمها من زمان ماسمعت صوت امها البارد اللي مافيه اي عاطفه : هلا ماما ..

ام رياض ناظرتها بتفحص : وش عندك جائيه ومن جابك ..؟

سجى بتردد: مع تركي ..ماما انا بنام تصبحي على خير

ام رياض كانت بتهزءها لكن سكتت روابي وعود وربى هنا : اوكيه .. وانزلي عند الحريم ..


دخلت سجى لغرفتها





رمت العبايه والشنطه على الارض وتمددت على السرير ورسلت لتركي بالجوال اللي معها ..
(( .. تركي مراح ارجع معك رح لبيتكم .. وارسل لي ورقه طلاقي ..))
قفلته ونامت ..

تركي كان توه مخلص سلام وجالس .. ناظر الجوال بلامبالاه .. ثواني واستوعب قصدها ..(( ايش مراح ترجع من جدها هذي ..
على كيفها هالبزر تضن عند اهلها خلاااص ..
يالله هذي وش يفهمها ...
من وين طلعت بهالقصه بعد ..؟ )) ..

........&.........&...........

وعود تسمع لندى ونور.. وهي مو معهم ...تفكيرها برياض ومكالمته لزوجته اللبنانيه ... كيف حياتها بتكون معه ..

هواجس : ايوه كنت بايطاليا قبل فتره ..

ولاء بعمر هواجس وعود متزوجه من عبدالرحمن اخو زوجه عمهم فهد ..خال سجى وربى ..
: اكيد رحتي لدار الاوبرا ..

هواجس ابتسمت من قلب وهي تذكر فهد مندمج معهم وهي نايمه ..: ايوه لكن ماحبيتها اكثر شي عجبني نافذة جوليت تصورت هناك وكتبت ..

ولاء : انا كمان كتبت ورقه سماويه اذكر هههه

هواجس : لا انا وردي وفه.. اقصدسعود اخذ صفراء ... زحمه هناك ..

ولاء : ايوه مكان سياحي .. ياليتك زرتي معارض هناك بلد الفن ..

هواجس توترت وهي تذكر فهد هاللحين : ايوه معرض واحد ... لطلاب الجامعه ..

ولاء: ايوه انا كمان في مصمم فضيع له معرض ورسام الفهد .. هو سعودي لكن طول حياته هناك ..

منعت شهقه لاتفلت منها ..وارتبكت : ايوه هذا المعرض اللي اقصده ..

ولاء : مع ان عرضه غريب كله لبنت وحده مشاء الله العارضه اللي راسمها ملكت جمال ..

هواجس بلعت ريقها (( يارب ماتشبه علي يارب )) : ايوه حلوه

ولاء: عبدالرحمن زوجي يقول انها فرنسيه ومعه بالجامعه لان المصممه ايلي مو مره وسمينه ..

هواجس كانت بتضحك بوجهها وتقول (( انا يالغبيه لكن ماتحسي بجمالي لاني سعوديه وقبالك ))

ولاء: وراك سكتي مو عاجبتك ..؟

هواجس بسرعه : انا لا عادي .. – بفضول اسالتها – أنتي قابلتي المصمم يعني اقصد شفتيه شخصيا

ولاءبهمس : مزيوووون ياخذ العقل .

هواجس استغربت وحست بالغيره : ايوه ..

ولاء: ايوه باخر المعرض وكان مشغول مع العارضه الفرنسيه ..

هواجس فتحت عيونها لاخر شي : شفتي العارضه ..؟

ولاء بحسره : لا خساره لكن عبدالرحمن شفها مع البدي قارد الشايب تبعها ..

هواجس ماقدرت تمسك ضحكتها : هههههههههههههههههه

ولاء استغربت : ايش فيه ..؟

هواجس ماقدرت ترد عليها وماتت من الضحك : هههههههههههههههههه

ولاء ابتسمت لضحكها: ايش فيك ..؟

هواجس مسكت نفسها بالغصب لان ضحكها علاء شوي : سوري .. من جد سوري

ولاء: ضحكيني معك..


هواجس:لا سلامتك لكن تذكرت فستان اخذته من هذا المصمم وطلع بالمره اكس وضحك علي سعود ههههه

حجه بايخه وماتقنع لكن عدت على ولاء : ههههه ..

هواجس : هههه

ولاء مستمره بالموضوع عن فهد :ايش رايك باجازه العيد نطلع سوا لايطاليا ..

هواجس كانت مرتاحه لهذي الولاء : من جد فكره .. عطيني رقمك ونتفاهم وش رايك ..

ولاء: اوكيه ودامنا بالشرقيه سوا لازم تكون بيننازيارات ..

هواجس: اكيييييييد ..

.................. & ............





ايطاليا ..


هذا سابع تصميم يرسمه ويقطعه : آآآآآآآآآآف

متوتر .. تفكيره بهواجس كم يوم ويكون بالمكان اللي هي فيه بالسعوديه ..
(( ها يافهد مبسوط قريب بتلتقيها ..لكن كيف بتشوفها ..يالله كيف بكحل عيوني فيها .. كييييييييف ..؟
اكيد مراح التقيها ..خساره ماقدر اشوفها .. اختها بتتزوج اكيد تبغى تصاميم ....
ايوه تبغى تصميم – ابتسم – ايوه جبتها يافهاد وهي تايهه ..لازم اصمم لها ولاختها تصميم مافي مثله اثنين ..))




عدل جلسته ..واخذ الفحم وبدى الرسم حاول يندمج ماقدر تفكيره مع هواجس وابتسامتها ماغابت عن باله .. شهرين ماشافها ..
طلع العقد من تحت ثيابه وناظر بالخواتم (( مشتاق لك .. اكيد نسيتين يا هواجس لكن والله ماغبتي عن بالي لحضه ..))

رسم وقطع ..
رسم وقطع ..

رسم واندمج اندمج بالخطوط والتفاصيل ..
فستان طويل مررره له ذيل اطول منه بلون الاحمر التوتي
يبرز بياضها اكثر ..
ضيق .. مفصل بالجسم ..
.. مطرز بشكل شعبان ملفوف على الجسم كله من ورى وقدام .. باللون الذهبي الفخم ..

رسم وصمم وهو يتخيله عليها .. بتطلع ملكه على عرشها اذا لبسته ..

يومين بس ويسافر وهذا الفستان يبغاله بالقليله شهر .. لان لتطريز ياخذ وقته كله ..حتى الحلق هو بيصممه بحروف اسمها هواجس ..

بيوقف كل شغله هاليومين وبيعتكف على هذا الفستان وفستان نور بيتركه لايلي تصممه وتعمله علشان مايقارب تصميمه لهذا ..

دخلت امه وهو مبتسم يدور القماش بالكيس اللي معه .. ..

ام فهد : ماما مشغول

فهد مندمج : ايوه ماما ..

ام فهد ناظرت بلوحة هواجس اللي قباله .. وابتسمت بخبث : ممكن اعرف بايش مشغول

فهد سحب ورقه التصميم وقال بفرح : ايش رايك بهذا ماما ...

ام فهد بخبث : لهواجس ..

فهد: ايوه بيطلع عليها فضيع .. ماما هواجس جسمها وبشرتها وبريق عيونها جذاب .. ماما التوتي بيطلع عليها فضيع

ام فهد : كم مره قلت بيطلع عليها فضيع ..

فهد حط أيده على شعره ودخلت عيونه : هههههه..

ام فهد عجبها التصميم : واااو رهيب .. لا فهد متعب نفسك فضيع ..

فهد: هههه ..
حلوه منك ماما لاتعيديها ..

ام فهد ابتسمت من قلب تدعي ربها ان ربي يجمع بين هالهواجس اللي صارت لولدها هاجس ..:تحب تشرب شي ...

فهد يدور القماش الغالي اللي اخذه من فرنسا وبسعر غالي .. هذي الملكان اللي تستاهل تلبسه ..
: ماما لو سمحتي لاتعطليني وحاكي ايلي قوليلها انا مشغول هاليومين قبل سفري لسعوديه تكنسل كل الفساتين والاشغال

ام فهد فتحت فمها : كيف ماينفع .. انت ملتزم وهذا لممثلات مشهورين و عارضات .. وبتخسر فلوس كثير...




ندى طلعت لبرى تنادي على روابي علشان العشاء .. شافت تركي بوجهها توهقت ترجع توقف . .. المشكله الباب الرئيسي تسكر ...

تركي ضنها سجى قال بعصبيه : تعالي وش قصدك بالمسج ..يله البسي عبايتك وتعالي بسرعه

ندى حاولت تبعد تتغطى بسرعه ومقهوره منه يوقف يناظرها

تركي لما دقق بوجهها عرف انها مو سجى لف وجهه بسرعه ورجع لعند الرجال ..

ندى رجعت لداخل بسرعه .. ((يلعن بو الفشيللللله شكله يضنني سجى .. يالله وش هالفشله ..؟ ))

تركي مفهي (( سبحان الله كانهاسجى .. بس هذي شكلها اكبر من سجى .. لا والله نسخه منها .. يخلق من الشبه اربعين .. لااا هذي برياءه اكثر .. برياء مو مثل براءه سجى ..
سجى ازين منها واطول .. ياحليلك ياسجى في باهلك كثير يشبهوك لازم اعرف من هذي ..؟))

سجى كانت نايمه تعبانه تبغى ترتاح ..

رجع تركي للرجال وكان العشاء جاهز اكل شوي وقال لمتعب لان سجى مقفله جوالها : بو الهش ناد اختك انا تعبانه وابغى انام ..

ماجد : هع هع هع ماينام الا والمدام معه

متعب : من بيغطيه هع هع هع

تركي : اقول لايكثر وقل لها يله .. والا اقولك انا بدق عليها ..

متعب: ايوه كذا من الاول ولا يعني لازم تعرف اللكل انك متزوج اختي هع هع هع ..

فيصل بدون نفس : الله والنسب متزوج سجى .. والله حرام فيك ..

تركي احتقره : لا نسب يشرف بصراحه ..

متعب اخذ على خاطره من هالكلمه لكن سكت اكيد يبغى يقهر فيصل وبس ..

تركي دق على ام رياض : هلا عمتي كيفك ..؟

ام رياض استغربت : هلا وغلا تركي اخبارك ..؟

........ &.........&............

ام هواجس : يمه وعود وش فيك

وعود ابتسمت بدون نفس : لا خالتي مافيني شي ..؟

ام هواجس بحنان : علينا وجهك متغير وش فيك احكي ..؟

وعود : لا والله خالتي مافيني شي ..

ام هواجس: اكيد ..؟

وعود اتسمت : ايوه اكيد ..

ام هواجس : ولواني مو مصدقتك لكن براحتك .. طيب ابتسمي لناس طول وقت زعلانه وسرحانه .. بدايت الزواج كذا لاتضايقي نفسك ..

وعود (( آآآآه وش احكي لك يازوجة خالي وامي الثانيه .. طلع متزوج قبلي .. ويموت فيها آآآآآه قلبي محروق ))

ام هواجس لاحظت انها ترجع تسرح من جديد اتركها على راحتها وخافت عليها وش اللي حصل مع رياض تركها مصدومه كذا ..

.....&.........&......&.....&

ام رياض : اضربي الباب كويس انتي معها ..

ميري : ماما هذا مافي رد ...

ام رياض تصرخ : سجججججى افتحي الباب لاكسره عليك ..

فتحت عيونها من النوم مفزوعه وش هالضرب على الباب وليه كل هالازعاج ..؟ بعد النومه المريحه على السرير المائي تزعجها امها كذا

ام رياض من ورى الباب بصوتها المتسلط : اقسم بالله اذا مافتحتي الباب هاللحين بادبك ..

سجى استوعبت وفتحت الباب بسرعه وهي يادوب تفتح عيونها : ايش فيه ..؟

ام رياض دفتها ودخلت : وجعه ان شالله جعلك تنامي نومت اهل الكهف .. ليه ماتفتحي

سجى : كنت نايمه ..

ام رياض: بسرعه خذي عبايتك وانزلي تركي يحتريك ..؟

سجى خافت من امها لكن قالت لها : مابغى ارجع معه..

ام رياض تكتفت وهي تناظرها : لا والله احلفي ..

سجى غرقه عيونها : ضربني ..والله ضربني ياماما

ام رياض: ويكسر راسك اللي عنده مثلك يدفنك بالحياء ..

سجى ناظرت امها بحقد من فوق لتحت بالتنوره الشمواه فوق الركبه .. باللون الخضراء العشبي .. والبلوزه الحرير البيضه ..
: انتي ليه تكرهيني انا بنتك

ام رياض : اووووش اسكتي ويله البسي وانزلي لاقول لتركي يطلع يجرك من شعرك ..

سجى سحبت عبايتها وشنطتها: الله يخذني وياخذ هذا التركي وارتاح ...

طلعت لتحت معصبه (( الحمار الغبي على باله اذا استخدم هذا الاسلوب يعني خلاااص والله لاستلعن يالزفت انتظر ))


اركبت لسياره وسكرت الباب باقوى ماعندها بدون اي صوت ..

حرك تركي وهو مبتسم يعرف ليه معصبه ..: شوي شوي على الباب بينكسر

هزت رجلها ساكته ..

تركي كمل يقهره : هاللحين انتي عندك من اهلكم وحده تشبهه لك .. لكن هي احلى .. شفتها من شوي

سجى (( اكيد يقصد ندى شافها والا احترقوا سوا ..))

تركي : ياعليها براءه وعفه تشع منها

سجى تناظر برصيف قصرهم اللي تودعه هاللحين ..







بعد يومين ..

رجعوا بو نواف وعياله وهواجس واهلها لشرقيه..

سعود جالسين عند المكتب مع يزيد .. قال باستهزاء ..: ها رجعتي بدري .. كان مارجعتي ..

هواجس اشرت للخدمات يطلعوا الشنط وناظرت بيزيد تكره من هذاك اليوم .. قالت من ورى قلبها : هلا حبيبي كيفك اشتقت لك ..

يزيد كان يناظر بنور بخبث .. ومن فوق لتحت .. عجبته بعد هذاك اليوم ودخلت مزاجه ..

نور خافت من نظرات يزيد وانكمشت على نفسها وحست بحراره بالجو مع انه شتاء و برد .. قالت لهواجس بهمس : اوكيه حنا بنطلع فوق باي ..

وبسرعه طلعت لفوق لحقوها امها وملاك ..

هواجس جلست وماهمها يزيد اساسا ماتبغى تعديه فرصه يحكي معها او يتطاول عليها ..
والا هم من هذا كله سبب جلوسها يمكن تسمع اخبار عن فهد : كيفك سعودي ..

بو ماهر ابتسم لها : كويث ..- ناظر بيزيد – هذا يزيد ولد اخوي ..

هواجس مالفت عليه وقالت بطفش : ايوه ... ايوه ..

يزيد باستهزاء .. : كيفك زوجه عمي ....؟

هواجس ماناظرته قالت بطفش وهي توقف : سعوووووودي اذا خلصت تعال فوق ..

بومااهر وقف : لا طالع معك .. يزيد خلاث انا برتاح هاللحين واثوفك بالشركه ها

يزيد جالس على الكنبه براحته : اوكيه اوكيه ..

طلعت هواجس وماصدقت دخلت غرفتها رمت نفسها على السرير وفصخت العاايه : ااااااف اذا طلعت من البيت احسن اني ضايعه ..

بو ماهر ابتسم لها ونسى وساوس يزيد : نور البيت بوجدك ...

هواجس بدلع : ياقلبي اشتقت لي ..

بو ماهر : اكيد .. وانا عندي اغلى منك ..

هواجس : ايوه والدليل استقبالك ..

بو ماهر : لا انا كنت معثب من الثقل ... وانتي جئيتي .. بث

هواجس رفعت دبدوب فهد اشتاقت له كثير .. ضمته وقالت : ايوه وانا اقول معقوله سعودي ماشتاق لي ..

بو ماهر جلس بجنبها : عندي لك خبر بيفرحك ..؟

هواجس بهدوء : ايش ..؟

بو ماهر : يزيد ولد اخوي

هواجس طفشت ماعنده شغله الا هاليزيد : ايوه وش فيه هذا بعد ..

بو ماهر : يبغى ياخذ اختك نور .. يتزوجها

هواجس فتحت فمها : ايش ..؟؟؟؟

بوماهر زادت ابتسامته : ثايفه كيف يزيد رجال ويثتاهلها هو حكى مع ابوك قبل امث وعطاه ابوك كلمه ..

هواجس وقفت مصدومه : عطاه كلمه كيف ونور ماتدري .. وبعدين نور لولد خالتي ..؟

بو ماهر ناظرها مستغرب : كان الخبر ماعجبك .. ولد اخوي رجال ومايعيبه شي ..؟

هواجس بعصبيه : لا ..نور ماتاخذ يزيد .. هذا

سكتت ماكملت ..لانها ماتتصور ان اختها تنبلي بولد اخوه مايكفي هي ..

سعود انتظرها تكمل ماردت : انتي هذي الايام غريبه ماني قادر افهمك .. نامي بث نامي ثكل الثفر ماثر عليك ...

هواجس ناظرته مقهوره عارفه ان ابوها طماع وبيوافق بدون تفكير .. لفت وجهها عنه ودخلت للحمام تتروش طفشت من حياتها ومن سعود وجهه شي يجيب الهم .. لا وبيكملوها هاللحين .. على نور ..

تنهدت من قلب : حسبي الله عليك يابوي .. اكررررررررررررررهك انت ماتستاهل تكون ابو ...

بو ماهر خاف على هواجس اعصابها مشدوده من اول مارجعوا لسعوديه وضن بخبر يزيد ونور يبسطها لكن مانبسطت ... يمكن تبغى تحمل لكن هومايبغى عيال وبالذات منها هي موبنت ناس بنظره ..
لازم يدور على حل يبسطها او يسالها وش فيها ..؟


&0&0&0&0&0&0&0&

بنفس هذا القصر

كانت نور متمدده بتنام واول .. ماغمضت عيونها شافت صوره راكان م ربى يضحكوا . بلعت ريقها تكتم عبرتها ولفت للجهه الثانيه تبعد الافكار عن راسها ...
ماقدرت طول اليومين اللي فاتوا كانت تنحرق بنار الخيانه ..
وهي متاكده ان ربى ماتجلس معهم لانها مشغوله براكان مو لان نفسيتها تعبانه ..

جلست بطفش : آآآف وبعدين ياربي تعبت شيله من بالي ..

جئت ببالها فكره متهوره مسكت الجوال وكانت بتنفذها
دقت على رقم راكان لكن قبل لايدق قفلته : لااااا وش هالهبال ..
ماقاومت الرقم وممكن تسمع صوت راكان ....

: لاااا اكيد عنده رقمي او عند خواته ..فشله لو درى .. طيب وش اسوي لازم احاكيه او حتى اسمع صوته ....

تعوذت من الشيطان وحطت الجوال .. ونامت ...



سامي سحب كرسي امه المتحرك .. : ها يمه عطشانه

ام ريان ناظرت بسامي وماقدرت ترد ... لان معها شلل نصفي .... بسب الحاله النفسيه ومع الوقت يروح .....

سامي عوره قلبه على امه : تبغي تروحي للبيت والا مكان ثاني

ام ريان ناظرته وغمضت عيونها يعني للبيت ..

سامي دخل امه لسياره ودق على ريان : هذا حنا بالطريق انت وينك ..؟

ريان بصوت هادي وهو يلف وجهه عن الرجال بالخيام : انا عند الرجال .. سامي خذها لاي مكان غير جو البيت الكائيب

سامي : وين ياريان ماعندي مكان مخي مقفل ..

ريان : لبيت جدي بس هنا لاتجيبها ..

سامي : اوكيه وشموخ كيفها ..؟

ريان تنهد : مثل امس واللي قبله ..

سامي : لاحول ور قوه الا بالله يله مع السلامه ..

ريان: مع السلامه ..

سكر ريان من سامي وناظر بوليد وسلطان قال لهم بهمس : شباب انا بدخل اتطمن على شموخ وانتم استقبلوا الناس

وليد : ولا يهمك روح

سلطان : ايوه حنا هنا لا تشيل هم ...

ريان طلع من الخيمه وهو حامد ربه ان هذا اخر يوم خلاص تعب ثلاث ايام ضغط نفسي وجسدي .. ماقدر ينام الا ساعتين .. وبعدها صحى على خبر شلل امه .. (( لاحول ولا قوه الا بالله )) ماحس بطعم النجاح بالانتجابات .. ولا ذاقه اصلا ماسال عنه .. ولا فكر يروح يعرف وش القصه ..

ام سلطان شافته داخل ..وهي ماشافته من بدايه العزاء : ريان والا سامي

ريان بدون نفس : سامي يمه

ام سلطان : اهااا سامي وين ريان ماشفته من اول ماجيت ..؟

ريان تنهد : مع الرجال يمه ..

ام سلطان : ايييه .. وانت ليه مارحت تجيب امك ..

ريان : بتطمن على شموخ و بطلع ..

ام سلطان : بس شموخ مقفل عليها ريان .. وماتق

قاطعها ريان وهو يمشي : عطاني المفتاح يمه ..

ام سلطان هزت راسها : لاحول ولاقوه الا بالله .. بنت مجنونه وحده راحت ..

مجنونه ..
مجنووووووووووونه ..
ريان هزته الكلمه من جوا .. اكيد الناس تحكي عن شموخ كذا .. جد ناس ماتخاف ربها ..
اذا جدته قالت كذا .. شلون الغرب ..

طلع لدرج بهدوء ..

وبايد مرتجفه .. فتح الباب على شموخ ..

كانت الغرفه ظلام وصوتها تبكي . .. شغل النور وقال بصوت مخنوق : شموخ ..

تلفت ماشاف احد بالغرفه بس فيه صوتها خاف : شمووخ . .. شموخ وينك .؟

شموخ كانت تحت طاوله مكتبها البينك الصغير تبكي وترتجف .. عضت على شفايفها وهي تسمع صوته .. حست بطعم الدم بفمها .. من شفايفها ..

ريان فتح باب الحمام بسرعه : شموخ .. وينك ..؟

فتح الدولاب .. غرفه الملابس مافي احد : شموووخ اطلعي وينك

اخذ نفس طويل وحاول يركز على مصدر الصوت وين ..؟ كان التركيز عنده ضايع وبالذات انه ثلاث ايام تقريبا مانام ..

مشى بهدوء لعند الطاوله .. ونزل راسه لعندها .. شاف شموخ متكوره على نفسها وتبكي .. اول ماشافته وجاءت عيونها بعينه ضمت نفسها اكثر .. وارتفع صوتها بالبكي ..

ريان حس بقلبه يعوره عليها .. وانفاسه ضاقت قال بحنان وهو يمد ايده لها : شموخ تعالي

شموخ ارتجفت شفايفها اكثر : مابغى..

ريان بنفس الحنان لكن رجع لسنوات ورى : بينك دلوعتي اطلعي انا ريااان

شموخ نزلت عيونها للارض تبغى تبعده عن بالها وتفكيرها .. تبعد صوته الحنون والجذاب لها .. هو يكرها ويبغى يقتلها ..

ريان جلس على ركبته ومد يدينه لها وحظنه الواسع : بينك تعالي ريان مراح ياذيك .. دلوعتي تعالي لحضني .. انا بابا ونجلاء ومروج وكل شي تعالي

شموخ رفعت عيونه له وهي تبكي اكثر : ر... ي.. ا..ن

ريان هز راسه يناديها : ايوه ريان اللي انتي قلبه وحياته .. تكفين شموخ تعالي .. انسي كرهك وتعالي ..تعالي

شموخ بتردد طلعت لعنده وبعيونها الخوف تدور الامان بس تخاف من الخيانه ..مره ثانيه وهذي المره ماتقدر تستحمل ..
ضمته بقوه وبكت : ريااان خايفه ..

ريان كانت هي الدواء .. هي الوحيده اللي تصبره بكل هذا .. عنده قربها بكل شي عنده بالدنيا .. يبيع اللي فوقه واللي تحته علشان اللحضه هذي بس ..
بصوت مبحوح : لاتخافي انا معك ..

بكت شموخ وبللت ثوب ريان الشتوي .. هذا الامان اللي تبغاه .. هذا ريان اللي دورته بكل الشباب اللي كلمتهم ولا حصلت مثله ..
سنوات ضيعت هالحضن وهاللحين رجعت له ..

ريان تعب خلاص مافيه طاقه تستحمل .. : شموخ قومي معي ..

شموخ بخوف : وين ..؟!

ريان : انتي تعبانه ولا زم ترتاحي تعالي ارتاحي بسريرك ..

شموخ وقفت معه وجلست على السرير وهي خايفه يروح ويتركها كانت متمسكه فيه بقوه ..

جلسها على السرير : نامي .. ارتاحي والله مراح اطلع ..

شموخ بلعت ريقها وتمددت ماتبغى تغطي نفسها ..تتمنى ترجع صغيره ريان يغطيها ويمسح على شعرها ويرسم لها .. تتمنى يرجع يقول لها قصص هي اميرتها وهو فارسها ... كل هذا تبغاه يرجع بس مستحيل اللايام هذي ترجع ..

ريان حقق امنيتها وغطاها بغطاء ثقيل علشان البرد وجلس بجنبها على السرير واسند ظهره بتعب علة قاعده السرير .. يبغاها تنام علشان ينزل عند الرجال ..
ابتسم ابتسامه بارده اغتصبها من فمه بالموت : نامي انا جنبك ..لاتخافي

شموخ ناظرت بعيونه الناعسه كانت حمراء من التعب وقل النوم جاء ببالها عيون فيصل بسرعه .. حست بصداع فضيع مجرد ماتذكرته ...لكن قاومته وهي تجلس : وانت مراح تنام ..

ريان استغرب من سؤالها هي تعبانه وش تبي فيه : لااا انا شبعااااااان نوم انتي نامي ..

شموخ رمت راسها على صدره وضمته لها يمكن يضيع مثل ماضاعوا كل اللي تحبهم ..
: ريان .. نجلاء وبابا خلاااص ماعاد يرجعون ..

ريان زادت همه همين .. هذي الانسانه سبب تعاسته بالوجود .. ماتثق فيه وتكرهه .. لكن تحتاج له لان مالها غيره .. وهو يتمنى نظره وحده ..
لا وهاللحين نجلاء راحت وابوه معها .. ماظل له الا هذي ..
غمض عيونه بتعب وهو يقاوم النوم وبالذات الدفاء من انفاسها : لا ياشموخ ماعادوا يرجعون ..

شموخ تسمع دقات قلبه السريعه وتنفسه اللي بدى يهدى وصوته ثقل يعني بينام .. هذا اللي تبغاه ينام .. يرتاح لانه هاللحين هو وسامي وامها وفيصل .. اللي يهموها بالدنيا ولازم تحافظ عليهم ..
واي احد بيقرب منهم او ياذيهم ..بتقطعه بشراسه ..

حست انه نام رفعت راسها كان ريان جد نايم تعبان ويبغى ينام ... ابتسمت ورجعت لصدره تنام ... امنيتها بعد هذي المره تحققت .. ارجعت طفله تنام بحضن ريان وهو ماينام الا وهي على صدره ..


........ ..............

سامي بعد مانزل امه عند خالاته .. ببيت جده ..
رجع لبيتهم يساعد ريان لضيوف او المعزين اللي مايحسوا ابدا .. ويطولوا عندهم ..

: السلام عليكم

اللكل : وعليكم السلام ..

سامي استغرب وقال بهمس : وين ريان ..؟

سلطان : طلع لشموخ

سامي : اهاا

وليد : تراه طول غريبه ..؟ تاكد يمكن الاهل صار معهم شي ..

سامي هز راسه : اوكيه دقايق وبرجع

دخل للبيت لكن من الجهه اللي وراء ماله خلق يشوف احد .. طلع لفوق بسرعه وخايف ان شموخ انجنت اكثر ..

ماسمع صوت من غرفه شموخ .. فتح الباب بهدوء وايده على قلبه وحواجبه معقده واعصابه مشدوده ..
لكن اول ماشافهم ..
ارتفعت حواجبه لفوق وقف لثواني يناظرهم ..
ضن بالبدايه انه يتخيل لانه توقع الهدوء هذا وراه سكاكين وخناجر .. ودم مسيح لكن .. طلع العكس ..

ريان ملامحه مسترجيه ونايم وشموخ مو واضح وجهها ... لكن اكيد نايمه ..

سامي مشى لعندهم .. هي بنت عمه وهم كبار مو مثل قبل بزارين .. كذا غلط .. هو عارف توابع هالنومه ... هز ريان و قاله بهمس : ريان ريان ..

شموخ فتحت عيونها وناظرت بسامي : سامي

سامي عدل جلستها وابعدها عن ريان : ايوه شموخ كيفك هاللحين ..

شموخ خافت : ليه تصحي ريان ..؟

سامي : يعني ليه .. علشان ينام بغرفته .. مايصير ينام هنا ..

شموخ عصبت : وانت ايش دخلك ..؟

سامي خاف ترجع تنهار مثل قبل : لا مو علشان شي بس لانه لازم يرتاح .. علشان وراه اشغال ..

شموخ برجاء : سامي الله يخليك اترك ريان شوي ..

سامي تاكدت ضنونه حتى شموخ تعشق ريان مو بس هو ..: لكن مايصلح ..

شموخ بضيقه : اوكيه بس انا بطلع من هنا .. مابغى اجلس بهالبيت .. – غرقه عيونها وقال بصوت مرعوب – في احد يبي يقتلني هنا .. في رجال يجي بيقتلني ..

سامي هز راسه .. حالة شموخ صعبه بالمره ... جد انجنت : اوكيه ارجعي نامي ابترك ريان بس ها لا تقفلي الباب ..

شموخ : لاااا لاتخاف احس ان الرجال مراح يجي اذا ريان هنا ..

سامي تنهد .. (( لاحول ولا قوه الا بالله .. انجنت من جد )) : اوكيه اوكيه .. يله مع السلامه ..

طلع وهو متضاايق جد ويدور على حل لمصيبه شموخ المجنونه ..

المجنونه
.. هذا اللي بتشيله شموخ كموضه جديده لاسمها ..


* شموخ فيك حيل.. تكملي والا خلاص انفاسك قربت تنقطع ..وتودعي هالعالم ...





محمد : من جدك انت صاحي

يزيد : ايوه من جدي وش عندك ..؟

محمد : لاااا انهبلت بتتزوج والبنات والخمر والمخدرات هذا كله وين ..؟

يزيد ببرود : ياخي انت ليه معصب خاطب اختك انا ..

محمد بعصبيه اكبر وهو ينزل الاوراق اللي بيده بعد الاجتماع : لااااا مو اختي بس البنت وش ذنبها

يزيد : وليه مفترض اني ببهدلها .. بالعكس البنت مربيه وناعمه وهذي اللي ادور عنها من زمان .. ماعندها حركات بطاله ومشي معوج ..

محمد : اهاااا وانت يالعاشق بتتزوجها لانك شفتها صدفه وبكت لك .. ها

يزيد سرح وهو يناظر النافذه : تقدر تقول كذا .. في حد يعاف الزين ..

محمد احتقر يزيد وهو يمسح على انفه " حركه المدمنين " : يايزيد حنا مالنا الزواج .. بذمتك انت متاكد ان مافيك الايذز ..

يزيد بسرعه : اعوذ بالله ياخي اذكر ربك وش هالفال الشين

محمد بهدوء: يايزيد يااااخوي اسمعني حررررررام عليك بنت الناس انت قلت محترمه اتركها وتزوج اي وحده من اللي تعرفهم ..

يزيد بانانيه : لا مافي غيرها – اشر على راسه - دخلت هالراس ومحد يطلعها منه

محمد : اوكيه براحتك لكن انصحك لاتجيب عيال منها ترى مايطلع من مدمن مثلنا الا معوقين ومشوهين حرام تظلم البزر بعد

يزيد : هههه حيلك حيلك .. خليت فيها عيال خلنا نتاكد قبل من البنت

محمد : بعد تتاكد من البنت اقول انا طالع احسن

يزيد يبغى ينرفزه قال وهو يضحك : هههههههههههه جهز لسهرت الليله لاتنسى

محمد احتقره وطلع ..






ندى ماسكه السماعه وجالسه بداخل المطبخ .. قالت بحماس وصوت شبعان نوم : ها لميااااااء بشري ..

لمياء بهمس : ابشرك كل شي اوكيه.. و نجود اختي جاهزه ..

ندى بفرحه : حلوووو ... ياعسل انتي ....

لمياء بهدوء : اووش وطي صوتك اذني ابغاها السماعه بتتكسر ..

ندى بنفس الفرحه : لو انك قدامي بستك .. اموووووه

لمياء: ههههه ... الا حددوا الملكه ..

ندى بقهر وبدون نفس : ايوه بكره يقولوا بعد صلاه العشاء آآآآف بموت بنفجر من القهر .. امي وابوي ليه كذا خووووووووافين .. على ايش يحترموا خديجوه

لمياء بخبث : ولا يهمك هانت .. بس انتي جهزي نفسك للخطه الليله

ندى بضيقه : لااا ولا يهمك انا حكيت مع هواجس بنت خالي وهي شجعتني ..

لمياء استغربت : من جدك ..؟

ندى بفخر : ايوه ياحبيبتي هذي هوجد ومحد يفهم علي بالهبال غيرها ..

لمياء : والله ماتوقعت هواجس كذا وش قالت لك ..؟

ندى : قالت ت

ام نواف قاطعتهاوهي تفتح باب المطبخ : ندى .. صليتي العشاء ها .. والا شاطره لسواليف والخرابيط

ندى : مع السلامه لمويه على الوعد اوكيه ..

لمياء: اوكيه لاتنسي الساعه 11 باليل ها

ندى : اوكيه ..

سكرت ندى من لمياء وناظرت بامها وقالت ببرود : شدعوه يالغاليه تعصبي ها ..؟

ام نواف شكت بندى : وش عندك الغاليه وش تبين..؟

ندى باست ايد امها وراسها وقالت بعيون مغرقه : رضاك علي يكفيني ..

ام نواف معصبه : لو تبين رضاي وافقي على ولد عمتك

ندى تضايقت من جد : آآآآآآآآآآآآآآآآآف ... خلاص مو بكره بتدفننوي وش تبغوا بعد

ام نواف : وش دعوه ندفنك استحي على وجهك هذي وصيه جدك ياقليله الخاتمه .. ندى اعقلي

ندى مشت عن امها وصممت على اللي ببالها اكثر : اوكيه انتم الخسرانين .. لاجيتكم مطلقه قولوا ليه ..؟

دخلت عند جدتها وبكت : يمه انتي عارفه خديجوه مابغى ولدها مابغاها

الجده بصراخ : ها .. بغاله من راح ..؟ وليه تبكي .. ؟

ندى ضمت جدتها وبكت من قلب بتشتاق لجدتها كثير .. واكيد خديجوه ماتبغى امها .. ولا راح تزورهم ..
باست ايد جدتها ورا\سها وخدها ..وهي تبكي من قلب ..

الجده بكت معها لان ندى احب احفادها لقلبها وغير عنهم كلهم .. والاهم بتنظلم عند بنتها خديجه ..: بس يمه قطعتي بقلبي ..





وعود
كانت ببيتها الجديد او بالاصح الملحق التابع لفيلا رياض وكاترين ..

الخدامتين "يورم " و " ليما " واقفين قبالها يناظرونها باستغراب ..ويناظروا شنطها اللي على الارض وهي واقفه بعبايتها عند الشنط .. والغطاء على كتفها وشعرها لامته على فوق ..
ابتسمت لهم وهي تحس شكلها بايخ واقفه تنتظر الاخ رياض يحن عليها ويدخل يشرح لها كل شي وهي مين ..

الشغالات ناظروا بعض وزاد استغرابهم ..


وعود ناظرت بالبيت ..او الفيلا الصغيره بعيد عن القصر الفخم ..صالتين واسعين مفتوحين على بعض ..





(( آآآآف شكلي غلط كذا...
هذا وين راح ..؟
كل هذا يدخل السياره ويتفاهم مع السواق ..
وهذولاء الغبيات وش يناظروا فيه ))

قالت بضجر : انا مدام وعود .. مدام رياض ..

شهقت الخدامه " يورم " اللي لابسه بنطلون جنز وبلوزه موف ثقيله وكانها عامله بمشغل مو خدامه ببيت : آآآآو..مدام رياد .. هااو ذيس مدام .. كات ..

ايدتها الخدامه الثانيه " ليما " اللي شكلها اصغر من "يورم" .. وحطت ايدها على خدها من الصدمه : مدام رياد تو ..

وعود حست ان هالشغالتين مو سهلين ورواعين حكي زايد : يله ارفعوا الشنط لداخل ..

ناظرت بالبيت هي مو طماعه هذا اللي تحلم فيه واكثر بعد .. يضن رياض بحركته هذي ذلها او حرمها من التلذذ بالقصر علي ..- ابتسمت باستهزاء – مايدري ان هذا اخر شي تفكرر فيه ..لما تزوجتها ..
هي مو الملاك الطيب البرياء اللي ماتطمع ولاتكره .. لكن تجربت الطلاق علمتها ان الزواج مسئوليه وتضحيه مو لعبه ..

تنهدت وابتسمت هذي مملكتها الجديده اللي تحلم فيها ...

مشت لعند التلفزيون الاسود الصغير بالنسبه لاحجام التلفزيونات الجديده اللي بالاف البوصات ...

كان فوق التلفزيون مثبته صوره رياض وهو كاشخ بالشماغ الثوب الابيض والشماغ ماناقصه الا بشت ..
قربت وجهها من الصوره اكثر تدقق بملامحه .. بهالاسبوع ماقدرت تدقق فيه او تشوف ملامحه لانه مطنشها وطال اغلب الوقت ..



.........&.......

ابتسمت اكثر من تكوينت وجهه العريضه مثل تكونت وجه ممثل انجليزي كان يعجب ندى وهواجس ..

سمعت صوت صراخ انثوي من بره .. استغربت وراحت لعند النافذه ..
وتمنت انها ماراحت ..علشان ماتلحق على الموقف الحميمي بين رياض وزوجته ..


شافت وحده لابسه كعب عالي مره وضعيف كانها واقفه على ابره ..ولابسه فستان ابيض مع شعرها الاشقر القصير .. كانت جميله جد وكانها صوره بنت على غلاف مجله ..
قالت بحقد : اكيد هذي كاترين ..

ركضت اكاترين لعند رياض اللي واقف وفاتح ذرعاته لها ..

والحاجز بينهم نافوره قديمه التصميم ..




كاترين بعد ماخذها رياض بالاحضان : بيبي انت اجيت ..الف الحمدلله ع سلامتك ..

رياض ضحك من قلب وجهه تورد .. ماقد شافته وعود كذا .. تغير شكله كيثر وزادة وسامته : ههههه الله يسلمك ..

كاترين بعدت عن حضنه شوي تناظر وراه : وينا...؟
" وينها "

رياض ضحك باستهزاء : ههههه المنحوسه بالملحق .. ماعلييك منها وحكي لي انتي كيفك ..؟

رياض كذب على كاترين انهم سافروا لدبي اسبوع عسل هو ووعود علشان كذا ماكان يجي لها ..

كاترين بدلع وحزن : انا منيحه انتي كيفك .. ؟
اشتاتلك كتييييييييييييييييييير ...
.. هيكي يامنزوم .. تتركني هون اسبوع لوحدي ..

" انا كويسه انت كيفك ..؟ اشتقتللك .. كذا تتركني اسبوع لوحدي .. "

رياض : ههههه علشان اعرف غلاتي عندك ..ياروحي ..


وعود ماكانت تسمعهم لكن تناظرهم .. والنظر كافي يبين لها عشق رياض لكاترين وكيف بياكلها بعيونه ..
لمعت عيونه وضحكته لكات غير .. وكانها الماسه نادره ورى بترينه مايقدر يوصل لها .. وهي واقفه بحضنه وقريبه منه ..

لفت وجهها عنهم اللي شافته يكفي .. حست بالجرح والاهانه ...
سندت ظهرها لنافذه .. وهي متاكده ان هذا شي قليل من اللي راح تحسه كل ماشافتهم سوا ...
ماتحبه ولاتعشقه لكن ..
زوووووووجها .. لها هي لوحدها .. مفروض تكون نصفه الثاني هي وبس

تنهدت بقهر : الله ياخذه الغبي.. استغفر الله ..من متى وانا اتلفظ بالكلام كاني ندى .. آآآآآآآف .. يارب صبرني ..
غببببي انا بنت عمه السعوديه يعاملني وكاني حشره وهذي الشقراء الضعيفه العوود .. يرزها جد غببببي ..
معها حق هواجس السعودين بس يتزوجوا اجانب يموتوا عليهم حتى لو كانوا زباااله ..

جلست على لكرسي ودقت على هواجس تحكي معها يمكن تبعد الطفش عنها ..او تنسيها هذا رياضوه وسوالفه ..

دقت عليها ..

هواجس شافت رقم وعود ورمت الجوال داخل الدرج بسرعه وكانها خايفه انها تكشفها لودرت عن نيتها مع ندى والله تكرها ..

وعود تنرفوت (( اكيد نايمه الهبله.. وش هالنوم مشوار بالطياره ماياخذ وقت علشان تتعب .. آآآآآآآف يالله محد بفاضي لحد .. لمين اشكي؟ .. لمين افضفض ؟.. والا اسكت واقهر بنفسي مثل مع يعقوب لحد مايجيني انهيار عصبي ..
آآآه يعقوب لو اني راضيه وساكته وجالسه معه ... ))

بو سط افكارها دق جوالها بيدها .

ناظرت بالشاشه كان مسج من ندى فتحته مبتسمه
(( حاكيني .. اذا كنتي فاضيه .. او صاحيه من النوم *_^ ))

: هههه هبله نديه .. والله كانها حاسه فيني ..

دقت على اختها وبدت السواليف .. لكن ماحكت وعود شي ولا اشتكت .. وبعد ندى ماحكت لوعود عن مخططاتها ..

في حالات كثير الزواج يفرق بين الخوات ...
ويحط بينهم حواجز وخطوط حمراء ...





السماء لونها .. ازرق على اسود ورمادي .. ... الوان فضيعه متداخله ببعض ...
والرمال الناعمه ماليه المكان .. الجو بااارد منعش
والنجوم تنور السماء ..
بوسط البر .. بمنطقه نجد ...



متعب بالبشت الثقيل اللي من فرو الخروف جالس بالخيمه ..: والله انا حكيت مع تركي يبه قال بيحاول يجي ... لان اهله اللي بالقصيم احتمال يكونوا عندها اليوم او بكره


بو رياض جالس ومكيف : اهاااا يعني ماني بشايف سجوجتي ... طيب رياض راح لبيته ..

متعب بهدوء وهو يحرك يدينه ببعض يدفيهم : من امس يبه نسيت

بو عبدالعزيز " زوج خديجه " ناظر بالخلا ...: الجو بارد ويوسع الصدر .. في ازين من طلعت البر ...

متعب من قلب : لا والله ياعمي .. بعد ع الربيع ازين

بو يعقوب : الا وين التعميره ..؟

متعب : عند الحريم ... او بالمطبخ ..

بو رياض : قم .. جبها ذكرتنا يابو يعقوب ..

متعب : ابشروا ..

عبالعزيز وهو جالس قبال النار والحطب : متعب قل لنسوان بطريقك او لطباخكم نبغى حطب ..



متعب وقف : ابشر .. وترى ربعي بالطريق على وصول .. للقنص .... و زيدوا فناجين القهوه ...

بعييييييييد عن خيام الرجاجيل ..
و بداخل حيام الحريم ....

روابي توزع فناجين القهوه .. والشاهي .. على ام يعقوب وخديجه .. وخوات ام يعقوب " امال " و " شيماء "

اما

احلام ودانه وساره ... قبال التلفزيون يتابعون برنامجهم المفضل (( يالليل ياعين )) على "LBC "

ام يعقوب : ماعليك منها خديجه ولا تحرقي اعصابك هي من يومها شايفه نفسها وعينها على اللي بيد غيرها ..

خديجه : آآآآه رافعتن ضغطي ودي من يزنطها ..هذي ام رياض ..

متعب سمع حكيهم الاخير .. لكن وقف عند الخيمه : احم احم .. ياعرب ..

روابي حطت الفناجين : اقلط مافي حد هنا ..

ام يعقوب : وش مافيه احد وحنا ..؟

روابي بلامبالاه : يووه متعب توه صغير تتغطون عنه ..

طلعت لبر ه الخيام : هلا وش تبي ..؟

متعب اول ماشافها قصيره وشايفه نفسها..و لافه راسها بالشماغ .. ماقدر يمسك ضحكته: هع هع هع هع ...

روابي عصبت من ضحكه : مناديني تهعهع اخلص علي وراي اشغال ..

متعب وهو مبتسم باعرض ابتسامه : سلامتك ياشركه الالبان بس بغيت الغضى .. الحطب عندكم ..

روابي ببرود : آآها الحطب ..... على فكره ماشعلتوا لنا النار ..

متعب : يصير خير هاللحبين بشعلها ... بس انتي ليه لافه شعرك بالشماغ .. هع هع هع

روابي : مانت شايف البرد .. يله اخلص شغل لنا اللضى ..

متعب بخبث : ماودك تركبي خيل ..

روابي ابتسمت وعجبتها الفكره : ها خيل .. هاللحين ..


متعب ابتسم وغمز لها *_^: ايوه

روابي لفت على اهلها : يمه انا عندي مشاور وراجعتلس

خديجه : وين..؟

روابي بحماس : مع متعب بركب خيل ..

خديجه : يابنت وبعدين معتس قلت لتس تغطي منه . . وتعالي مافيه روحه ..

روابي طنشت امها : يله يله متعب على الخيل وبعدها نسوق سياره ..

متعب انبسط .. كان متوقع انها تحب الخيل : يله تعالي بس دقيقه ابقول لرجال محد يطلع ...

روابي : يووه وخزياه لو شافني رجال ..

متعب رفع حواجبه : واللي قدامك مو رجال .. ها ... لخمه انا ..

روابي : لاااا اعوذ بالله .. وش لخمته .. بس .. انت صغير ... وم

متعب (( والله ان ماعندك ماعند جدتي )) : يله قدامي بس ..

مشت روابي بجنب متعب وحست اول مره انه كبير جد .. لا ومشيته ترعب رجل باليمين .. ورجل بالشمال .. عربجي بزياده وخشن ..

لف عليها متعب وهو ناوي يعلمها من البزر .. : اقول تع.. - سكت لان روابي ارتبكت ونزلت عيونها بسرعه ... استغرب من ردة فعلها وابتسم على خفيف ... كانت تناظره - : تعرفي للخيل

روابي كانت مرتبكه نزلت عيونها و خدودها حمرت ( ( وش لتس تقزي بالرجال ها تادبي ))..

ماسمعت وش قال متعب قالت وعيونها على الارض : ها


متعب لف عنها...
كانت مستحيه منه وماحب يحرجها اكثر .. وبعد حس على نفسه يناظرها بتمعن ..
استحى من نظراته ولف وجهه..
هو بالعاده يصد عن الحريم .. الا شموخ ماقدر يلف عنها ..وهاللحين روابي ..
تذكر شموخ وحس انه يخونها ...

وقف عند الخيل .. و صفط ثوبه وربطه على خصره ..: يله ... اركبي وانا بجيب خيلي ..

روابي استحت وخدودها حمرت كيف بتطلع فوق وهو يناظرها .. يووه شكله جد رجال مو بزر ..
:طيب كيف بركب .. ؟؟ اخاف ان فيه رجال هنا .. ويشوفوني وانا راكبه خيل ..

متعب : هع هع لا لاتخافي ويله اركبي ربعي مراح يوصلوا الا باخر الليل ومحد حول خيامنا .. الناس مابعد تخيم كثير ...

روابي لفت عنه مرتبكه : لاااا خلاص برجع للخيام ..

متعب يستفزها : ها خاااايفه

روابي لفت بسرعه وطلعت عيونها : انا اخااااف لا انت ماتعرفني ... ابعد ابعد وانا اوريك وش اخاف ..؟

متعب توقع ان هذي رده فعله لان اللي مثل شخصيه روابي ماتعترف بالخوف
بعد عن الخيل : اوكيه اركبي

روابي تكابر الخجل اللي تحس فيه (( مو هذا البزر اللي مو راضيه تتغطي عنه يله .. وراتس مستحيه ))
: رح لخيلك وانا بركب خيلي ..

تركها متعب على راحتها وركب خيله الاسود وشاف روابي على الخيل وهي مبتسمه ..
اشرت له : يله تتحداني ..

متعب قرب بخيله لعندها .. حس انه يتابع مسلسل بدوي .. البطله تتحدى البطل الفارس
: اوكيه يله بس انتبهي لاتقدمي كثير

روابي ضربت الخيل برجلها : اوكيييييييييييييييه ..
ركضت بخيلها تهرب منه ومن احساس الارتباك من وقفته قبالها على الخيل ... هذا الرجال السنع اللي تحلم فيه ..

متعب شافها تعدي بسرعه قدامه ضرب خيله ولحقها لازم يسبقها علشان ماتصدق حالها وتقول عنه بزر ..

طار شماغ روابي منها وبان شعرها الاسود الحرير من نعومته يبان قليل .. ناظرت وراها بحركه سريعه ..

شافت متعب بسرعه يسبقها وهو ياشر لها : هااااااااااي


انقهرت... وطنشت الشماغ ..

حاولت تجاريه ماقدرت هذا استاذ خيل ... وصل قبلها وقف وهو يضحك : هع هع هع

وقفت خيلها .. مقهوره : غشاااااش

متعب : افا وين غشاش قبالك ركضت .. لا وبعدك بديت

روابي بعصبيه وهي تمد اصبعها الصغير بتهديد : لاااا تغش انا طار شماغي ..

متعب رفع حواجبه مبسوط من نرفزتها .. كمل يستفزها : كنت عارف انك بنيه ماتدري وش السالفه ..؟ وبتزعلي ..؟

روابي حركت خيلها لقدام خطوتين (( ياحليله يجاريني وياخذني على قد عقلي )) : اوكيه وش رايك نجرب بالرجعه هاللحين ..؟

متعب ناظر بالجو الجذاب المظلم قدامه ...
كان انوار خيامهم قويه ...
ومدتهم بنور بسيط يوضح هيئتهم بدون ملامح دقيقه ..
: لا لحضه .. وين ترجعي – نزل من حصانه – هالخلاء ماعجبك .. – نزل ورفع التراب – ماودك تدفني رجولك بهالتراب الناعم ..

روابي ناظرته من فوق خيلها وهو جالس على ركبته وبيده التراب : لاااا مابغى هنا كله .. عقارب وحيياء .. ابرجع للخيام ..

متعب وقف ونفض ايده من التراب وسراج الخيل بيده الثانيه : اوكيه ارجعي انا بجلس هنا شوي ..

روابي : وش له تجلس هنا .. ارجع للخيام ..

متعب تنهد : لااااا بجلس هنا بفضفض للقمر وبلاعب التراب
(( حركاااات يابو الهش .. والله مانت هين.. تعرف تصفصف حكي .. هع هع هع ..
يارب يجيب نتيجه ويجلس هالهبله معي شوي ))

روابي طنشته : كيفك ...؟
حركت خيلها ورجعت ..

متعب ناظرها بخيبه امل : آآآفا ماحن قلبها علي.... البنات الواحد مايقدر يفهمهم ...


.........&.......




بعد جلسات التدليك تحت ايد امهر متخصصين العلاج بالقوى المغناطيسيه والمساج ...
واقفه بالمطبخ تجهز العشاء للضيوف اللي هم اهل البيت الاساسين وهي خدامتهم ..

بداخلها غصه خانقتها وتتمنى تطلعها .. لكن تركي تحت مع اهله مبسوط ويضحك ...

صوت ضحكته المميزه باذنها .. ماتسمع هذي الضحكه الا لغيرها ..

لامه و لخواته .. لخالته القشره دره .. ولاخوها متعب .. الضحك يطلع والنبره الحنونه اما لها قاسي .. ظالم .. تعبت منه ..

تذكرت وش صار معها قبل امس الصباح .. بعد مارجعت من عزيمه وعود ورياض



تركي دق الباب بقوه : افتحي افتحي ..

سجى كانت تعبانه من امس العزومه ومااحست بشي ..الظرب اثاره تالمها لهالحين ...

تركي عصب اكثر اكيد متقصده تطنشه
.. دق الباب بقوه اكبر : سجى سجى افتحي ..

سجى فتحت عيونها بكسل واستغربت من الصراخ .. اكيد الهمج اهل تركي يتهاوشون او بزارينهم يلعبون ..
لكن
هزت الباب وصوت تركي ينادي باسمها معصب نبها ...

تركي يدق الباب بقوه : سجى ياحمااااره افتحي .. سجى ..داري انك صاحيه افتحي بالطيب ااحسن لك ..


سجى انكمشت على نفسها تحت الغطى واضح ان تركي يدق من زمان وهي نايمه ماحست ..
قلبها دق بسرعه رهيبه خافت منه ..
الالم من الضرب رجع ينبض من جديد يذكرها باخلاق تركي الشينه لاعصب ...

تركي (( على بالها بطاقه ابوها وزياره متعب خلاااص .. كبر راسها ومحد حولها .. انا بربيك ياسجى الغبيه ))
دق الباب بقوه اكبر : والله والله اذا مافتحتي بالطيب لاكون كاسر الباب على راسك هالحين سامعه ..

سجى بلعت ريقها وحست الدموع تتجمع بعيونها .. رمت البطانيه و قامت من فراشها القاسي للباب .. بسرعه فتحته وهي ترتجف .. عارفه وحاسه باللي ورى الباب يحترق معصب ..

تركي دف الباب بقوه وصرخ من اعلى راسه : ليه مطنشه وماتفتحي على بالك بحركاتك هذي ماقدر اوصلك ..

سجى رجعت خطوتين لورى بخوف وهي تبلع ريقها ..

تركي رفس الباب برجله .. هو مو عصبي ولا كان كذا بس هذي البنت هبله فيه ..
خربت عنده كل المفاهيم والحسابات ..
شكلها بالبيجامه الساتان الناعمه المرسوم عليها كلمات يبانيه بكل دقه وفن ..
وشعرها البني المتخربط من النوم .. والاهم من هذا عيونها البرياء ..
وخوفها كل ماشافته وكانها عامله ذنب .... تاكد شكوكه ..

اخذ االمفتاح من على الباب بعصبيه ..: وهذا بيكون معي علشان تتربي ..وتردي مره ثانيه ..

سجى ناظرت مفزوعه كان امس غير واليوم غير ماتقدر تفهمه هالرجال هبل فيها ..: ليه تصارخ على الصباح ..

تركي تنرفز اكثر من صوتها الدلوع الطفولي : يعني ماتدري اهلي تحت بنتظروا الفطور وانتي نايمه ..؟

سجى انقهرت منه عامل كل هذا علشان "جنبات" اهله : ومن قالك اني بعمل الفطور لا يابابا ..اسفه هذا اول ..
قبل لاتمد ايدك علي .. ياجعل ايدك الشلل

تركي رفع حواجه : والله وطلع لك لسان يا سجى .. شكل البطاقه اللي معك كبرت راسك ..

سجى تكتفت وهي ترجف من الخوف : لااا ضربك الهمجي صحاني من غبائي ..

تركي : ههههههه غبيه بزر ماتفهمي شي .. – صرخ – عطيني البطاقه ..

سجى باستهبال : اي بطاقه ..

تركي : اقولك عطيني اياها بالطيب احسن لك ..

سجى خافت منه لكن مسك اعصابها : لا حقتي من دادي

تركي باستهزاء : ياروووح الدادي عطيني اياها ...

سجى لفت وجهها عنه : لاااا

تركي ناظر الغرفه وشاف الشنطه اللي طلعت فيها الزواج امس اكيد فيها البطاقه ..

رفع الشنطه الاسواريه الفستقيه الصغيره ...
بقوه : انا اطلعها

رمى اللي فيها على الارض ..

سجى شهقت : سوفاااج ايش هذا اغراضي ..

تركي من زمان ماسمع كلمت سوفاج من فمها .. لها نغمه خاصه بصوتها ..
ارتبك وهو يدور .....

لحد
ماحصلها.. وقف على طوله .. قبالها : اهاا هذي اللي مقويه راسك يانانه .. ها

سجى حست بدقات قلبها تسرع اكثر وهي تسمع نانه مميزه بصوته ..تاثر فيها ..
ضربت الارض برجلها مقهوره : لاتقووووول نانه انا سجى ..

تركي وباقوى ماعنده بعد حركتين او ثلاثه انقسمت البطاقه الذهبيه القاسيه لقسمين .. واحد بيدها اليمين والثاني بالشمال

سجى شهقت : آآآآآآآ

تركي باستهزاء : ها خذيها هاللحين .. ورفعي خشتك
- دفها من كتفها بقسوه – يله قدامي انزلي للمطبخ لاكسر ظهرك مثل هذي ..

سجى مو بس خافت الا ماتت خوف .. هي المدلله اللي قليل تشووف عنف الا بالتلفزيون يكسر البطاقه قدامها ويهدد .. حست انها هشه وضعيفه ..وحمدت ربها انها سحبت من البطاقه مبلغ كبير والا كان جد انقهر

مشى لبره وقال بتهديد وصوت منخفض : خمس دقايق اذا مانزلتي انا اللي بتصرف معك

سجى بشجاعه مصطنعه : ماني بنازله ماعاش من يشغلني عنده خدامه ويضربني .. – غرقه عيونها.. وخافت اكثر لما شافته وقف عند الباب ولف عليها ...كملت بصوت مرتجف لكن مرتفع – لاتضن اني نسيت ضربك لي .. كل شي استحمله الا الضرب .. ماني بحيوانه عندك تضربني اوكيه ..

تركي رفع حاجب ونزل الثاني ..قال باستهزاء واحتقار: اذ مانزلتي بعد خمس دقايق .. يعني فايف منت .. انا اعلمك وشلون اعامل الحيونات ..

تركها وطلع

ضربت الارض برجلها.. وهي تستعد علشان تنزل ماتبغى تنضرب مره ثانيه .. : آآآآآآآآآآف حمار ..



حطت الصحن بعصبيه على المغسله تعودت على الروتين الممل ...
حتى ايدها الناعمه فقدت نعومتها وجاذبيتها ..

دخل خالد الصغير يركض ..وهو مو متوازن بمشيته.. وكانه بيطيح .. مانتبهت فيه .. اشر لهابيده الدبدوبه الصغيره علشان تنتبه له : ناانه ..

لفت شافته واقف بالبدله السماويه وخدوده الورديه .. ابتسمت .. كان خلقها ضايق بس تحس لما شافته انبسطت ..
صدق من سماء البزارين (( الملائكه الصغار ))..

مشت لعنده وتركت مسافه ..
نزلت على الارض وفتحت ذراعاتها : تعاااال خلودي

خالد بتفكير وهو يناظر تركي اللي ياشره من ورى سجى ..لااا لاااا تروح ... طلع حلاوه من جيبه
خالد بسرعه : نااا بابي
"لا مابي "

سجى مدت بوزها.. : ليه نااا

خالد هز راسه يسالها : فيه .. واوه..؟
" حلاوه "

سجى ماتت ضحك على برائته مدلع ويبغى حلويات ..: ههههه
وقفت وتكتفت وقالت بدلع ..: نااا .. واوه لنانه بس ..

خالد فتح عيونه للاخير : وخوخي ....؟

سجى لفت عنه : خوخي يع ..مو شاط

سكتت لانها شافت تركي يناظرها باحتقار ...
رجعت لخالد بارتباك ورفعته بسرعه ..

خالد ياشر على تركي : واااوه حالو
" حلاوه لخالوا "

سجى بدون نفس : لااا مافيه واااواه لحالوا ..
تعال معي واعطيك واوه...

تركي ناظر بسجى و اشر لخالد بحلاوتين : خلووود خلاد تعال لخالوا وخذ حلاوتين

خالد طلعت عيونه على الحلويات : واااوه ..نانه واوااه
" حلاوه يانانه حلاوه "

تركي : ايوه واوا تعال واترك نانه .. نانه يع ييييع

سجى انقهرت منه : خير تعلم البزر يكرهني..

تركي داري انها ابزر من خالد وتتنرفز وتبكي بسرعه : وانا ماكذبت انتي يييع صح خالد نانه .. ييع ...

سجى ناظرته بقهر وقالت بدلع طفولي : مايع الا انت ... خوخي .. ماعليك منه هو ييع ..

تركي ابتسم : ايوه انتي يييييع

سجى غرقه عيونهاواحتقرته : عارفه انك بزر ..

تركي ضحك لحد مابانت اسنانه (( من البزر هاللحين )): هههههههههههه

خالد يبغى ينزل : وااوه
" حلاوه "

نزلته سجى وقالت بدون نفس : روح لخالك ..وانا زعلانه منك ..

تركي رفع خالد وقال يقهرها : حبيبي والله ..
لاتروح لليع مره ثانيه .. سمعت ..

خالد هز راسه بحماس ..

سجى رجعت للفرن تطلع منه صينيه العشاء : حمدلله واشكر حتى بزارينكم منافقين ..

تركي بخبث : هههههه ولاتقربي من خلاد مره ثانيه لاتضنيه انه يبيك ترى لانك شي جديد على حياته ..بس ..

سجى تضايقت اكثر حتى البزر مايبغاها تحاكيه .. : ...

اول ماخذ خالد الحلويات نزل من عند تركي وركض لسجى : نانه نانه واوه ..

اعطى لسجى حلاوه وهو اخذها .. استغربت من خالد ضحك على تركي علشان يعطيها : هههههههههااااي

تركي ابتسم بعيونها بريق طفوولي جذاب لضحكت : اها ياخويلد معطي نانه ها

خالد ضحك ببراءه : حالوا نانه واوه ..
" خالوا اعطيت نانه حلاوه "

سجى حطت اخر صحن على الطاوله : قل لاهلك العشاء جاهز .. - جلست وبدت تاكل خالد - يله خوخي نتعشاء ..ها

خالد انبسط وضحك : هههه

تركي توه بيحكي بينادي اهله .. لكن دخلوا شذى وونوره للمطبخ يضحكون : ههههههه

نوره طنشت سجى : السلام عليكم تركان ..

تركي ابتسم: هلااا والله وعليكم السلام تو مانور البيت..
وينك ..؟ متى وصلتي ..؟

نوره احتقرت سجى : كويسه حبيبي تركان .. يادوب جئيت من المستشفى لهنا على طول ..

تركي خاف على حبيبه قلبه : بالمستشفى خير ..؟

شذى باستعجال وهي تناظر سجى بعيون قويه : حااامل بتصير خال للمره المليون ..

تركي انبسط مره لنوره لانها ..اعزخواته : مبروك يالخايسه بتصيري ام ها

نوره : هههههههه

ام تركي والبقيه دخلوا : هههه اكيد عرفت عن حمل نوره

تركي جلس نوره على الكرسي وقال لها بحنان : لااا مفروض تجلسي ارتاحي ..

نوره جلست مبتسمه بانتصار لسجى .. لان سجى كانت عيونها مغروقه واضح عليها الضيقه تركي يصير حنون متى مايبغى ولخواته بس ... اما هي لها الهواش والشغل (( آآآآآآآآآآآآآه ياربي ... ماهي بعيشه .. هذي طفشت .. مليت ))


ريم وهي تجلس على الطاوله .. : ياااي ياربي بنت علشان نسميها ريم ..

جلسوا كلهم على الطاوله وسوواليف وضحك واحتفال بالمولود الجديد

تركي كان يسرق النظرات لسجى ..وشافها تاكل خالد بنعومه وهي مقهورره .. جد بزر تنقهر لانه قالها يع ..: اقول سجى ...

سجى رفعت راسها مستغرب : نعم ..

تركي بدون نفس : ذبحتي خالد من الاكل نزليه عنك او عطيه امه .. هذا بزر مو تحطي قهرك فيه ..

سجى ناظرته مصدومه هاللحين تاكل البزر وبدل مايشكرها يتهمها تبغى تمرضه من كثر الاكل ..

سوسن بابتسامه : لا سجى عادي خليه عندك .. ريحيني منه ههههه..والله ارتحت منه بالايام اللي فاتت .. آآف .. الله يعطيك العافيه ..الا اذا تعبك عطيني اياه

سجى احتقرت تركي ولفت مبتسمه لسوسن اللي احنهم عليها ومع حملها وبطنها الكبير تساعدها بالاغلب : لاااا .. اي تعب – قرصت خده – خوخي مايتعب صح

خالد وهو يرفع الملعقه لفوق مبسوط : ثثثح

سجى باسته : ياااقلبي ..

ام تركي ميلت فمها مو عاجبها : ودامك ميته على البزارين كذا وراء ماتشدين حيلك وتجيبي لولدي واحد ..

نوره وتركي غصوا باكلهم : كح كح كح ....


تركي طبعا ماحكى لحد عن علاقته بسجى واللي حصل بينهم الا لبئر اسراره .. نوره اخته.... وهي ماحكت لهم بس قالت عاملوها زفت علشان تتربى وهم ماكذبوا خبر ..

سجى انقهرت من ردة فعلهم ..وقالت بتعالي ترد كرامتها .. : اكيد تمزحين انا اجيب بيبي ويعيش بهالمستوى .. سوفاااج .. مستحيل ..

تركي شرب المويه وناظرها بحقد مستحيل تتربى او تتغير .. راح تظل مغروره صغيره هبله .. خاينه ..

شذى بشماته .. : ههههههههه هذا المستوى اللي مو عاجبك هو مستواك هاللحين وبيت زوجك ..

سجى طفشت منهم ودها تقلب عليهم الطاوله وتصرخ فيهم .. لكن قالت بقرف : زوجي قلتيها لكن مو مستواي انا .. لا .. انا بظل بنت الحسب والنسب مو اي كلام

تركي لف عليها معصب : كلي تبن ..

سجى باحتقار : ودامه بيت زوجي على قولتك يا انسه شذى ليه جاءيته كل لحضه ورازه وجه انتي وامك وخواتك كان ماعندكم بيت ..

ام تركي : لااا اطرديني من بيت ولدي بعد ..

نوره : احترمي نفسك ياسجى ..

سجى كانت معصبه : محترمتها قبل لاشوف وجهك انت واهلك ..

تركي بين اسنانه : اسكتتتتتتي .. لا والله اربيك هاللحين ..

شذى : قليله الادب

سجى بحقد : انتي بالذات يالقرويه اسكتي ... عيشه تقرف وتقصر العمر ..

رمت الشوكه معصبه و المنديل اللي على ملابسها علشان مايوصخها خالد .. وقفت بسرعه وهي ترمي خالد بحضن تركي بقوه : الله يريحني منكم ومن قرفكم ناس سوفاج وماتفهم شي ..

تركتهم وطلعت.. ركضت لفوق مقهوره ودموعها تنزل .. خلاااص طفشت منهم كل يوم .. عندهم كل دقيقه ولحضه .. ماتحس بالحريه والراحه الا بغرفتها ..

على الطاوله .. سكتوا لثواني ..

ريم بتعاطف : ياحياتي زعلت وتضايقت ..

ناظروا خواتها وامها بحقد .. سكتت ونزلت عيونها ...

تركي كمل اكله ببرود .. تعود على انهياراتها ودلعها الزايد اللي ماله داعي : كملوا بس كملوا ماعليكم منها

نوره : كابر راسها .. طلقها وفكنا وارتاح ..

ريم : لاااا وش يطلقها حنا ماصدقنا حد يطبخ لنا هالطباخ السنع اللي يرد الروح والاكلات الكشخه .. بعد يطلقها

سوسن : نوره وش فيك كانك مو متزوجه وعارفه المشاكل اللي تصير.. وش يطلقها .. وبعدين البنت معها حق كل يوم عندها وم

قاطعها تركي : تاكل تبن واذا ماعجبها الجدران كثيره بالبيت تضرب راسها باي واحد فيهم .. ماعليكم منها حكيها كثير هالبزر

شذى : يارربي مغروره مع جهها ..على ايش مادري ..؟

ريم : معها حق تهببببل ورزه وكشخه .. كانها عارضه از

سكتت لما شافت نظرات نوره وشذى اللي بتقتتلها ..

تركي انسدت نفسه عن الاكل .. لكن اكل مجامله وبعد ماحب يبين لاهله انه تاثر بزعل سجى ..
^_*.. تاثر ويكابر ..

بعد فتره

ام تركي : اسمع ياتركي رح تفاهم معها وعلمها كيف تحترم وجودنا ..

نوره : صحيح اذا ماعلمتها هاللحين بيكبر راسها

تركي وقف .. بس مو علشان حكي اهله .. اوماعنده شخصيه .. ..
لا ..
كان يبغى يتطمن عليها ..


.... & ...

سجى تعبت من البكي كل يوم كل يوووووم تبكي ودموعها على خدها ..

كان الباب مفتوح وهي على فراشها تبكي .. سمعت صوت خالد الصغير وشافته يمشي لعندها وهو متاثر مع بكيها : ناانه .. نيث تبكين
" نانه ليش تبكين "

سجى اشرت له يجي وقالت بصوت مخنوق : تعال .. كيف طلعت لفوق لوحدك..

خالد هز راسه بايوه ..

سجى جلسته على حضنها وابتسمت بين دموعها : هههه ياخطير ..

خالد يمسح دموعها بايده الصغيره وهو متاثر شوي ويبكي .. : ليث تبكين ..؟
..

" ليش تبكين ..؟"

سجى مسحت دموعها بسرعه وتنهدت : اقولك قصه ..

خالد مد بوزه مافهم شتقصد ..

سجى (( ياربي هذا السن كيف ينضحك عليهم )): امم نغني والا ننام ..

خالد تمدد بحضنها : ننام ..

سجى : هههه من هالحين منحرف .." قالت بنعومه وهدوء " نام حبيبي نام ..يناام خوخي ينام .. واذبح له طير الحمام (( هههه هذا اللي اذكره واعرف .. يؤؤه ياسجى لو انك ام ااخذتي زيررررو هههه ))

كان خالد يغمض عيونها نعسان لكن يفتحهم يقاوم ... ويرحع يغمض ..شكله تحفه ..

حست هي بالنعسان وتمددت ومددته بجنبها لكن بحضنها ونامت ..
..

طلع تركي لفوق واستغرب من الهدوء اللي مالي المكان .. توقع دموع وشهقات ..

فتح الباب مشى لداخل الغرفه شافهم نايمين ابتسم وجلس بركبته عندهم .. بزر هي اصغر من خالد براءه ودموعها على خدها وهي نايمه ..
اكييد مليون بالمئه بكت ..

ابتسم بانتصار .. هذا اللي يبغاه يربيها من جديد يصحيها تبكي وينومها تبكي .. علشان تترك الدلال اللي ماله داعي ..والدلع اللي افسد اخلاقها وتركها تمشي على راحتها لحد ماضيعت نفسها ..


طلع وسكر الباب



ماتقبلـت الفـراق مـا ليـدي فيـه حيـلـه
آه لو ان الظـروف المقبلـه تكشـف قدرهـا

لو يعرف الشخص منّا وش مع الغيب ابيجي له
كان جنبنا المشاكل من قبـل يوقـع ضررهـا

ما هقيت الليله اللـي جابـت الفرقـا طويلـه
لين صارت ليلة امس بعيني اطول من شهرها

والعذاب اللي يذوب بعين مـن يفقـد خليلـه
عندي اكبر من عذاب العين لو تفقـد نظرهـا






بممر المستشفى ..

لمى رمشت بعيونها اكثر من مره .. تحت برقع ..
علشان ماتسمح لدموعها اللي مغرقه عيونها .. تنزل ..

: دكتور مشعل تكفى دور على حل .. هذا ثالث يوم وهو ماصحى ولاتحرك ..

مشعل تنهد وقال بصوت ضعيف : قصدك رابع يوم .. انا اداوم والله بس علشانه هذا وصيه – راح صوته – نجلاء .. لكن مابيدي حيله ..

لمى ماسكه دموعها : ياااارب ياااارب يصحى خلاااص تعبت ..قلبه ينبض .. يتنفس ليه مايصحى .. ابغى افهم ..

مشعل ناظر من القزاز الصغيره اللي بالباب احمد وهو متمدد ..

ماقد كره انسان بالوجود مثل احمد ... حرمه من حبيبته ..اللي كان على امل يجتمعوا بيوم ..

اعطتها قلبه وراحت تركته لوحده هنا ..

كان نفسه يدخل ويقطع الاسلاك اللي يتنفس منها والمغذي .. ويدخل ايده بصدره ويطلع قلب نجلاء اللي مانبض له ..

لمى نزلت دموعها ورفعت يدينها لفوق .. وقالت من قلب : يااارب يااارب يصحى .. يااارب يصحى ياربي مالي غيره ..راحت نجلاء علشانه يارب لاتضيع تضحييتها على الفاضي ..

مشعل كسرت خاطره لمى هي طول هذي الايام مع احمد وماتركته الا ساعات قليل راحت فيهم عزاء نجلاء ..

حس بغصه بحلقه وهو يتخيل شكل نجلاء على السرير الابيض بارده ماتحس .. نبضها موقف ..
نجلاء رحلت بدون رجعه ..وهو السبب الاساسي بكل هذا ..
لو انه ماطردها من المستشفى او حتى ماتسبب بمرض احمد الخطير ..

مشى لداخل غرفته ونادى على لممرضه وطلع منها بسرعه .. شاف لمى على حالها .. حط ايده على كتفها : لمى ..

لمى اتفض جسمها من لمسته وصوته الهادي .. كانت مو معه ..
ناظرته ودموعها على خدها بصوت متقطع من البكي : نعم ..

مشعل بنفس الهدوء : ادخلي شوفيه يمكن ترتاحي ..

لمى استغربت : ادخل بس انت تقول ممنوع لان مابعد يتجدد الدم بجسمه وم

مشعل هز راسه وقاطعها : مو مشكله اغسلي ايدك والبسي هذا .. - اشر للمرضه اللي مدت له ملابس لونها اخضرعلى بحري – وادخلي

لمى بلعت ريقها وعملت مثل ماحكى لها مشعل بالضبط ..
دخلت للغرفه ومشعل بجنبها .. حست الارض من حولها تدور ماكلت شي من ايام .. وبعد ماهي متحمله تشوف احمد بهالوضع ..

مسكت كتف مشعل تتوازن ..

مشعل لف مستغرب بعدت ايدها بسرعه : سوري بس احس اني دايخه ..

مشعل ابتسم على خفيف : مو مشكله تعالي نطلع وقت ثاني تدخلي ..

لمى ضغطت على نفسها ومشى لعند سرير احمد : لاااا ابغى اشوفه ..

باست جبين عمها وايده وشهقت بالبكي .. جسمه ساخن مره .. اكيد يتالم او مو حاس بشي ...


احمد وكان بوست لمى بنت اخته صحت اعصاب الاحساس عنده .. انتفض كل جسمه بصوره سريعه ..

لمى رجعت لورى خايفه ..

مشعل مشى بسرعه لعند وهو يحكي بسرعه : صحى .. حس .. شكل .. جسمه استجاب للقلب ..

لمى مافهمت وش يقول بس بعدت عن السرير بخوف .. خافت ان لمستها لعمها تكون سبب موته ..

احمد حس بقلبه ينبض بسرعه رهيبه وانه يتنفس .. فتح عيونه ببطى وهمس : ن..ج..ل..ا..ء

رجع غمضهم وجسمه يرتجف مخه بدى يشتغل ماستوعب انه عايش وانه يتنفس ويحس .. كيف وهو مفروض ميت .. تمتم بالشاهده كيف هاللحين يتنفس ويحس ويسمع صوت الاجهزه ..كيف هو بالقبر والا كيف ..
صوت احد يبكي وكانه صوت لمى ..واصوات جزم تتحرك بالغرفه ..(( اصوات الممرضات ))

سمع همس باذنه صوت مو غريب عليه : احمد حبيبي .. انت عائيش وتحس .. احمد لاتتركني ..

صوت نجلاء باذنه .. فتح عيونه بتعب يتاكد : ن...ج... لاء ..

شاف مشعل واقف عند جهاز القلب وحوله الممرضات .. كانت عيون مشعل حمراء وتخوف : نجلاء .. مويه .. نجلاء

مشعل مسك ايده وشد عليها بقوه المته .. وقال وعيونه بعين احمد : نجلاء راحت وعطتك قلبها ..- وبحقد اشر على صدر احمد – هنا قلب نجلااااء

لمى ركضت لبره وهي تبكي منهاره .. احمد حس بطعنه بقلبه ماستوعب شي اكيد انه يحلم او انه بالقبر يتوهم.. كان متشتت ومتخربط ..
وين نجلاء ماشافها معهم .. مافهم حكي مشعل .. حس انه مو قادر مخه يستوعبه ..
غمض عيونه مره ثانيه وهو يتمنى ماتنفتح مره ثانيه الا على همس نجلاء
: ن..ج..لاء ..

مشعل كان نفسه يقتله ويطعن فيه ...

دكتور ثاني : كيف تقوله يمكن يموت هو مابعد يتشافى ..

مشعل رمى الملف على الارض .. تعب يمثل.. نعب يضحي بمشاعره وعواطفه ويركض يدور شي يشفى اللي حرمه من نجلاء : ياااااااااارب يموت ..

لمى سمعته وشهقت كيف دكتور يدعي على مريض كذا .. وليه يحكي لاحمد عن نجلاء ..؟

* ها يا أحمد انفاسك طويله تقدر تتحمل تعيش بدون نجلاء .. والا هذا اخر نفس اللي نطقت فيه اسمها ...





بالرياض عاصمتنا الغاليه ..

وبالتحديد دخل القصر الفخم اللي مسافه السقف فيه مع الارض بالدور الواحد .. عن عماره ب12 دور ..

لكن مو بحديقه القصر الواسعه .. ولا بالمسبح لخيالي ..

كانوا بالمطبخ المزحوم ..
ربى واقفه قبال الطاوله و راكان قبالها بالضبط تفصل بينهم الطاوله

ربى مزكومه من البهارات والادوات اللي يستخدمها راكان بالطبخ .. ماتعودت على الروائح هذي قويه على انفسها ..

ماسكه المنديل بنعومه وطريقه راقيه معروفه فيها بعكس سجى المرجوجه ..
عيونها مغرقه من البهارات الحاره .. قال بصوت غريب عليها من الحراره ..: .. مادري كيف تستحمل الريحه كذا دائيم ..


راكان ابتسم مثل عادته البشوشه : شغلي لازم استحمل ..

ربى : امم يمكن .. – بحماس - صحيح تعرف تطبخ كندي يعني طبخاات كنديه .

راكان بهدوء وهو يخلط الروبيان بالبهارات بمهاره : لاااا ..

ربى تحمست اكثر .. لكن قالت بهدوءها المعروف : جد والله ماتعرف .. انا مي كتاب طبخ لما سافرنا لكنده .. شاريته غالي لطباخ امم وش اسمه .. والله نسيت اسمه

راكان : مو مهم اسمه المهم طبخه ..

ربى بتفكير : ايوه صح .. دقيقه واجيبه لك – مشت لبره المطبخ تحاول تتذكر وينه – المشكله مادري وين حطيته ..؟ امم لما رجعنا من كندا الشنطه هذيك ..امم وين رميته ..؟

واختفت من عيون راكان .. .. اللي كان يناظرها تمشي لحد ماطلعت من المطبخ .. عكس اختها سجى التافه الصغيره كثير ..
هذي اهدى وأرقاى منها..
ورقيقه بالتعامل .. بسيطه ..
ماتصور ان هذا القصر الكبير المهجور فيه قلب ابييض مثل هذي ..
(( مسكينه ياربى مادرتي... ان عمر تركك علشان المددله السخيفه سجى .. كانت خاينه انا شاهد على خيانتها وحقارتها ...
لاوزياده هي اللي تزوجت ...
وانتي الورده الناعمه اللي بدون شوك وماتجرحي .. تركك الغبي يوم زواجك ..))

طلع صورة نور وهي ملاااك صغيره يتامله .. حس بقلبه يدق بسرعه لنور حياته ..
خاف قلبه يميل لربى او حتى يفكر فيها وينسى معشوقته المجنون فيها نور ..

... .... ..

ربى وقفت بغرفتها تناظر بتفكير وين حطت الكتاب ..؟

فتحت دروج كثيره تدور وفجاءه تذكرت انه حفظته بدولاب الخاص علشان ماتنسى ..

واول مافتحت الدولاب طاح شي ابيض كبير وفخم ومعه كتله بيضاء ضغيره ..
طاح فستان زواجها اللي لبسته وكان يوم موتها ..

فستان ابيض قريب لونه لثلج من شده بياضه .. ثقيل وفخم وكانها عروس الف ليله وليله .. تعبت على الفستان وصممته بنفسها ورسلته لاحسن المصممين اللبنانين يخيطه لها علشان تكون مميزه .. مميزه لعمر وماينسى شكلها بهالليله ..

نزلت على ركبتها ترفع الفستان بايد بارده ترتجف .. ورفعت الكتله الصغيره اللي معه .. كانت ماسكه فستانها .. من الورد الابيض الجاف والكرستالات الفضيه .. واللوان مع الاضاءه الصارخه تبان قريبه لاوان الطيف ..

تنهدت وضمت الماسكه بيدها كانها جد عروس بتمشي بزفتها ..(( وينك ياعمر ليه تركتني .. ابنتظرك لاخر يوم بالعمر علشان اسالك بس ليه تركتني لهي الدرجه لنوثتي ناقصه وبشعه ..))

ام رياض حست بغصه بحلقها وهي تشوف بنتها ربى متحمطه وجالسه على الاطلال كذا ..
كانت جائيه يتهاوشها لجلاتها الكثير مع الطباخ لكن كل هذا تيخر وهي ..تحس بلمعه الدمعه بعيوون ربى ..
بصوت هادي : ربى

ربى ماتوقعت ان امها فيه مسحت الدمعه اليتيمه على خدها ومالفت على امها : هلا ماما

ام رياض ماعرفت وش تحكي لكن تبغى تبعد الحزن عن بنتها : انا طالعه لاستقبال ببيت الوزير بو محمد تعالي معي ..

ربى حست بالاحراج وشكلها سخيف وهي ضامه الماسكه والفستان بحضنها : لا ماما مابعد ستعديت للمجاملات او اقابل حد ومن الاساس انا شويه وبنوم

ام رياض ولاول مره تتركها وماتجبرها على شي : اوكبه

ربى وقفت وبعيونها كل الحزن .. كانت بالمره حزينه .. ورمت الفستان والماسكه على السرير : ماما ارسليه لجمعيات الخيريه او للمحتاجين ..

ام رياض بتفهم : لااا ماينفع وش يستفيدوا الجمعيات الخيريه من فستان قيمته 12 الف .. اسمعي ارميه ... – لما شافت وجه ربى تغير اكثر قالت تسايرها - اوحتى بيعيه او اجريه .. اذا كنتي متضايقه منه مره .. ومن ايجاره تصدقي فيه ..

ربى استغربت : ينفع ..؟!

ام رياض ابتسمت : الا ينفع وينفع .." سورام "سورررام ..

دخلت الخدامه : يس مدام ..

ام رياض : خذي هذا الفستان مع الماسكه لتحت وانا اتصرف فيه اذا رجعت ..- لفت على ربى ولمع عيونها بحنان ماتعودت تعطيه لحد من عيالها الا متعب – ها ربى مانتي بطالعه معي للاستقبال

ربى رجعت تناظر الدولاب بارتباك : لا ماما راسي مصدع شوي باخذ لي بندول وبنوم ..

ام رياض طلعت : اوكيه براحتك ..

ربى غمضت عيونها بقوه اول ماطلعت امها تحس انها ندمانه على الفستان تبغاه ..لكن احسن لها كذا ..

انتبهت بكتاب الطبخ وتذكرت راكان شهت وسحبته .. اكيد يحتريها تنزل وهي من نص ساعه جالسه هنا ..

اخذت الكتاب وحطته على الطاوله .. مالها خلق تنزل بتتروش وتنوم .. وبكره تعطيه لراكان .. وين بيروح يعني ..




الساعه 11 ..

بالحاره اللي ازعاجها مستمر لاخر ساعه بالليل .. واصووات الشباب والبزارين .. والبيوت فيها السهر لاخره ..

الا بعض البيوت اللي الهدوء والنوم غلبها ..

اللكل نايم ومرتاح والبيت ظلام من الهدوء ..وعود بالرياض وابو نواف وام نواف نايمين علشان يصحون بدري يستعود لملكه ندى غصب عنها ..
نواف نايم بقصرهواجس لان له غرفه خاصه هناك ..
الجده ماتسمع الصوت وجالسه تقراءء قران بالليل وتدع ربها ان ندى ماتكون لعبدلزيز ..

ندى هي الوحيده الصاحيه ايدها ترجف وقلبها بيوقف .. وعرقانه تحس ان الجو حار مع انه بعز الشتاء ..
علقت الورقه على الجدار ومسحت دموعها بسرعه ..
جرت شنطتها ولما خافت تطلع صوت ارفعتها

ناظرت بالغرفه اللي حضنتها 18 سنه من غير لاتتضايق او تشتكي .. الغرفه القديمه ودعتتها الوداع الاخير ..

طلعت بهدوء وخفه .. كان قلبها بيوقف بمكانه .. مشت على اصابعها .. لعند مدخل البيت وهي عرقانه وترجف وقلبها يدق بسرعه رهيبه ..تحس انها بتموت من الخوف والرعبه ..

سمعت دق الباب الخفيف .. فتحت الباب بشويش وغطت وجهها .. شافت نجود اخت لمياء وهواجس واقفين ..ومرتبكين

هواجس بصوت يرتجف : يله قبل لايحس أحد ..

طلعت ندى ودموعها تنزل على وجهها مستحيل تهرب وتترك هالبيت .. لكن المستحيل نفسه ..تتزوج ولد خديجه ….

سكرت الباب بهداوه ومطلع صوت .. ارتجفت اكثر : يمممه خايفه ياويلي ..

نجود تتلفت : يارربي حتى انا خائيفه ..

ندى مسكت قلبها : قلبي بيوقف من الرعبه ..

هواجس ماصدقت لانها تحس بتانيب الضمير .. لكن عارفه بنت عمتها تقتل نفسها .. تهرب لوحدها مجنونه وتعمل اي شي بس ماتتزوج غصب عنها ...
قالت بسرعه .. : يله ارجعوا انتم فيها ..

ندى وتحس قلبها ببطنها : لاااا .. على السياره بسرعه ..

طلع بو هواجس من السياره وقال بصراخ : هااا بتطلعون والا كيييف ..؟؟!!!

خافوا انه يصرخ اكثر ويفضحهم .. ركضوا ودخلوا السياره
.. وكل وحده ترتجف وريقها جاف من الخوف .. واعصابهم مشدوده ..

ندى كل الادعيه اللي حافظتها قالتها .. كانت تتمنى انها تحلم مو جد .. لكن كيف تتزوج من ولد خديجوه القشره ..

وهواجس مرعوبه اكثر منها وتقراء على ندى وتدعي ان الله يحفظها .. هي عارفه انه اكبر غلط وانهم مجانين ..
لكن اللي مريحها .. ان ابوها بيروح مع ندى ويتطمن على احوالها صحيح انه فاقد وماعنده سالفه لكن ينفع احسن من تفكير ندى الاهبل تهرب مع لمى لوحدهم ..
على الاقل يتطمن ابوها على ندى ويامن لها كل شي ويرجع …
الله يخلي فلوس الثين اللي قنعت ابوها ..

بالمطار لما وصلوا ..


ضمت هواجس وبكت : يله هواجس ياقلبي اشوفك على خير.. بشتاقلك..مررره

هواجس ضمتها بقوه . وبكت : وانا بعد .. لاتخافي ابفهم اهلكوابوي بيفهمهم ..

ندى باستها لحد ماشبعت من ريحتها : لا تنسيني هواجس انا على الله ثم عليك ..

هواجس : اكيد ياحياتي واذا تاخرت عليك بيوم اعرفي اني مت

ندى : بسم الله عليك وجع ..

((تعلن الخطوط الجويه العربيه السعوديه عن قيام رحلتها رقم 987…الخ ))

هواجس وندى ناظروا الصوت وبعد ماسكت ناظروا بعض ..

قالت هواجس بحنان : ندووش غيري رايك

ندى بسرعه بعدت عنها : يله مع السلامه وانتبهي على نفسك وارجعي للبيت بسرعه مع السلامه

هواجس من ورى قلبها : ابشري مع السلامه ..مع السلامه يبه

بو هواجس مدف عربه الشنط : يله بلاحكي فاضي ..

ودعت هواجس ندى وكل وحده دموعها على خدها ...

اما لمى فودعوها اهلها اخوها اللي عارف بسفرها وعنده ايزي ..

وصيه غبيه تربط مصير اثنين على الفاضي ..
.هذا اللي فكرت فيه هواجس وهي ترجع مع السواق لبيتهم ..

....... & ........

ندى اول مره تركب طياره ..كانت درجه اولى مدللتهم هواجس ..
هواجس ماقد بخلت على اهلها وتندمت عليهم .. اللي بيدها لغيرها ..

ندى ناظرت بالكرسي الكثيره الفاضيه لانهم اول ناس دخلوا لطياره : يالله وناسه محتاره اي مكان اختار ..

نجود : هيييه... انا عند النافذه

ندى : لاااا والله انا ..

نجود : تعالي نشوف كل وحده كيف حجزها ..؟

ندى : مصدقه انتي وجهك اجلسي باي مكان وينفع ..

نجود ء: لااا من قالك حنا لنا مقاعد مخصصه ..

ندى: وش فيك انتي قرويه .. حنا دافعين دراهم كثيره يني اي مكان نختار نجلس ..

نجود: ههههه جد جد قرويه ... ياحضي على بالك باص المدرسه انتي ..هههههههه

ندى جلست بثاني صف من المقاعد وعند النافذه : تعالي بس اجلسي وبلا كثره حكي ..

نجود بهمس : يالقرويه تعالي مكاننا قدام الجهه الثانيه

ندى : اقول اللعبي على هنود ويله ضفي وجهك ..

نجود هزت راسها معصبه ورحت للمكان المخصص ..: غبيه والله بتتفشلي ..

امتلت الطياره تقريبا بالركاب..

وقف واحد بملابس عاديه كثير وشكله بسيط حتى من ناحية الوسامه .. وتقريبا بالثلاثينات ...

ناظر بندى ثمن بورقه صغيره بيده .. ورجع ناظر بندى مستغرب ..

ندى استحت وحمرت خددها تحت البرقع دها تقوله خير بس سكتت ..

الرجال بهدوء : لو سمحتي

ندى احتقرته : خير ..؟

الرجال بارتباك : خير بوجهك .. لكن هذا مكاني ..

ندى : ايش مكانك وين جالسين حنا بحضانه .. روح يابابا دور لك مكان ثاني .. انا جئيت قبل

الرجال ابتسم : اكلتيني بقشوري .. ماحكيت شي بس هذا مكاني ..

ندى : اقول لاتتبسم وتعمل حركات السعودين النص كم .. تراها ماتمشي علي ..

الرجال ابتسم اكثر : بذمتك هذا شكل واحد رايق يغازل وبعدين شكلك مايحمس .. قومي من مكاني

ندى (( انا شكلي مايحمس ...يابن الكلب ويابن ال .... و... و... ))
كل الالفاظ الشينه قالتها بداخلها وهي تناظر الرايق اللي واقف قبالها
: اقول اللعب بعيد ورح دور لك اي مكان ..

الرجال حس انه مافيه فائده تركها وراح ..

ندى اخذت بنفسها مقلب وصدقت حالها : ناس ماتجي الا بالعين الحمراء على باله بسكت له ..

ناظرت للجهه الثانيه وشافت نجود جالسه .. اشرت لها : مالت عليك ..

نجود اشرت لها نفس حركتها : وعليك يالهبله ..

قبل لاترد عليها ندى وقفت قبالها المضيفه : السلام عليكم ..

ندى ابتسمت وكان المضيفه تناظرها : وعليكم السلام ..

المضيفه : لو سمحتي يانسه ازا بتريدي هيدي مكان المسيو "انس "..
(( لو سمحتي ياانسه هذا مكان انس ))

اشرت على انس .. الرجال اللي فتره حكى معها ..

ندى : لا اسفه انا جئيت قبله ..

المضيفه ابتسمت من قلب وهي ماسكه ضحكتها : اوكيه معك ورائه زغيره .. ممكن اخدى ..
(( اوكيه معك ورقه صغيره ممكن اخذها ))

مدت لها ندى الورقه وناظرتها فهمت هاللحين وش هالوراق وقبل لاتحاكيها المضيفه وقفت منحرجه ومتفشله من جد ..
: اوه هاللحين تذكرت ..

واخذت شنطتها الصغيره وطيران لعند نجود من غير لاتلف لهم ..

انس ضحك : هههههه (( مشكله اللي مايسافروا هههههه))


ندى اول ماجلست بجنب نجود ضربت خدها : فشللللللله فشله .. لا واهدد واصارخ والمكان له فشللللللللللله ..

لمياء ناظرت اللي صار وماتت من الضحك : هههههههه تستاهلي

ندى عطت أنس ظهرها لانه يناظرها: يوووه فشله والله .. لا ومع مجلة انس مادري انس

نجود بشماته : ههههههههههههههههه

ندى قررت تطنشه وتعطيه ظهرها مالها وجهه تناظر وحمدت ربها انها مبرقعه ..

بعد فتره ..

ندى ناظرت بنجود اللي بجنبها : ياااربي خايفه .هههههههههه .

لمياء نفس حالها :وليه تضحكي هههههه ..؟

ندى : اول مره اركب طياره لازم ههههههههه

نجود : تصدقين وناسه

ندى لفت على خالها اللي نام اول ماحطت رجله الطياره : دام خالوا معنا ونااااسه ههههههه

ندى بلعت ريقها وهي تسمع صوت الكابتن : الكابتن : اعزائي المسافرين معكم الكابتن هزاع شحيمان العتيبي *_^ الرجاء التاكد من ربط الاحزمه للاقلاع و ..الخ

ربطوا الاحزمه واقلعت الطياره بسلام ..وانس مارفع عيونه عن ندى .. عنده فضول يشوف القروين اذا سافروا ..

احساس غريب وجديد على البنتين لكن حلو عجبهم مادروا انهم بيندموا على اليوم اللي باعوا فيه اخلاقهم واهلهم وسافروا لمصر ... لكن وش بينفع الندم لهم

نجود تطلع التلفزيون الصغير : احم احم عندي تلفزيون ..

ندى : تكفييين انا بعد بس مادري كيف يطلعونه ..؟

نجود : يالحجيه فشلتينا تعالي اطلعه لك ..

وقف المظيف عندهم : مساء الخير ..

نجود وندى طلعت عيونهم من البرقع ..

ندى بهمس : يلعن بو الوجه وش زينه

نجود : ههه اسكتي لايسمعنا ..

ندى : يؤؤؤه مايسمع شكله مفهي

نجود : قولتك يعني نقز على راحتنا ..

المضيف وكان سامعهم ابتسم : ايش حابين تشربوا ..؟

ندى بهمس وهي مقربه عند نجود : شكله من الشمال او الطائف ..؟

نجود : احلفي وكيف عرفتي ..؟

ندى : من صوته وطريقه حكيه ...

نجود لفت على خال ندى " بو هواجس ": اسكتي خالك هنا ..

ندى : ماعليك منه مايدري وين الله قاطه يله قولي لرجال نبغى موكا ..

نجود : لا وليه انتي ماتحاكينه ..

ندى : ياااااااااسلااااام تبغيني احكي مع رجال غريب ..

نجود تخصرت وعلت اصواتهم : لا وهذا انا مو ورجال وبعدين .. انا قليله الادب اللي احكي مع الرجال ..

ندى ببرود : والله مادري اسالي نفسك ..

نجود عصبت : لااااااااااااااا احترمي نفسك ومن هاللحين اقولك احترميني احسن

ندى : وليه احترمك ها انا جائيه بفلوسي ياروحي ..

المظيف ناظرهم فاتح فمه هذولا اول مره يسافروا والا ايش قصتهم ..
قال بهدوء وهو خايف تجيه جزمه او كلمه تسم البدن
: لوسمحتوا صوتكم مالي الطياره

ناظروه ندى ونجود وكانت كل وحده منهم معصبه ومتوتره .. سكتوا متفشلين والناس تناظرهم ..وتحتقر ..

نجود بهدوء وحياء عكس صراخها .. منحرجه من المظيف : لا مانبغى شي ..؟

ندى تدزها معصبه .. : انقلعي انا عطشانه ..؟

نجود بعصبيه اكثر : عطشانه حاكي الرجال انتي ...

ندى : لاااا والله فشله ..

نجود بخبث : اجل اسكتي ..؟

ندى : انتي وش فيك متسببه وشايفه نفسك ..

نجود : يحق لي اشوف نفسي مو انا اللي خلصتك من ولد خديجوه ..

ندى : الله والفكره واللي يرحم والديك اللي يسمعك يقول مره محرره فلسطين ..

المظيف طفش وتركهم ..

نجود: لاااا بالنسبه لك اهم من فلسطين ..

ندى : نشووف اللي ذالتنا عليه لاوصلنا لمصر ..

نجود: لا بتشوفي وبتسكتي ..

ندى : ايوه بالمشمش اخاف ان هواجس دفعت فلوس على الفاضي..

نجود : تكفيييييين فلوس وفلوس كان محد تزوجت بنت خاله بطران غيرك .. ولو انها وعود اختك كان وش سويتي .. ؟

ندى بغرور : والله انا يحقلي اعمل اللي ابغى والا انتي ناسيه اني ندى .. ندوووش ..

واستمروا على هذي الحاله لحد ماوصلوا لمصر ,,, والمسافرين تاذوا منهم ..

..... ...... ........... .......... ........ ......

دخلت هواجس للبيت وهي حاسه بتانيب الضمير وقلبها يعورها على ندى ..
بس قوة قلبها وحلفت تدلع ندى بالفلوس وتعرف اخبارها ...








الساعه 5 الصباح من اليوم الثاني ..

الشمس بوسط السماء .. معطي للكون لون برتغالي واحمر رايق ..

صحى ريان على حركه بالغرفه .. فتح عيونه شاف نفسه بالغرفه البينك ..وريحه شموخ راكز بانفه ..






تذكر كل اللي حصل امس ..حس بضربات قلبه قويه بصدره هذي حبيبته وكانت بحضنه لكن هاللجين وينها ..
لف جسمه بشويش لصوت المزعج بالغرفه ..وتعمد مايحسسها انه صاحي عنده فضول يعرف وش اللي جالسه تعمله ..

كانت شموخ واقفه قبال الدولاب تطلع الملابس وترميهم بشنطه سفر متوسطه ..وتلتفت كل شوي على ريان خايفه ..

استغرب ريان ايش اللي ناويه عليه .. بهالشنطه ..

بسرعه شموخ فتحت علب كبيره عند التسريحه ..واخذت منهم البوم صور لونه بينك وفروه ناعم .. واخذت كم قطعه ..
وفتحت دروج التسريحه بقوه .. وطاح درج على الارض طلع صوت مزعج ..

كتمت شهقتها بيدها ولفت على ريان بخوف .. لكن ريان غمض عيونه بسرعه انه نايم .. ارتاحت شموخ وتنهدت ..وهي ترفع الدرج لاقرب طاوله عندها ..

سكرت الشنطه كويس .. وسحبت عبايتها من الشماعه ..

ريان كان بيصرخ فيها..
وين ماخذه عبايتك وشنطتك ..؟
وش ناويه عليه ..؟
لكن سكت ...
يشوف اخرتها معها ..

مشت شموخ بتطلع من لغرفه مستعجله ومرعوبه خايفه حد يحس فيها او ريان يصحى هاللحين ويشوفها ..
تذكرت ريان .. كيف مانامت امس وهي تناظر وتتامل ملامحه ..
في شي غريب بينهم في مشاعر ماهي مفهومه تربطهم ببعض ..
غير الكره الواضح ..
في شي يجبرهم مايعيشوا الا سوا ومايتنفسوا الا نفس الهواء ..
ريان طووال حياته مميز بقلبها ..
له مكانه خاصه بقلبه كااااان .. قبل لاتموت مروج ..

حطت الشنطه وعليها العباءيه عند الباب .. ورجعت لعند السرير تناظر ريان ولاخر مره ..
وقفت تناظره بتامل ..

ريان حس فيها قاوم مايفتح عيونه علشان مايخرب كل شي ..

شموخ تحست الجرح القديم اللي بيده او عضتهاهي ؟؟ ..
اثر اسنانه الصغيره بيده ..
وعورها قلبها انها بتفارقه ..
بس لازم تروح فيصل ينتظرها وسعادتها وراحتها معه.. هو اللي بيغير حياتها ..

ريان تاكد انها ناويه تهرب .. مجنونه هذي .. كيف تفكر تصرفاتها تشل التفكير ..

مسحت شموخ دموعها من عيونها الرماديه الواسعه اللي فقدت جاذبيتها من كثر الحزن والهم ..
كانت عيونها حمراء ملتهبه من البكي ..

وطلعت من الغرفه بسرعه .. سكرت الباب بهدوء .. ورفعت شنطتها لتحت ..

ريان وقف بسرعه .. ضغط على راسه من المصيبه تفكر تهرب .. انهبلت هذي ..
سمع صوتها تركض لتحت انتظر لحد ماسكت الصوت يعني هي تحت ..

طلع من الغرفه بسرعه ومن جناح البنات لبره .....
بخطوات هاديه ماينسمع لها صوت .. كان على اطراف اصابعه يمشي ...

شموخ عند الباب لبست عيايتها بسرعه ولفت عليها الغطاء اي كلام ..


واول مافتحت الباب الرئيسي اللي على الحديقه وبعده باب الشارع .. ريان نزل نت الدرج ركض ..وصرخ : شموووووووووووووخ

الفصل الثالث والعشرين ..







الجزء الاول



شموخ قفزت مرعوبه ولفت عليه .. من وين طلع هذا ..؟

عيون ريان المصدومه بعيون شموخ الخايفه ..
عيونهم كانت تحكي وكل واحد واقف بمكانه ساكت ..


شموخ رجعت لها الضيقه اللي تكتم الانفاس مره ثانيه .. و فتحت الباب وركضت لبره حديقة البيت ..

ركض وراها وهو مو قادر يستوعب تصرفاتها : شموووخ شموخ تعالي ..

شموخ ركضت بسرعه بلياقتها تهرب منه .. ماعرفت مكان باب البيت ولا شي بس المهم تركض .. قلبها يدق بسرعه رهيبه وصدرها ضايق يخنقها : ابعد اتركني لوحدي ..

ريان يصرخ فيها : يامجنونه وقفي ويييين رايحه ..

شموخ تضغط على اذنها وتركض.. ودموعها تنزل وتحرقها : انا ماني مجنوووونه انا مو مجنووونه ..

ريان باسرع ماعنده قرب منها قبل لاتوصل للباب وتفتحه : شموووووووخ

فيصل سمع صوت ريان يصرخ بشموخ ..داس بنزين مافي بنت تستاهل يموت علشانها وهذا ريان مو سهل .. وصوته مميز يعرفه من كثر مايحكي مع شموخ وهو يدخل عليها ويسمع صوته ..

شموخ ركضت اكثر لعند الباب الصغير اللي باخر البيت .. رجلها نعوجت " نلوت " وطاحت على الارض ..: آه

ريان ماصدق و مسك ايدها وهي على الارض علشان مماتوقف وتهرب : شموخ يالمجنونه وش اللي تفكري فيه وقفي ..

صراخ ريان ..
المكان عند الباب الصغير ..
صوت فرامل السياره ..
رجعوها لموت مروج ..

ارتجف جسمها كله واقشعر ..: لا لاتقتلني.. تكفى لاتقتلني ..

تراجعت لورى بخوف لعند الجدار مرعوبه وتصرخ : لاااا تقتلني ..

ريان مسك راسه بالم .. من شدة نبض قلبه اللي يدق بقوه الم راسه ..
شموخ جد انجنت .. قدامه خيال وضل شموخ ..

نزل على ركبته زحف لعندها يحاول مايخوفها .. قال بحنان وهدوء .. : شموخ لاتخافي ..

تحس ان ريان وجهه تغير صار الرجال اللي تشوفه دايم بغرفتها .. كانت ضايعه بعالم غريب .. عالم السحر والشعوذه ..

شهقت بالبكي وضمت نفسها .. تحس انها تعبانه من البكي .. والخوف .. مسكت رجلها اللي نلفت من شوي تالمها لكن كل هذا يهون ولا يقرب منها هذا ريان : ابعععععععععد .. تكفى اتركني ..

ريان رفع ايده علشان تصدق انه مراح يلمسها : ها اا مراح اقرب بس انتي اهدي ..

شموخ هزت راسها بالنفي .. وهي تبكي ومرعوبه ..: الله يخيك اتركني لاتقتلني ..

ريان تنهد وناظر رجلها الحمراء مره وهي ماسكتها واضح انه كسر ..
مسك رجلها يتاكد ...

صرخت فيه :لاااا تقتلني ..
اغمى عليها.. كل شي بجسمها استرخى .. حست انه بيخنقها ويقتلها ..

رفعها ريان بسرعه وصرخ : شوبااار شوبار

شوبار طلع بالوزار الازرق والبنفسجي لافه على جسمه : مييين هزا ..؟ ايس في ..؟

ريان حالته ماكانت تسمح يسوق سياره قال وهو ياخذ نفس ويعد للعشره بداخله (( 12345678910 )) : يله على السياره نروح المستشفى

شوبار تعود على هالحالات وخاف ان شموخ تموت مثل نجلاء ..

سامي طلع وجهه متغير من صراخهم : ريان ... شموخ ايش فيها ..؟

ريان : كويس انك طلعت يله خذنا للمستشفى شموخ مادري وش فيها .. وانا احس اذا سقت السياره بعمل حادث ..

وطول الطريق
سامي يسال رياان وش صار وايش فيه ..؟
كان ريان على اعصابه وهو جالس ورى وساند شموخ عليه ..لحد ماوصلوا المستشفى ..وحكى لسامي اللي قدر يجمعه ..وسيجارته مافارقت ايده .. تركها هالكم يوم وهاللحين بس رجع لها ..

.. بعد نص ساعه ..

دخل ريان وسامي غرفه شموخ بالمستشفى .. وكان الدكتور منتهي من الكشف وشغله ..

ريان بلهفه : ها يادكتور ..ايش فيها ..؟

سامي : لاتقول انهيار عصبي تصرفاتهاترعب ..وطفشنا من حكيكم اللي ماله داعي كل مانجيبها انهيار عصبي

سامي وريان كانوا مرعوبين من الخوف على شموخ ..مابقالهم الا هي ..

وشموخ كانت تسمعهم لكن جسمها مخدر ماتقدر تتحرك او ترد ..

الدكتور : لازم تدخلوها لمستشفى النفسي .. مستشفى الاعصاب ..

ريان ببطى يستوعب : ايش اعصاب ..

سامي فتح فمه : مستشفى المجانين .؟؟؟؟؟؟

ريان صرخ ورمى السيجاره اللي بيده : ايش مستشفى الاعصاب .. شموخ ماهي بمجنونة ..

الدكتور بياس: انا ماقول كذا لكن هي محتاجه لرعايه النفسيه

سامي بين اسنانه : انت عارف وش تقول مستشفى المجانين ...المجانييييين

الدكتور: لا مستشفى الاعصاب اسمها كذا .. ترى بتزيد حالتها وم

ريان مسك شموخ وحاول يجلسها وهو بدون اعصاب .. مافي شي بمخه يفكر ...
يقولوا عن حياته مجنونه ويدخلوها لمستشفى المجانين وهو واقف يتفرج ..: انا اكون مجنون اذا تركتكم تاخذوها ..

الدكتور حاول بيعد ريان عن شموخ اللي حاسه فيهم سامعه كل شي لكن مااتقدر تتحرك ..: اذ طلعتها وتجاهلتوا حكيي بتنجن جد ومستحيل حالتها تقبل علاج

ريان نفض ايد الدكتور عنه وصرخ فيه : سامي ابعده عن وجهي لاقتله هالحين ..- ناظر بالدكتور وكل حقد الارض عيونه – والله ادخلك وعشره من امثالك للمستشفى والسجن بعد تقولي ادخلها مانت صاحي والله .. هذي شمووووخ انت عارف يعني ايش شموخ ..

سامي كان هادي بعكس انفعال ريان يحس ان الدكتور معه حق حاله شموخ بتزيد اذا ما دخلوها لمستشفى الاعصاب ..
: ريان وش فيك معه حق الدكتور شموخ حالتها صعبه ..

الدكتور كان يبغى يفهم ريان ان حالتها عاديه وكثير مثلها لكن مع علاج بسيط وفتره يتشافوا باذن الله ..
: ياخ اذا كنت جد خائيف عليها اتركها بمستشفى الاعصاب ..


شموخ كانت تبغى تصرخ وتضرب الدكتور هذا اكثر من ريان ..نفسها ترميه برى النافذه وتركض لحضن رياان يحميها منه ومن سامي ..

ريان عصب اكثر ورمى جيكت المويه اللي كانت على الطاوله .. رماها على الارض وهو يحاول يمسك ايده لايضرب هذا الدكتور الغبي : انت كيييييييف تفهم .. لاتقول اعصاب .. شموخ ماهي بمجنونه ..

الدكتور : اوكي اوكي .. اذا كنت ماتبغى مستشفى الاعصاب جلسها هنا عندنا .. بنخصص لها غرفه تحصل فيها العلاج اللازم ..
ريان رجع لشموخ ورفعها .. ناظر فيها يحاكيها يضرب خدودها بلطف : شموخ شموخ ردي علي ... شموخ انتي مانمتي من ثلاث ايام داري .. وماكلتي .. تكفين شموخ لاتخلي اللي صار يكسرك .. ارجعي قويه .. شموخ كذبيهم .. سكتي هذا الدكتور وردي ..
انتي بينك .. بينك القويه المغروره الجميله .. شموخ ردي..

ناظرها ينتظر ردها لكن صابته خيبه امل كبيره ..

الدكتور تعاطف مع ريان ... و حس انه مضطر يحكي له كل شي علشان يصدق انها باول مراحل جنونها
مشى لعند السرير : ياخ ريان ممكن تسمعني لحضه ..؟

ريان رجع شموخ وقال بخيبه امل وضيقه : وش عندك ..؟

الدكتور رفع شموخ من كتفها .. ورفع ملابس المستشفى اللي لابستها .. من بطنها اللي صار شبه عاري : تعال ياخ ريان وسامي شوفوا .. شوفوا كيف خطر عليها تكون برى المستشفى ..

استغرب ريان ليه يرفع ملابسه ويناديهم .. ناظر بسامي ..
سامي نفس استغرابه لكن مشى يشوف ايش فيه ..؟

وقفوا وكل واحد بردت اطرافه وحس برعشه بجسمه من اللي يشوفه ..

كان بطنها محترق بمناطق ومجرح بالسكين .. ولونه ازرق واحمر ..وسجاير مطفيه بجسمها ..
شي رهيب وين جسمها اللي كانوا يشوفوه دايم نظيف ورشيق ..
هاللحين ازرق على بنفسجي .. شكله مرعب ومغزز ..

ريان ماقدر ينطق او يفتح فمه بكلمه ..من الصدمه ..

اما سامي قال ببطى : من........ ايش ........ هذا ..؟

الدكتور غطى بطنها ورجع مددها كانها لعبه بين ايده : هذا منها هي .. هي عملت بحالها كذا وبكل منطقه بجسمها كذا ..
وممكن تعمل اكثر ..
هي منهاره نفسيا اللي حصل لها مو سهل ..
بظرف اربع سنوات بس فقدت ثلاثه من عائيلتها شي طبيعي تكون كذا وبالذات ان تومها ماهي موجوده
- ناظر بوجه ريان وسامي بسرعه – انتم توم وفاهمين علي ..
لو كنت جد ياخ ريان تحبها وتخاف عليها اتركها تتعالج ..
يمكن الاكتئاب والحاله اللي فيها تطور للانتحار والعياذ بالله

ريان ردد مثل الابله ورى الدكتور : انتحار

الدكتور: ايوه ومابعد انتحارها رجعه بسبب نقص المناعه

كلام دكاتره كثير مادرى ان اللي فيها شي واحد بس .. سحر .. هي مسحوره .. يعني ماتحس بنفسها ولاتدري ايش فيه ..؟مثل المنوم مغناطيسي مايدري عن شي ..

ريان حس ان الدكتور معه حق وهو بنفسه شاف وش اللي يصير معها .. لكن قويه يرميها بمستشفى المجانين ..
ليه بيرميها هو بيزورها كل يوم وبيتطمن عليها احسن من تموت وتقتل حالها او تنجن جد ..

سامي : اوكي يادكتور بنفكر ونرد عليك ..

الدكتور : اوكي .. بس ترى مافي وقت ..

تركهم وطلع ..

سامي : ها وش رايك ..؟

ريان جلس عند شموخ وناظر فيها .. تغيرت كثير مستحيل اللي يشوفها يعرفها ..
ناظر بشعرها الكستنائي المتوزع حولها وجهها الابيض الباهت ..
مايتخيل يدخل بيتهم وهي مو فيه ..
دخل اصابعه بشعرها بحنان .. كان يحس بالعبره تخنقه وهو يشوفها بهذي الحاله ...
قال بصوت مبحوح :سام اتركني معها شوي ..

سامي هز راسه وكان ريان يشوفه مو معطيه ظهره : اوكي ..

طلع وسكر الباب ..

ريان مسح على شعرها بحنان وهو خايف يفقدها وهذا اللي بيصير اذا تركهم ياخذوها بيفقدها ... وبعد اذا جلسها عنده بيفقدها للابد ..
تنهد وهمس لها : بينك ..
دلوعتي قولي ايش اعمل ..؟
كيف اتركهم ياخذوك مني .. اخاف عليك .. ماني قادر افكر .. خايف اقرر .. – هزها بخفيف – اصحي حاكيني ..
دلوعتي فهميني وش مصيرك ..؟

شموخ هي نفسها تعرف وش مصيرها او لوين ..؟!وتبغى الرد منه لان مصيرها بيده ..

قرر ريان انه يترك الانانيه وحب التملك اللي عنده ويعاجل شموخ بالمستشفى النفسي ..


**********************
عشاق من احفاد الشيطان ... روايه رومنسيه حزينه .. ... وخياليه
**************************



سجى صحت من النوم وماشافت خالد فيه .. ناظرت الساعه .. 8 الصباح وهي سمعت امس تركي "اوف " ماعنده دوام .. وقال لاهله لاحد يجي للبيت الا وقت الغداء لانه يبغى يرتاح ..

فتحت الباب بشويش .. ماسمعت صوت احد تحت بعكس العاده .. لا اكيد مابيجوا لان الدوامات بالمدارس بدت ..
سكرت الباب بهدوء .. وابتسمت بخبث ..

مشت للحمام تتاكد اذا تركي فيه ولا لا ..ماسمعت صوت ..
نزلت بسرعه لتحت تركض .. بدون جزمه علشان مايطلع صوت .. مع ان الدرج مفروش بالسجاد لكن للاحتياط ..

ركضت لحد الباب الرئيسي والبيت غرقان بالهدوء ..
قفلت الباب مرتين ولوفيه قفله ثالثه كان قفلته ..


وراحت عند الجرس وطفته يعني مايسمعوا الصوت ..


ضحكت بطفوله شيطانيه : ههههه فرجوني كيف بتدخلوا يالهمج ..خخخخ


وطلعت لفوق تكمل الخطه .. ماتبغى احد اليوم كيفها بتاخذ راحتها في بيتها .. خلاص هذا بيتها هي .. وهو لها .. وتركي بعد لازم يكون لها .. وهي تعرف كيف بتحطه بصفها يكفيها بلاهه وغباء ..

فتحت باب غرفة تركي بهدوووء .. المشكله الجو شتاء ومافيه تكيف او ازعاج .. مو مشكله كل اللي يبغالها خفة حركه بس ..

تركي ماحس بدخولها .... لان راسه كان مصدع امس ومانام الا لحد ماخذ منوم ..

سجى بهدوء مشت لعند الكومدينه اللي عند سريره وشافت مفتاح السياره وتلفون البيت وجواله وعلبه دواء ..
قطعت سلك التلفون من الفيشه وهي تبتسم وخايفه يحس فيها او يصحى ...

واخذت الجوال قفلته بسرعه وطلعت منه البطاريه ورمته على الارض بجنب السرير بهدوء وبجنبه البطاريه ..
علشان يضن انه طاح منه بالليل ..
ومفتاح السياره ناظرته وهي تفكر وين بتحطه وييين ..؟
وش تعمل فيه ..
رمته ورى الدولاب يعني محد يخطر بباله انه هناك ..

ابتسمت بفرحه ومنعه شهقه انتصار تطلع منها .. هاللحين لو تدق امه للفجر مراح يرد عليها ..

ناظرت بعلبه الحبوب مستغربه منها..وبعدها ناظرت بتركي وهو نايم (( ياحليله مايدري وش انا ناويه عليه خخخخخ .. نوم العوافي يا قلبي هههههه ))


طلعت من الغرفه بنفس الهدوء ونزلت لتحت .. دخلت للمطبخ اكيد وصخ من بعدهم امس هذا اللي شاطرين فيه .. نظفته بسرعه وهي تسمع صوت الباب يندق وصوت ام تركي وشذى ينادوا تركي .. وهي مبسوطه : احسن تستاهلي انتي وجهك لما تعرفوا تنظفوا اللي بعدكم ادخلكم ..

نظفت وطلعت الكروسان ودهنته بالزبده باستمتاع وهي تتخيل ردت فعل شذى ونوره بعد تطنيش تركي لهم .. : احسن علشان مايعاملها وكانه زوجته مو اخته .. – تقلد صوت تركي – ارتاحي ارتاحي لاتوقفي كثير .. مالت عليها عندها زوج واخ يخاف عليها ..

ملت الكروسان مرتديلا وخس وطماطم وهي تدندن : اقترب مني ترى الدنيا فرص .. خذ من شوقي اذا شوقك نقص ..امم ..- رفعت صوتها اكثر – اقترررررب مني ترى الدنياااااا فرص

جهزت الكابتشينو بالاله .. وطلعت لفوق بسرعه وهي تدندن ..: اقترب مني ترى الدنيا فرررص .. اقترب مني ترى الدنيا فرص ..خذ من شوقي اذا

شوقك نقص

عاجبها المقطع تحسه يحمسها على اللي ناويه عليه ..

دخلت للحمام تتروش ..
نفسها تشوف التلفزيون على راحتها .. وتغني وترقص .. ببيتها وبراحتها ..

وصلت لقرار ..امس وخالد بحضنها.. لازم تستقل طيبة تركي معها ببعض الاحيانا .. وحنانه معها ..

تذكرت الحبوب اللي بجنب تركي .. توقعت ان تركي مريض بشي .. الا اكيد فيه مرض ..
مزاجيته وراها " غولون" او " الضغط " او اي مرض من هذي الامراض اللي تسبب اضطراب بالجهاز العصبي ..


طلعت من الحمام وهي رايقه لان صوت امه وهي تدق الباب لحد هاللحين وفجاءه سكت الصوت شكلهم يائسوا..

طنشت وطلعت لها بدله مرتبه .. من زمااان ما طلعت لسوق او اشترت لها ملابس جديده ..
صحيح ان اغلب اللي بشنطتها مالبستهم ولا مره بس ماتعودت ماتغير ستايله او ملابسها كذا ..

لازم تختار ملابس مميزه تخلي تركي يموت فيها .. ويعرف قيمته اذا فكر بيوم يطلقها او يتخلص منها ..

اخذت لها بنطلون فوشي صارخ .. "بقي" وااسع بالمره .. لتحت الخصر كان واطي مرره يبان بطنها وظهرها بشكل فاضح ..ومغري ..

لبسته وناظرت بالمرايه اليتيمه اللي بجدار غرفتها ..: واااو طولني وزاد من جمال خصري .. ياربي سجوج طالعه على مين حلوه كذا هههههه ..

ولبست بلوزه شتويه خضراء بلون فستقي فسفوري ...
سكرت جرار " سحاب " البلوزه لبدايه الصدر بشوي ..كشفت نحرها ناويه على تركي ..

ناظرت بلبسها بالمرايه وتذكرت ندى بنت عمها حمد ..
هم يتشابهوا كثير وكانهم خوات وقريب لتوم وهذا ماكان يبان لان في فرق واضح بين ملابسهم واذواقهم ..
لكن بعد ماكشختهم هواجس وصارت ندى تلبس السبور والصارخ مثل سجى بان الشبه الكبير بينهم ..
وحكي الناس عن التشابه الفضيع بينهم بملكه وعود ورياض لانهم نفس الفستان ..
ابتسمت واشتاقت لهذي الايام .. صحيح انقهرت بوقتها لكن التنافس حلو وبالذات انها كانت الربحانه دايم ...

ياكره ندى طويله اللسان ماتطيقها ولا تحبها خير شر بس هاللحين خطرت ببالها ..
لانها حاسه باعجاب تركي لشكلها وملامحها ... لو انها فقيره مثل ندى .. او ندى نفسها يعني ماعندها حركات سجى وطلعاتها .. كان بيعاملها كيف ..؟
او بيحبها ..؟
تركي .. لما شاف ندى ضنها هي ولما عرف انها بنت عمها سرح بتفكيره .. ياترى عجبته اكثر منها او شاف البراء والاحترام اللي يدوره فيها ..
اجل ليه سال عن اسمها ..؟


جففت شعرها بالاستشوار لحد ماطاح على وجهها وصار من شده النعومه مايرضى يرجع ...
قصتها ستايل وشكلها غير شكل .. حتى صارت جذابه اكثر من فيكتوريا بيكهام اللي سجى قلدتها بالقصه ..
الكاريه القصير من ورى والطوويل من قدام ..


تركت وجهها على طبيعته بدون اي مكياج لان وجهها مورد هذا الصباح ..بس عدسات سماويه على رمادي .. لونها هادي ورايق ..وثقلت رموشها بالعدسات وقلوس وردي ناعم ..

تعطرت ..بعطرها المفضله سكادا ..هي وشموخ .. هزت راسها تبعد الخبيثه شيطانة الانس شموخ عن راسها هاللحين ..

طلعت لغرفه تركي بعد مازينت شكلها النهائي وكانها مغنيه روك بملابسها "الفرش " هذي

دقت الباب ومثل ماتوقعت ماسمعت رد لانها تعمدت تدقه على خفيف ..
فتحت الباب وقلبها يدق بسرعه تخاف من ردة فعل تركي ..

وقفت عند راسه تناظره يازينه ياخذ العقل حتى وهو نايم ...
فتحت الستاره الخفيفه .. وشافت تركي يعقد حوجبه ..من النور القوي ويرفع الغطاء لعيونه : يممممه انا وش قايلك اتركيني انووووم ..

سجى خافت اكثر يضنها امه اخذت نفس وراحت لعنده .. رفعت الغطاء عن وجهه بنعومه وقالت : تركي تركي ..

تركي شم ريحه العطر والصوت الناعم هو يحلم بسجى هبلت فيه حتى وهو نايم ..
فتح عين وحده وترك الثانيه مغمضه ..

شاف سجى تبتسم وشعرها على وجهها : صبااح الخير

تركي غمض عيونه من جديد وتاكد انه مايحلم ..اخذ نفس طويل وقال بدون نفس : خير وش تبين مصحيتني هالصبح ..

سجى بخيبه امل : احم احم .. ماودك تفطر .. تاخرت على الدوام الساعه تسعه ونص ..

.. كانت تستهبل عليه اسمعته ان مافيه دوام بس كذا لعانه ..

تركي لف ظهره عنها وغطاء وجهه يبعد المشاعر القويه اللي بتتفجر هاللحضه وهي ترمش ببراءه وتحكي بطفوله ..: ماعندي دوام .. وانتي من الاساس وش دخلك بدوامي ..

سجى ببراءه ودلع : مادري .. ماماتك ماجاءت اليوم ومحد صحاك لدوام خفت تتاخر ..

تركي وهو على جلسته : وهذا انتي سمعتي مافيه دوام ,,, اطلعي بره ..

سجى جد صابتها خيبه امل قالت بتردد واضح : انا جهزت لك حمام دافي و..و ..وعملت الفطور ماودك تصحى ..

تركي حس بالاغراءت من كلمه حمام دافي لان الجو باااردوالبيت مافيه نظام تدفاء : لاااا

سجى على وقفتها قريب من السرير قالت بتردد : ممكن ماتردني وتفطر معي ..

تركي كسرت خاطره واضح انها ثقيله على لسانها وقلبها تترجاءه بس يفطر معها ...
رفع غطاء عن وجهه وناظرها ببرود ..ارتبكت وناظرت بايدها ..
قال بدون نفس : اوكيه دقايق ونازل لاتحني على راسي ..

سجى انبسطت هي عارفه ان تركي قلبه ابيض وحنون ماقدر يردها ..

طلعت سجى وهي مبسوطه وماغابت الفرحه اللي بعيونها عن تركي : اوكيه ..والحماااااام جاهز ..

طلعت وهي تمشي ببرود علشان تتركه يناظر فيها كويس .. تحس بنظراته وكانه اسد في عرينه ...<< يعني تركي بسريره ..

تركي ناظرها بتمعن ياحلوها اليوم فيها شي متغير .. صحيح دوم كاشخه لكن اليوم غير..

لا وجسمها حليان والا هو يتوهم ..ياحلو الصباح اللي يفتح عيونه وتلتقي بعيونها ..

سجى لفت عليه متعمده شافته يناظرها ابتسمت ببشاشه وقالت : اوووه كنت بنسى ..تحب اكثر لك سكر والا

تركي حس في فراشه صغيره ترفرف حول قلبه من ابتسامتها .. (( والله انتي السكر حطي اصبعك ويكفي )) وقف بلامبالاه وهو مرتبك : لا انا اذا نزلت ابجيبه لك اقصد بزيده مثل ماحب ..

سجى انبسطت من غلطته يعني مرتبك .. قالت بدلع : اوكيه توتي ..

طلعت وتركته وهي تضحك بصوت واطي مبسوطه : ههههههه ..

دخل تركي للحمام بعد مانزلت سجى كان مبتسم من كلمه توتي (( ياحلو الدلع لاصار من اهل الدلع ..))
كان الحمام بخار وريحة البابونج وعطورات زهور الريف ماليته .. وزادت من الدفاء

فرش اسنانه وغسل وجهه ..
واول ماسترخى بالبانيون مع الروايح السنعه .. ياحلو سجى ويازينها ..
(( ايووه هذا اللي يتزوج بنات عز يوسع صدره ))

خلص من حمام ودخل للغرفه شافها مجهزه له بيجامه ..تركي ماتعود على البيجامات ابدا ولا فكر يلبس بيوم .. وهذي المدلله تبغى تلبسه اياها ..

رفع البيجامه باستنكار وناظر بشكله بالمرايه (( هذا وجه واحد يلبس بيجامات ..
معقوله متعب هالتعبان لاجاء ينام يلبس بيجامه ..
ايوه متيعب بطران وتربية ام سجى اكيد بيكون مثلها ..
ههههه والله هذولاء اللي عندهم فلوس مادري كيف يفكروا .. الا متى اشترت البيجامه .. معقوله وهي تجهز تذكرتني .. بس كان ممنوع تطلع من البيت ..اكيد كانت شاريتها لعمر ... تركي تعوذ من الشيطان ومو وقته هاللحين اسالها وتعرف ..))

لبس البيجامه ونسى موضوع جواله او اهله ..

نزل واول مادخل للمطبخ شدته ريحه الكابتشينو والسندويتشات بالزبده .. اخذ نفس على هالريحه اللذيذه ..

سجى اول ماشافته داخل بالبيجامه بنطلون ابيض ومخطط بكحلي خصر واطي .. وبلوزه ثقيله مره وهاينك كحليه ..
تبخر الكلام اللي بفمها وتنهدت من حلاته ماتوقعتها بتكون عذاب كذا عليه وبالذات مع شعره المبلول ..
نزلت عيونها لصحون وهي ترتبهم وجلست ورى واحد من الكراسي وهي ندمااانه علي عملته كانت تبغى تطيحه طاحت مكانه ..لا وريحه المسك من زهور الريف هي اللي مختارتها بنفسها .. ملت المكان ..

تركي انتبه بارتباكها وارتبك معها وعلى قد مايقدر حاول يكون قاسي او حتى طبيعي معها ..

جلس ساكت وسجى توهقت ماقد جلست معه لوحدها بدون هواش او خلاف الا هاللحين ..
قطعت بالشوكه والسكين من الكروسان ..وصارت تاكل وهي تناظر بتركي ..

تركي حاس فيها تناظره قال وهو ياكل بيده ورامي الشوكه والسكينه بعيد ..
بدون نفس وخشن صوته على قد مايقدر ...
: هاللحين فطور وفطور وبالنهايه كروسان ..

سجى كانت طايره فوق وفجاءه طاحت على الارض وكانها اصتدمت بشاحنه او شي كانت تضن سكوته عاجبه لكن مامنه فائده وجود اهله ماله دخل بتصرفاتها ..

قالت بمرح على قد ماتقدر : ليه مو حلو .. انا عاملته مثل طريقه " صب واي " ..

تركي : كلها سندويشه تقولي طريقه من مطعم

سجى نسدت نفسها عن الاكل : طيب الكابتشينو كويس ..

تركي اخذ الكابتشينو ووقف يكته في المغسله ..

سجى انقهرت من جد : ليه .. ليه تعمل كذا انا تعبانه وعاملته حتى

سكتت لان تركي كانت نظرته بارده ابرد من الجو اللي هم فيه ..نظره قشعر لها جسم سجى ليه يعمل معها كذا وهي تحاول تصلح كل شي .. تتقرب منه وهو الغلطان ..

ناظرته بقهر وتحاول تمسك اعصابها ودموعها ..

تركي لف كرسيها لعنده..
ورفع كرسيه وحطه قبالها بالضبط.....
مايفصل بينهم ولا شي ركبته الضخمه بركبتها النعومه ..

سجى ارتبكت اكثر وحست بدقات قلبها بتوقف ..

تركي رفع راسها وصارت عيونه بعيونها .. قال بجديه : اسمعيني يابنت الناس .. اللي جالسه تعمليه كله ماراح ياثر فيني او ينسيني حقارتك ..

سجى ضغطت على اسنانه وتجمعت الدموع بعيونها ..

تركي زادت دقات قلبه من ردت فعلها ..لكن كمل اللي ناوي يفهمها اياها ..
: انا مابغى اجرحك او اقول حكي ينقص من قدرك اكثر .. سجى لاتفكري او تحلمي حتى اني اناظرك انتي وحده مستعمله بالحرام .. يعني ماثق فيك ولا

سجى قاطعه ودموعها نزلت : كذب والله العظيم كذب شموخ كذابه انا بنت والله مافي رجال لمسني انا ك

قاطعها تركي وهويحط ايده على فمها
وقال بعصبيه : اووش لاتفتحي فمك لحد ماخلص ..سامعه ..
مابغى ارجع لنفس الموضوع عن هذا ابن الكلب اللي كنتي معه ..
والا عن عمر وحركاته الحقيره وخيانتك لاختك ..
لاني شفتك بعيوني هذي محد حكى لي كنت بين ايده ومبسوطه

سجى فتحت فمها ببتقاطعه عطاها نظره سكتتها : ولا تنسي اللي بزواج رياض مادري من هذا اللي ..

- سكت شوي لان سجى شهقت بالبكي اكثر حست انه يطعنها بحكيه ..يقتلها ظالمها.. نزلت راسها بقله حيله
كمل تركي وهو يدوس على قلبه ومشاعره –

: عارفه اني لما اكون برى البيت او بالعمل اجلس على اعصابي والافكار تاخذني لبعيد انا ماثق فيك ولا اظن بيجي اليوم اللي بتكوني محل ثقتي لانك خنتي اهلك ونفسك حتى امك ماتبغاك .. وابوك ماسال عنك



سجى كانت تذوب وتذبل مع كل كلمه شك يقولها ويناظرها فيها
قالت بشفايف مرتجفه : طيب خذني للمستشفى تاكد ..

مارفعت راسها خايفه تكون الطعنه الاخيره اللي يقتل فيها الحب اللي نولد بقلبها لتركي هذي الايام ..

تركي ضحك ببرود والم : هههههههه مستشفى لااا غلطانه يا نانه انا ماني بغبي تضحكي علي بالمستشفى .. وياكثر من يبيع ضميره ..لاااا وبهذي الايام عمليات الرقع على افا من يشيل ..وانتي ياا حفيييييييده الرالي الرالي هذا ماتعجزك عمليه بكم الف ..

سجى غطت وجهها بيدها تبكي اكثر ولو بعد مليون سنه مراح يثق فيها : طلقني خلاااص دام الموضوع كذا طلقنننني ...

قال لها تركي وهو يوقف.. كان يضغط على نفسه : تاريج 1| 12 من هذي السنه بطلقك .. بدايه اخر شهر من هذي السنه ..
هذا اتفاقي مع امك ..

سجى بكت اكثر : اكرررهك اكررررررررررهك من جد ماقد كرهت حد مثلك ..

تركي انشد عرق بخده .. وحس بتاثير الكلمه قوي عليه : هههه طبيعي مو انا كاشف حركاتك ..

سجى مشت بسرعه تطلع من المطبخ بتموت اذا ضلت اكثر من كذا ..


رن تلفون البيت بصوت عالي ..
سحبته سجى وهي متوقعه من المتصل احتقرت تركي ولفت عنه : آآآآلو خير في حد يدق من صباح الله ...

ام تركي : اعوذ بالله وشهالنفس وين تركي ..؟

سجى : وش تبين فيه مقفل جواله ومافتح لك الباب يعني افهميها انتم متى بتحسوا ..ها آآآآآف سوفاج .. ناس ماتفهم ..

سكرت بوجه ام تركي السماعه ..

تركي ناظرها والشرر بعيونه هو عارف من اللي حكى امه ..واكيد تسال عنه : من اللي كان على الخط ..؟

سجى بطفش ناظرته وهي تمسح دموعها تحس ان في قوه وشجاعه غريبه : امك يعني في غيرها ..
تسال عن البيبي تركااان .. وانا سكرت بوجهها السمااعه وقفلت الباب وطفيت الجرس وطفيت جوالك وقطعت سلك التلفون اللي بغرفتك .. كيييفي مابغى احد مابغاهم يجوا .. اقرفوني بعيشتي ..

تركي صرخ : لاااا والله احلفي .. وتقوليها ببرود انتي كيف تفكري ها ..
اهلي بيجوا ويجلسوا غصب عنك وعن اللي جابوك سامعه ..

سجى رفعت خشمها لفوق وقالت بقرف : ايوه سامعه وانت بعد اسمع والله والله والله اللي ماينحلف باسمه لعب .. ماني محركه ملعقه وحده بهذا البيت .. ودامهم مرابطين هنا ينظفوا اللي يوصخوه هم وعيالهم .. سوفاااج ..اقذر ناس شفتهم بحياتي ..

تركي قدم خطوتين سجى ركضت بسرعه لفوق : والله مراااااح احرك شي وبطردهم كل ماشفتهم ..

سكرت الباب بقوه ولما جئت بتقفله ماشافت المفتاح حست قلبها بيوقف لان تركي فتح الباب بقوه ..: لاااا وطلع لك لسان بتظفي وترتبي مثل الخدامه لهلي سامعه ..

سجى ترجع لورى بخوف : لاااا احلم مراح اعمل اي شي من اللي تقوله ويله كيف بتجبرني ..

تركي كان متنرفز ومقهور من الغبيه اللي قباله : شكل العقال المره اللي فاتت مارباك ..

سجى : لااا ولاتفكر تمد ايدك لاني بكسرها لك ..

تركي ضحك وهو متنرفز : هههه ضحكتيني شكل ايدك انتي اللي يبغالها الكسر ..

سجى لما انتبهت انه بوسط الغرفه ركضت بسرعه وبحركه مفاجاءه لبرى الغرفه وداخل الحمام ..قفلت عليها مليون مره وهو تبكي خايفه وترتجف ..

تركي تركها ونزل لانه معصب مايبغى يتصرف تصرف يندم عليه ..

جلس على الكنبه يهدي اعصابه
دق التلفون كانت امه رد عليها وخلقه ضايق : آلو ..




**********************
عشاق من احفاد الشيطان ... روايه رومنسيه حزينه .. ... وخياليه
**************************




المطر نزل وملى المكان اللي بالمدن دخلوا بيوتهم احتموا بالسقف والجدران الاربعه

اما اللي بالبر ..

فكان الجو عندهم غير والمطر له طعم ثاني واحلى ..

روابي : يمه مايصير تسذا الخيام بارده ..

خديجه وهي تغطي وجهها تكمل النوم : وش تبيني اسوي لتس يعني ..

ام يعقوب : قولوا لمتعب وهو يحلها

روابي باستهزاء: ياااويلي البزر بيحلها (( هآآ ياروابي بزر وامس كنت تتراعدين وانتم لوحدكم بعيد ))

احلام متنرفزه : روابي وبعدين معك .. عيب تحكي كذا عن – بحياء كملت – متعب

روابي احتقرتها من فوق لتحت : هااا احلاموه وجهتس تورد وش قصتس ..؟

احلام ابتسمت بخجل : ولا قصه ولا شي .. بس انشد عن ولد عمي بالسنع ..لانه رجال .. – فتحت باب الخيمه شويه ودخل المطر الغزيره واشرت على متعب وهو يركض وفوقه الفروه " البشت الشتوي " ويحمل اغراض من الددسن للخيام علشان ماتمتلي مويه – بذمتك روابي هذا بزر ..

دانه تنهدت : الا سبع من ظهر سبع

ظربتها احلام : وجعه ان شاء الله دانوه استحي على وجهك هو ولد عمي انت وش دخلك ..؟

روابي ناظرت فيهم وتحسهم زارين جد : ماقول الا الله يخلف على امن جابتكم ..

تركتهم وراحت تتغطى باكثر من غطاء من البرد اللي زاد مع المطر ..وصوره متعب وهو يركض بالبرد والمطر لداخل الخيام بس علشان مايتعب الشياب ويدخل الاغراض (( صدق من قال عنه سنافي .. و سبع ..))

وقف المطر فجاءه مثل مانزل فجاءه .. وبعد نص ساعه دفى الجو ..

ماصدقوا الحريم وطلعوا من الخيام للمطبخ لانه بمكان مبني وبعيد عن الخيام مثل الحمامات

روابي راحت معهم للحمام وهي عيونها على خيمه رجال لانها مالمحت متعب باي مكان .. ناظرت وماهو موجود بعد ..

الظاهر مو بس هي اللي تسال عنه ..
دانه قالت : احلامووه ولد عمك الحمش مو بخيام الرجال ..

احلام وعارفه تحركات متعب من اخوها فواز اللي بالمتوسطه : راح هو و ياسر اخوك لسوق الغنم يشتروا خرفين .. لان ابوي وعمي فهد عازمين رجاجيل اليوم ..

روابي اذنها معهم قال باستهزاء : خرفين الله يخلف عليتس خرفااان خرفاان

دانه : ههه تكلمت اللي ماتعرف تقول رجاجيل .. رياجيل ها ههههه

احلام تكمل طريقها بغرور: ماعليك منها هالعانس ..

دانه : على قولتك ههههههه

روابي كان نفسها تتفل عليهم البزارين لكن كملت طريقها ساكته ..

واول مادخلت للمطبخ صارت هي اللي تامر وتنهي بتعالي وازعاج لان هي اللي بتطبخ الذبيحه ..ولازم يسمعوا حكيها..
في احلى من ذبيحة من ايد روابي ..

اللكل طفشان وطفران من تدخلها بالبصل والطماط وكل شي .. بس ساكتين ..
السلطه العظمى و بنتها روابي بمكان وين مايسكتوا ..

اول مارجع متعب من سوق الغنم وقف الددسن عند المطبخ علشان ينزل الخرفان من صحن الددسن ..
: ياااا مراءه طريق ..

طلعت روابي بسرعه مبسوطه بس سمعت صوته ماتغطت حتى من ياسر ولد خاله احلام لانه اصغر من متعب يعني عنها صفرين على االشمال : هلا بالحامل والمحمول .

متعب : ههه هلا فيك كيف الصحه اليوم

روابي : مالك دخل ويله نزل الخاروف الكبير هذا ..

متعب ناظرها بخبث : ادخلي لداخل واستحي على وجهك ياسر هنا ..

روابي : يؤؤه تراه صغير مايفهم

بزر رفع حواجبه وقبل لايرد اشر له متعب اسكت وعمل حركه عند راسه يعني مجنونه ..

روابي بس شافته ولعت وظربته بالملعقه الكبيره اللي بيدها : انا مجنونه يامضيع المذهب اقلب وجهك هناك انت وخويك .. مالمجنون الا انت

متعب تعجبه اذا عصبت كذا وجهها حمر : هع هع هع هع

روابي ولاهمومها فتحت الددسن من ورى وقفت نزلت الخاروف اللي تبيه ورجعت سكرته ..

ومتعب وياسر فاتحين فمهم هذي القصير النعومه وكانها لعبه او عروسه يبانيه بتدور برشاقه هاللحين ..
تنزل الخاروف وتجره ولا عندها ..: امسك

متعب : لا ماني بماسك لك شي امسكيه انتي

روابي استحت تقول لياسر وهي ماتعرفه .. صحيح ان ياسر باولى جامعه لكن رجال ويفهم .. بس عند روابي مافيه ماتعترف ..الا باللي اكبر منها وبعد مو اي احد اكبر منها بسنوااات ..

عطت الخروف متعب غصب عنه : امسك بس امسك

مسكه لانها تركته ودخلت لداخل ..

متعب: هع هع هع والله رهيبه شي ماحصل

ياسر استحى من متعب : يله انا بروح لعند رجال يمكن يحتاجوني تامر على شي ..

متعب : لااا الله معاك خفت ها هع هع هع

راح ياسر وطلعت روابي وبيدها ساطور كبير وسكاين ومشمره ايدها ولابسه شي فوق ملابسها علشان لاذبحت الخروف : امسكه عدل

متعب : هع هع هع من جدك

روابي عصبت : وليه وجهي فيه مزح ..

متعب : لااا انتي في احلى من وجهك السمح ..

روابي انحرجت وحمرت خدودها ..

متعب انبسط انها انحرجت قال بهدوء: اظن في رجال هنا تذبح الخروف يله ادخلي الله يستر عليه ..

وشمر ثوبه ..يعني مافي نقاش ..

روابي : وين خويك هذا راح للخيام واضح عليه يخاف من الدم جد عيال هاليومين مامنها فايده ..

متعب : هع هع هع هع رهيييييبه

مسكت روابي الخاروف ومتعب ذبحه عجبه الشكل حس ان روابي مراءه سنعه وينشد فيها الظهر هذي اللي يدورها من زمان وتناسبه ..

روابي استحت كثير وناظرت الخلا بعيد عن متعب : استح على وجهك لا تناظرني تسذا ..

متعب انتبه على نفسه (( دامها قالت تسذا يعني مستحيه هع هع هع ياحليك يا روبتي وزباديي ))

نظفوا الخروف سوا ومتعب مارفع عيونه عنها يحس ان فيها شي مميز ..روابي قلبها يدق بسرعه حاسه بنظراته لكن تطنش ..
اول مره بحياتها كلها حد يناظرها كذا وبالذات رجال غريب ..



**********************
عشاق من احفاد الشيطان ... روايه رومنسيه حزينه .. ... وخياليه
**************************



دخلوا ندى ونجودوبو هواجس لشقه الواسعه .. وكل وحده مبتسمه .. احساس غريب منعش انهم مو بالسعوديه ومسافرين

ناظروا بالشقه ..العصريه باثاثها ..



ندى : اكييييد حنا ... ب "الزمالك "..

نجود تخصرت : وليه ان شاء الله ..؟ من قالك ..؟

ندى بذكاء زايد : لان الشقه كشخه ومرتبه وطول وقتهم بالمسلسلا ت يمدحوا بالزمالك ..

نجود: لا احب اصحح معلومتك حنا بفيوم ..؟

ندى : لااا مانقص الا تقولي شرم لشيخ .. ياشاطره حنا بالقاااااااهره ..

نجود: بس هذا اللي حافظته القاهره ...

بو هواجس راسه صدع وصرخ فيهم : خلاااااااص اسكتوا ...

سكتوا شوي بعدها قالت نجودبحماس : تعالي نشوف باقي الشقه ..


مشوا لداخل وشهقوا : وااااو ..

بو هواجس بيده ورقه: هذا المطبخ والصالون .. واللي قبل شوي غرفه الضيوف ..




ندى رمت حجابها على الطاوله وقالت وهي تفتح الادراج : وناااااااااسه ..؟ الله يخليك ياهواجس ..

نجودبدون نفس : هواجس و علي اخوووي ..

ندى : وعلي اخوك درينا .. يله الغرف ..

نجود: هم غرفتين واسمحي لي خالك ينام بالصاله ..

بو هواجس احتقر نجود: انتي يالبزر بنتي دافعه علشان انام بمكان عدل ..

نجودرفعت كتوفها /: انا لي غرفه وندى لها غرفه تصرف انت وبنت اختك ..؟

ندى حست بالكائبه فجاءه وتانيب الضمير اللي ماتركها من طلعت من البيت .. قلبها انقبض ... لكن قالت مبتسمه : ماعليه خالي بعد قلبي نام بالصالون على مايجوا البنتين اللي بالشقه المقابله هم ورجالهم وتروح معهم ..

بو هواجس : لااا انا برجع بعد شهر .. يعني ابغى غرفه لي ..

ندى تاففت : ماينف هذي نذله

نجودبتكبر مصطنع : لوووو سمحتي احترمي نفسك واذا بتحاكيني انا نجودمو هذي ..

ندى : اقول ضفي وجهك لغرفتك ..

وتهاوشوا لحد ماستسلم بو هواجس وقرر ينام بغرفه الضيوف لان الصالون ممعه المطبخ يعني ازعاج ..

دخلت ندى لغرفو اللي اختارتها .. وقلبها يدق بسرعه من الخوف ماتدري ايش اللي قدرت تحكي فيه هواجس مع امها وابوها وكيف بيتصرفوا مع خديجه ...



سريرين وش تعمل فيهم .. يله مصير البنتين الي دفعوا معهم بالشقه يجوا ويزاحموهم .. هي ماتبغى الا مع نجود.. ماتدري وش قصة البنتين الثانين بس اللي حكوه انهم خليجين ..

تمددت على السير بتنام نزلت دموعها بسرعه وبدون مقدمات وبكت .. حست انها مخنوقه ومتضايقه ..

اهلها زعلانين عليها ومتضايقين وهي كذا .. تسولف وتضحك وماخذه راحتهم لا وتركتهم ...بطريقه شينه ...

بكت تحس بالندم لكن مافي مجال لتراجع ..

* وبنتدمي كثير ياندى المشوار طويل قدامك ..؟




**********************
عشاق من احفاد الشيطان ... روايه رومنسيه حزينه .. ... وخياليه
**************************





رياض دخل للمحلق وهو كاشخ بيطلع لشركه .. لكن دقت امه عليه تطمن على حبيبة قلبها وعود .. يموت ويعرف وش سر الحب القديم لهذي المغروره وعود ..

دخل للغرفه وكانت ثاني مره يدخلها ...
الاولى كانت لما شرف على التشطيبات ..

وقف عند السرير مد ايده قبل لايصحيها او يحكي شاف سماعه التلفون على اذنها وهي غرقانه بالنوم .. وشعرها الذباح حوالي وجهها ..
استغرب من السماعه نامت والسماعه باذنها رفعها لاذنه شاف الخط مشغول ..

رجع السماعه بلامبالاه مايهمه من تحاكي او سهت عيونها معه ..
قال بصوته الخشن وهو متوعدها : حنااان حناان ..حنااان

وعود سمعت صوته ينادي حنان من حنان يمكن خدامه هنا ..
فتحت عيونها شافته قبالها مكشر ومرسم .. بهمس : رياض

رياض بدون نفس وهو يناظرها تعدل من جلستها : ايوه ريااض .. يله حنان قومي اذن الظهر وانتي نايمه ..؟

وعود صحت من النوم .. وناظرت بالغرفه لثواني متنحه




رياض مشى لعند المدخل ونادى على الخدامه تجهز الحمام لوعود ..

..(( من حنان ..؟ هذا من جده مايعرف اسمي والا يستهبل .. وجهه مايوضح انه لستهبال ))
وعود حست بالعبره تخنقها وقلبها يتقطع .. جرحها حتى اسمه مو عارفه ..
لملمت شعرها عن وجهها وظهرها

رياض لف عليها وهو مستعجل بيطلع كان يخفي ابتسامه وهو يشوفها مكشره من بعد ماقال لها حنان .. : قبل لانسى امي تقولك دقي عليها .. وماله داعي تحكي لها عن كات..

وعود بهدوء : مين كات ..؟ - باستهزاء – اهااا استاز رياز ..

رياض ناظرها باحتقار : تستهبلين انتي

وعود نزلت من السرير تاخذ الشبشب من الارض : ليه مره الميانه بيننا علشان استهبل ..

رياض ناظرها تمشي وشعرها يتحرك معها : انتي ماتعرفي تردي مثل الناس انسي ايام الفقر واسلوبها ودعي اي شي من حركات عيال الفراشين ..

وعود انقهرت منه لكن ماردت دخلت للحمام يقهر مصدق حاله ..ومطنش ..

وبعد ماطلعت ماشافته موجود : يورم وين بابا رياض ..؟

يورم وهي تنظف السرير : مسيو رياد في روه .. برى بيت مس كات .. ويقول انت في جهز هو عندك الليله ..

وعود استغربت .. (( يعني لي ليله وامس هوجد الهبله المضيعه تقول اكيد مايبغاني .. ))

بدلت وعود وطلعت لبره الحديقه تستمع بالعز من زمان نفسها تكون بحديقه تجلس فيها .. وانتبهت ان فيه ورى اصطبل خيول ماحبت تروح لان اكيد فيه رجال ورى ..

جلست تتمشى وتغير جو .. سمعت ازعاج وصوت ناس من نافذه بقصر كات ..
حست بالفضول مشت لتحت النافذه وقلبها يدق بسرعه لو حد شافها ..هذا اول يوم وتتجسس اجل باقي الايام وش بتعمل بتدخل عليهم بالرشاشات ..

رياض بهدوء ونعومه عكس صوته معها : بس ياحبيبتي كات انا من حقي يكون لي عيال يحملوا اسمي .. ومراح يضمن لي جدي الشركه الا بولد على اسمه ...

كاترين : آآي بعرف حبيبي بس انا مابدي بيرديك رشاتي وجسمي هيدي م

قاطعها رياض بشويه عصبيه ..: لااا ياكاترين ماهي بحاله انا ابغى عيال ومن حقي .. امي مصره اجيب من هذي بنت الفقر ..؟

وعود غضت شفايفها بالم ..والدموع تجمعت بعيونها .. مو بس يجرحها .. حتى يشمت كاترين فيها ..

كمل حكيه وتجريح لها : وانا مابغى الا منك ..؟ - باشمئزاز – تصوري ان عيالي همج ومايفهموا مثل هذي ..؟

كاترين جلست ببرود : اي تحمول .. انا ماخصني .. ولاد مابدي ..
(( تحمل انا.. وش دخلني .. وعيال مابغى ))

رياض ناظرها معصب .. لكن هي تداركت الموضوع و قال بدلع : رياز انت بترداها لالي بجيب ولاد بهيدي السن .. انا ب 24 بحمول .. والله مابادر صعبى علي كتير .. بدي اتهنى بشابابي ..
(( رياض انت ترضاها لي اجيب عيال بهذا السن .. انا بال24 اصير حامل .. والله ماقدر صعب علي كثير .. ابغى اتهنى بشبابي ..))

رياض طلع وتركها معصب ..
دخل سيارته يسب ويلعن .. تاخر على الشركه والسبب كاترين .. دخل يتطمن على كاترين قبل لايطلع لانها مزكومه .. كان يضنها حامل ونبسط لكن معها رشح بسيط ..

وعود كانت حاطه ايدها على قلبها من القهر جد ان رياض ولاشي نافخ نفسه على الفاضي وحده مثل كاترين تحركه ..
رجعت لملحقها بجيبة امل .. كانت متامله ان حضها يكون احسن لكن الظاهر ان حضها هذي المره اشين من الاولى ..

دقت على ام رياض وهي تنتظرها فكرت بضيقه ..
(( وش الفائده اهل زوج يحبوها وزوج يكرها ويناظرها بتعالي .. مالها حظ ابدا يعقوب كان يموت فيها لكن اهله يكروهها و عذبوها جد .. ))

جاءها صوت ام رياض الواثق : ياهلا ومرحبا بالعروس

ابتسمت وعود ببرود : هلا فيك يمه وش اخبارك ..كيفك .. ؟!

ام رياض قلبها دق لكلمه يمه تحب وعود كثير : كويسه وانتي كيفك وكيف رياض معك عساك مرتاحه والا زعلك ها ..؟



سامي ناظر لجوال .. (( اصايل )) تافف وقرر يرد عليها من كم يوم غاثته تدق
وهو عاهد نفسه مايخون وليد صحبه بعد ماوقفه اللي ماينساه له طول حياته ..

بصوت مبحوح : الو ..

اصايل قلبها دق بسرعه اشتاقت له وحست بالحزن اللي بصوته : سامي .. عظم الله اجرك ..؟

سامي بجديه : اصايل اسمعيني يابنت الناس ... انتي محترمه ومربيه ومالك بهالسوالف ..
واخوك رجال و النعم فيه .. اخو وعزيز وغالي ..انا كنت اللعب عليك .. وماحبك و تهميني اصلا ..

اصايل شهقت : ايش ..؟

سامي كمل بنفس القسوه مثلي مانتي سامعه ومافي واحد يحي مع وحده الا يبغى منها شي .. وانا كنت ناوي اقابلك واضيعك فاهمتني

اصايل تبكي : ........

سامي : انا لا حبيتك ولا راح احبك او حتى اناظرك .. انتي رخيصه بعتي ثقة وليد وامك وابوك فيك ..
انا مستتتتحيل افكر اثق فيك ..او حتى اتزوجك ...
الرجال اذا فكر يتزوج اول من يخطر بباله وحده نظيفه .. ماعرفت حد قبله .. علشان يضمن ان عياله وسمعته وشرف بيد امينه ..


سكت بنتظر ردها عوره قلبه على بكيها .. لكن لازم يجرحها ويقسى عليها علشان تفهم وتعرف ..
عالم المكالمات والشباب كيف قذر ..ونهايته ماساه وعار ..
: اصايل انا فقدت اختي نجلاء وحسيت بحرقه القلب على الاخت . ..
لاتنزل راس وليد بالارض ولا تحرقي قلبه عليك ..
وان شاء الله بتحصلي اللي احسن مني واللي جاد وبيتزوجك ..
الله يوفقك ويستر عليك ..

سكر بدون مايسمع رد ها .. اول مره ينهي علاقته مع بنت وهو مرتاح ..
حس براحه عجيبه ونفسه يضحك انبسط كثير .. وريح ضميره ..
لكن مراح يرتاح الا لما يبعد اصايل عن هالطريق القذر اللي هو دخلها فيه وهو السبب ..

دخل سلطان للبيت وشاف سامي بالحديقه متمدد وسرحان ..
حزن على حال عيال اخته واخته المرميه عندهم ماتحس بشي .. صحيح كانت مغروره ومتكبره على اهلها ..
لكن حالها هاللحين يبكي العيون ..
: ساااام السلام عليكم ..

لف عليه سامي وهو سرحان : حكيتني ..؟

سلطان : لا الجوال ايوه انت .. وين سرحان فيه

سامي تنهد : شموخ ..؟

سلطان ارتبك من طاريها .. هو ماكان يشوفها كثير ولا جاء لبيتهم ..لان الجده قالت له مايحكي معها وحكت له كل القصه .. من صغرهم علشان كذا مايحب يشوفها مو حلال عليه ..
الا بايام العزاء دخل وكانت فيه ماتصورها كبرت كذا وزادت حلى
: وش فيها بينك ..؟

سامي : بالمستشفى .. مقهور عليها يقولوا لازم تضل عندهم وعند دكتور الاعصاب ..

سلطان بواقعيه : طبيعي اللي شافته مو قليل ..

سامي بضيقه : المشكله حالتها ماثره على

سكت يفكر بداخله ..
(( ريان .. حالته ماتسر ومتوتر من عرف واحسه مستحيل يرضى او يسكت ))

سلطان : ايوه امي تقول كانها مجنونه مات

سامي قاطعه بعصبيه : شموخ ماهي بمجنونه ..

سلطان بسرعه : ايوه فاهم بس هذا حكي اللكل عنها ..


**********************
عشاق من احفاد الشيطان ... روايه رومنسيه حزينه .. ... وخياليه
**************************




ام نواف ضربت صدرها من المصيبه : هربت ..؟

هواجس وجهها متغير لالوان : لا ماهربت – بلعت ريقها من الخوف – هي سافرت مع ابوي تكمل دراستها ..؟

بو نواف ماسك الورقه بقله حيله وجالس على الارض رجلينه مو شايلته : متاكده مع ابو يعني لو ادق عليه اسمع صوته ..؟

هواجس : ايوه والله معه انا ماتركتها بالمطار الا معه .. والله ياعمي

بو نواف بعتب وصوت مبحوح : ليه ياهواجس تركتيه تروح ..؟ ليه توصليها بنفسك ..؟ انتي عارفه ان ابوك مايدري وين الله حاطه ..؟

هواجس ارتبكت ونزلت راسها للارض حست انها خجلانه من عمها زوج عمتها مالها وجه ترد عليه .ز وحجتها سخيفه ..
قالت بصوت ضعيف : مابغاها تعيش مثلي .. مابغاها تكون رخصه .. عمي انت عارف ان خديجه ماترحم وولدها ماعنده شخصيه قدام امه ..

ام حمد الجده كانت تتبسم : والله بنتي تربيتي عفيه عليك يانديه .. – قالت بصوت عالي لبو نواف وام نواف – تستاهلون ياعديمين الشخصيه .. كنتم بتتعشوا فيها تغدت فيكم هههه ..

ام نواف بحسره : حسبي عليك ياسعيدان حسبي الله عليك حطيت الفكره براس البنت وجرجرتها معك ..

بو نواف وقف : انا اعرف ارجعها ..

هواجس : لا ياعمي فات الوقت دقت علي وطمنتني انها وصلوا واخذوا شقه لهم .. لاتخاف انا ماجرتها بمكان سنع ومحترم ..


ام نواف شدت على كتف هواجس وقالت وهي تبكي : مالي قلب يدعي عليك ياهواجس والا كان دعيت عليك .. من اليوم مابغى اشوفك ببيتي

هواجس فتحت عيونها للاخير عمتها تطردها من بيتها عمتها اللي بغت امها وبيتها مفتوح لها طول عمرها ..

بو نواف هز راسه يايد زوجته بحكيها : لكن اخبار ندى نبغى نسمعها وقولي لي هاللحين وين ساكنه وباي حي ..؟

ام حمد : ياقليلين الخاتمه تطردوا هواجس ها .. وهي اللي ساعدتك يا حمد لما حتجت لفلوس .. ولبست بناتك ورزت نواف بمدرسه سنعه .. ماقصرت عنك وعيونها بتعطيكم اياها . .. ماشافت عمرها اول ماوصلتها الفلوس وذكرتكم .. حتى لبيتها ترجتكم تسكنوا معها وانتم رفضتوا وهذا انتم مو اهلها لا امها ولا ابوها باليا

قاطعتها هواجس وهي ماسكه دموعها : لا يمه لاتعبي نفسك معهم حق .. ابشروا اخبار ندى عندكم اول باول ..

تركتهم وطلعت ..

ام نواف بكت من قلب خايفه على ندى ومقهوره عليها ..ندمت انها فكرت تغصبهاعلى عبدالعزيز .. عارفه ندى عنيده لكن مو كذا .. تتركهم وتهرب مع خالها

بو نواف تمنى ندى قباله علشان يقطعها قطع صغيره ويربطها يذبحها من الضرب .. لكن ندى هربت اللي مطمنه ان خالها معها يعني بتخافه وبيتصرف معها ..
مهما كان سعيدان عصبي ويفهم ..
حس بالحسره بقلبه ان بنته تهرب منه وتدور الامان بعيد عنه .. ندى اكشن البيت هربت منه ..؟ : والله لو ترجع لاذبحها بمكانها ..

هواجس ارجعت للبيت وهي حاسه بتانيب الضمير ... على اللي عملته .. ندمت انها سايرت ندى بهبالها ..



**********************
عشاق من احفاد الشيطان ... روايه رومنسيه حزينه .. ... وخياليه
**************************




بعد مانطبخ الغداء وخلصوا من اكله وريحوا.. وتقهوا ..
وسوالف البر ولمت البنات والضحك .. كانت روابي مبسوطه مع البنات لانهم استهبلوا معها وتعلموا بالطبخ ..

بعد ماتروشوا وصلوا المغرب جاء متعب وياسر لخيمه الحريم ..
: السلام عليكم ..

الحريم بعد ماتغطوا الا روابي : وعليكم السلام ..

ياسر مبتسم : دانوه ..ساره بنت عمي ماودكم تسوقوا السياره

احلام : اكيد ..

دانه : قال دانه وساره ..

ساره توها صاحيه من النوم وحصلت شي يسليها ..

متعب : لا يابنت عمي ياسر بياخذ اخته وبنت عمه وانا بما ان خواتي مو هناباخذ معي بنات عمي ..

روابي وقفت : من هاللحين اذا بسوق انا بطلع معكم اما اذا متيعب بيسوق بجلس

متعب عطاها نظره جمدتها بمكانها : متيعب هذا بحوش بيتكم .. يله انتي اللي بتسوقي .. اقول عمتي خديجه ماودك تركبي معنا

خديجه : لاااا تركت هالخرابيط من زمان ههههههههه

متعب :: هع هع هع عقبال بنتك هع هع هع يله

روابي انحرجت منه حتى لو بزر مفروض ماتقول عنه متيعب ..اابتسمت ومشت معهم بدون عبايه واحلام بجلال ..

بعد ماشاف متعب ابتسامتها نوى اول مايرجع يحكي لامه تخطبها له وشموخ الله يوفقها باللي احسن منه

ركبوا بالسياره
روابي تسوق ومتعب بالكرسي اللي بجنبها واحلام ورى ..
كانت تناظر متعب مبسوطه مره .. وقلبها يدق له بسرعه ..
اما روابي معقده حواجبها تركز بالسواقه كانت فنانه فيها متعوده على طلعات البر مع ابوها ..

متعب : هااا والله فنانه ..

روابي : هههه شايف ..

متعب: لا والله مو سهله ههههه

احلام بدلع : متعب انت تعرف تسوق صح ..؟

روابي: جد ماعندتس ماعند جدتي .. هذا سؤال اكيد يعرف يسوق ..

احلام : انتي يالعانس مالك دخل ..

روابي انقهرت منها طوال الوت عانس وتجريح فيها . : اقول اسكتي لاتوطى بتس ..

متعب : ياجماعه حصل خير .. كل واحد يصفط سيارته

ناظروه الثنتين اي سياره يحكي عنها .. كانوا معصبين ثنتينهم ..ضيع الموضوع مايعرف وش ممكن يعملوا فيه من نظرتهم هذي : اقول روابي انتبهي لطريق ..وش حابين تسمعوا ..

احلام : امم خالد عبدالرحمن ..

متعب لف عليها مبتسم : خالد عبدالرحمن حتى انتي انا بعد يعجبني ..

احلام انبسطت وقلبها يدق بقوه متعب يسولف معها لا وبعد يحب المغني اللي تحبه ..: ايوه واموت على اغنيته – قالت بخجل – حبيبي اسف ازعجتك حلو صوتك قبل لاتنام ..

روابي عصبت من جد وحس بنار بقلبها .. غارت على متعب من احلام الغبيه اكيد بيحب احلاموه دامها راميه نفسها عليه كذا .. وهو قال لها ان مافي بنت تحس فيه وهذا احلاموه البزر ..تهتم فيه ..
حست بشي يعور قلبها وهي تسمع ضحكت متعب لاحلام : هع هع هع هع اكيد بو نوره تحبيه بعد ..؟

احلام بدلع مايلبق عليها : لاااا اكرهه صوته مايعجبني ..

روابي بغيره وصوت متسلط .. : لا انت معها كملوا مصاخه ولا كاني موجودها فيذا .. بعذرهم رسلوني معكم يالمراهقين .. ماتنفعوا لوحدكم

متعب : شدعوه شدعوه شركه الالبان معصبه علينا .. ولووو حنا نقدر نتعدى حدودنا وانتي فيذا ..

روابي: تتمصخر ها لااا لا تتمضخر ..

وقفت السياره نزلت ..: تعالي يالهبله سوقي وانقلعوا من وجهههههههههههي

متعب ناظر باحلام مستغرب ..احلام متعوده على عصبية روابي : كيفك بتجلسي هنا بهالبر لوحدك اجلسي ترى ماهميتينا ..؟

متعب نزل من السياره : وش مهمتنا . لا هذي روابي ... محد يزعلها ..

راح لعند روابي : شدعوه روابي تزعلي مننا ..

روابي كانت مولعه من العصبيه .. :لا مابغى خلااص انت معها روحوا .. كملوا سواليفم عن بو نوره وخالد عبدالرحمن ..

متعب : والله مانتحرك من هنا الا وانتي معنا.. انتي روابي مو اي احد ..

روابي ناظرته مرتبكه ماقد حد قالها هالحكي ركبت بسرعه لسياره ..ابتسم متعب (( ياحليلها بسرعه تعصب وبسرعه تهدى ))

رجع لسياره وكل ماحكت احلام مع متعب قاطعتها روابي بعصبيه وغيره واضحه .. اما متعب كان مكيف وجالس يوزع ابتسامات .. واضح على روابي الغيره ..

احلام : الحمدلله والشكر من اسلوبك هذا بتضلي عانس طول عمرك ..

روابي ضغطت على اسنانها وعلى الركسون بيدها ..حتى بيضت اصابعها كانت مقهوره من جد .. ونفسها تكسر راس احلام ومتعب اللي بجنبها ..

متعب شاف ايدها وكيف تحاول تمسك اعصابها ..عصب من احلام طول وقتها تجرح في روابي ..
هو صحيح ماتوقعها تنجرح من حكيه .. لكن الظاهر انها جد تحس ..

متعب يغير الموضوع : شركه الالبان يله ورينا شطارتك واسبقيهم ..

روابي اخذت نفس طويل وقالت بهدوء : انا مليت برجع للخيام وانت مع الزباله اللي ورى اسبقوا اللي تبغون ..

احلام: مالزباله الا انتي يالغبيه العانس ال

متعب لف عليها على احلام معصب و صرخ : اسكتي .. احترمي نفسك شوي احلام من اول مادخلتي لسياره وانتي تغلطي

احلام انصدمت من صرخته .. حتى روابي ماتوقعته بيصرخ معصب على احلام ..ماشافته معصب كذا من قبل ..
هو ماكان معصب كثير لكن مو من طبعه يصرخ على بنت ..

احلام غطت وجهها بيدها وبكت .. انصدمت ان اللي تحبه يصرخ عليها علشان عانس .. المراهقين تفكيرهم ياخذهم لبعيد ..

متعب توهق هذي تبكي من بنات بو الدمعه.. مثل سجى اخته مشكله والله ..

روابي بسرعه وقفت السياره عند الخيام ونزلت احلام منها تركض وتبكي .. ولما جئت روابي بتنزل قال لها متعب بهدوء وارتباك ..كان مترد يحكي او لا..
: لاتضايقي نفسك ياروابي .. ماعاشت من تعصبك ..واوعدك محد يضايقك هنا ..

روابي ناظرته متنحه .. وقلبها يدق بسرعه .. ليه متعب يعاملها كذا ..ماردت عليه ونزلت

متعب ابتسم وهو يحرك السياره لعبيد (( فدييييييتك بو الهش بديت تعرف تحكي هع هع هع هع ))



**********************
عشاق من احفاد الشيطان ... روايه رومنسيه ... خياليه
**************************




نور تصرخ باعلى صوتها : مااااااابغاه .. مابغاه ...

ام هواجس بقهر : حسبي الله عليك ياسعيدان ..

هواجس ساكته بدون تعليق ابوها نذل لكن ماتوقعته كذا عاقد على نور بدون ماتدري.. والحقير بو ماهر يدري لكن ساكت ... ماحكى قال بس ان يزيد خطبها ..

ام هواجس : يمه نور لاتقهري نفسك ..

نور تبكي من قلب احلامها كلها ضاعت مع راكان وكان عندها امل كل شي يتصلح .. لكن هاللحين بعد مازوجها ابوها وقبض الثمن بدون ماتدري ضاع كل شي ..

قالت بصوت مبحوح : ليه .. ليه ابوي كذا ..؟ ليه يكرهنا حنا وش اللي عملنا له ضيعنا وباعنا برخيص ..


يزيد كان بالصاله وسمع كل الحكي .. وقف لعند بابهم و

الفصل الثالث والعشرين
الجزء الثاني





هواجس ساكته بدون تعليق ابوها نذل..
لكن ماتوقعته كذا متملك بنور على يزيد ... من غير ماتدري..
والحقير بو ماهر يدري لكن ساكت ... ماحكى قال بس ان يزيد خطبها ..

ام هواجس : يمه نور لاتقهري نفسك ..

نور تبكي من قلب احلامها كلها ضاعت مع راكان وكان عندها امل كل شي يتصلح .. لكن هاللحين بعد مازوجها ابوها وقبض الثمن بدون ماتدري ضاع كل شي ..


يزيد كان طالع الدرج رايق اللي يبغاه وصار .. نور اللي شافها صدفه بالمطبخ وحس انها هذي البنت المحترمه اللي يدور عليها ...
وخلاص ملك عليها .. وضمن انها له ..وكان مفتخر بنفسه ويضن انها بعد ماشافته بالمطبخ وافقة عليه .. اكيد في حد بوسامته ينرفض ..

مر من عند غرفتها وسمع كل حكيهم وبالذات الاخير منه .. وصوتها المتضايق ..

قالت بصوت مبحوح : ليه .. ليه ابوي كذا ..؟ ليه يكرهنا حنا وش اللي عملنا له...
ضيعنا وباعنا برخيص..

يزيد حس انها مو موافقه ومن حكيهم انها مغصوبه عليه او تملكت بدون ماتدري ..؟

ام هواجس : خلاااص يانور الل حص حصل .. لاتضايقي نفسك ومابيدنا شي ..

نور بقسوه قالت لامها وهي تبكي : انت السبب بكل هذا ..انتي السلبيه ضعيفه الشخصيه هو ماتجرء يعمل اللي يبغاه برضاك او بدونك الا منك ..
ليه تسكتي له ..؟ ليه ماتصرخي بوجهه ها ..

هواجس بصوت واثق : نور اسكتي واستحي على وجهك ..

نور بطفش : اووه هواجس لاتعمليلي فيها العاقل المتزنه ..انتي اكثر وحده دفعت ثمن سلبيت امي ...
من صغرنا وامي سلبيه وساكته وانتي اللي تاخذي شويه من حقنا من الزفت ابوي وبالاخير يضربك وهي واقفه تتفرج ..تخاف تنظرب معك.. مع انك اذا ظربها رحتي تساعديها ..
حتى هاللحين انتي تدفعي ثمن سلبيتها .. زوجك لشايب الغبي واخذ ثمنك وانتي الضحيه ..

ام هواجس كانت تسمع نور ..وتسمع الواقع والحقيقه اللي تهرب منها ..
نور كانت تطعن فيها وتنزف جراح قديمه فيها بدون ماتدري ..
هي عارفه ان نور بلحضه غضب نادر تحصل معها ..لكن منهاره من تصرفات ابوها ..

هواجس : اقسم بالله يانوير اذا مانطميتي لاكون متصرفه معك ...

نور بتريقه : يااامي ارعبتيني ..هواجس لاتنكري انك تبكي كل ليله وتتحسري على حالك ..
لاتظني انك ساكته ماحنا بحاسين بالحزن اللي بعيونك .. والا لاننا مطنشين تظني مانحس ..
اانا مستحيل ارضى باللي رضيتي فيه لو على جثتي ..

هواجس لامس حكي نور وتر حساس كانت تداريه وتبعده عن اللكل لكن الظاهر فاشله توزي الحزن عنهم :
مابيدك شي يانور هو زوجك هاللحين خلاص ..

نور باستنكار وعيونها بتطلع من مكانها من الصدمه والقهر : كيف يزوجني لهذا المستهتر .. ويسافر ها ..؟
وراكان ... كيف نسى قلبي المتعلق فيه ..
هواجس انتي ترضينها لي ا

قاطعتها هواجس : احمدي ربك اللي زوجك اياه شباب والحياه قدامه ..

نور من قلب مقهور : الله يلعن الفقر والحاجه ...
الله يلعن المشروب اللي ضيع ابوي وتركه بدون عقل ..

يزيد اللي سمعه يكفيه وزياده .. كسرت خاطره نور .. وحس ان نفسه يطمنها ويوعدها بحياه احسن من الحرمان اللي هي عائيشه فيه ..
قرر بينه وبين نفسه يعوضها عن كل شي .. ويعلمها انه مو مستهتر مثل ماتظن ..
هو نفسه يبدى حياه جديده معها واكيد بتساعده ..

رجع لبرى القصر .. لشركه علشان مايتاخر على الاجتماع ..

....... & ......

نور وهي تدخل لغرفتها.. قالت بتعب لان مابيدهم شي : خلاااص اتركوني لوحدي هاللحين مابغى اجلس مع حد .. ولاتخافوا بجهز نفسي يوم الخميس ..

سكرت الباب ورمت نفسها على السرير تبكي ..

هواجس هموم الدنيا كلها على راسها وبالذات ان اللي حصل ذكرها بنفسها وحالها ..
حطت ايدها على كتف امها اللي تبكي مو من زواج نور ..
لااا من الحكي القاسي اللي حكته نور ..
: يمه لاتضايقي نفسك ولاتزعلي منها ..
تعرفي نوير كانها ندووش اذا نقهرت تقول حكي ماتقصده ..

ام هواجس بصوت هادي : لااا مازعلت ولايهمك مني يمه وروحي صحي زوجك للعمل ولا نسيتي ان عنده اجتماع ..

هواجس ابتسمت لامها : لا مانسيت هذا انا طالعه اصحيه ..

طلعت هواجس من الغرفه وهي متوعده بو ماهر واول شي بتعمله بتتركه نايم لحد مايطير عليه الاجتماع اللي بعد نص ساعه ..
لعانه فيها كذا بتتركه ..

دخلت للغرفه وناظرت بوجهه نفسها تخنقه ...تعوذت من الشيطان ..ولفت بتطلع الا جوال سعود يدق .. رفعته بسرعه وردت وهي تركض لبرى الغرفه علشان مايحس فيها : الوووو

يزيد بدون نفس : وين عمي ..؟

هواجس كشت على السماعه (( مالت عليك وعلى وجهك )): عمك نايم خير بغيت منه شي ..

يزيد مستغرب: نايم والاجتماع بيبدى ..؟

هواجس بدون نفس : هو قالي لاتصحيني ولا اني برايح لمكان .. اغصبه يعني ..

يزيد نفسه يطلع لها من السماعه ويضربها ضرب : صحيه وقولي له الاجتماع ضروري ..

هواجس مقهوره منه وعلى حركته يملك بنور من دون ماتدري : والله ماني بعبده عندك ... علشان اصحيه مثل ماتامر حظرتك ..ويله فارق لامنك ولامن عمك ..

سكرت بوجهه السماعه وهي مرتاحه تادبه على الاقل ...

يزيد عصب منها وحقد عليها : مردوده يابنت الكلب .. ناسيه انا اختك بين ايدي ..لكن نور مالها داخل انتي انتي اللي بكسر خشتك يالحقيره ..

**************************



وعود حاطه ايدها على خدها وتحكي مع الشغاله : هو اكيد قالك بيجي عندي ..؟

يورم: يس مدام ... هو في قول ..قول هذا واود في يجي ليل..

وعود بصوت واطي : دامه قال كذا ليه دخل عند ام ريحه .. جد حمار مفهومه حركته ... انا اللي مره بموت عليه مالت عليه وعلى وجهه ..

يورم : يبي شي مدام ..

وعود: لااا روحي نامي ..

قامت ودخلت غرفتها وتمددت بتنام .. وهي تتوعد رياض (( مردوده يالنذل ))


**********************
عشاق من احفاد الشيطان ... روايه رومنسيه ... خياليه
**************************



وصلت الطياره للمطار ..

تنفس فهد هواء السعوديه والرياض ..

شتاء بارد للمتعودين على حر السعوديه اما اللي ماذاق حرها مثل فهد عادي عنده ..

لابس بنطلون جنز وتيشرت ابيض مفتوح الصدر والعقد طبعا ..

اخذ شنطته المتوسطه وحطها بالعربه بهدوء ناظر المطار من حوله كثير لابسين ثياب وكاشخين وهو عقدته الثوب والشماغ مايعرف لهم .. ومايهتم لان نزلاته لسعوديه نادره لكن يزيد حلف يحضر علشان .. يشهد لملكته ..

عيونه على العربه خايف على الفستان ثلاث ايام تكسرت ايده وظهره ورقبته وهو يخيطه ويفصله ومافي ايد لمسته غيره ..

وصل للمشغل فرعه اللي بالسعوديه .. ناظر فيه اغلب اللي يشتغلون سعوديين ..من جده يشرف عليه من بعيد لبعيد ..

دخل وهو يدور على غطاء ومخده وينام ..

سلم على الشباب وتطمن على الشغل وعلى الفرع النسائي منه ..واخذ سياره للفندق ..بعد مارسل ليزيد انه وصل وبيقابله على الغداء ...



**********************
عشاق من احفاد الشيطان ... روايه رومنسيه ... خياليه
**************************




.. الساعه 7 الصباح من اليوم الثاني ..

.. بام الدنيا مصر ..

ندى تناظر الناس بالجامعه فاهيه ... ماقد شافت مثل هالمجتمع غيييير عن جامعات المملكه ..

هنا بنات وشباب يجلسوا سوا.. وسواليف وضحك ..مجتمع مختلط

شافت مثله بالتلفزيون مليون مره .. لكن بالطبيعه غير... وبالذات ان فيه خليجيات ومتبرقعات مثلها كثير ..

وفيه فسقانات وخالعات جد كثييير.. بنات وشباب ولاكانهم بجامعه كانهم بمرقص على الوقفه سوا والنظرات الماصخه ..

نجودوعيونها على اللكل : ندوووش

ندى : هااا

نجود: شنو هذا ..؟ حنا وين بهالزحمه ...

ندى: مادري .. تعالي نروح للمدرجات نشوف شالقصه ..

نجودفتحت فمها : المدرجات كثيره وزحمه وين نعرف ..؟

ندى عوجت فمها : وحنا ماخترنا الا مصر هم سبعين الف مليون نسمه زدناهم نسمتين

نجود تمشي وهي تجر ندى : قصدك ثلاث نسمات وخالك اللي ماشفناه من امس الليل ...

ندى: مادري من وين له هالفلوس مستحيل هواجس تعطيه كثير وهي عارفته ..

طبعا مهر نور أخذه كله ابوها علشان سفرته لمصر ..

دخلوا للكلاس اللي هم فيه وكان مزحوووم وحار ..ومليان والشباب على البنات مخلوطين ...

ندى: ياويلي معه حق ابوي مارضالي بهالسفره ..

نجود: تعالي بس تعالي وانا ادبرها .. اذا وقفنا كذا مادرسنا ..

مشوالعند مكان فيه شباب قليل وبنتين خليجيات وبجنبهم واحد مصري .. اظطروا يجلسوا بجنبه ونجودجلست لان ندى حلفت وتوعدت ماتجلس ..

بعد فتره بالمحاظره ندى طفشت وابتسمت تحت البرقع : نجووووده قلبي انتي

نجود احتقرتها : خير ...

ندى : هههه وش رايك نستهبل على هالمصري اللي بجنبك ونتمصلح معه

نجود: والله وليه ماتتمصلحي مع بنات

ندى: يؤه البنات مملين هذا مصري ونلعب عليه

نجود تحمست للفكره : حلووو بس من بيحاكيه احلمي انا

ندى : لا انا ... وانا بنت حمد .. ابعدي كذا احاكيه ..

لما بعدت نجودوهي تاركه مسافه شخص بينها وبين المصري..
ناظرت بالمصري لحد مانتبه فيها واول ماناظرها .. بعدت عيونها ..
ناظرت مستغرب ورجع ناظر قدام .. لكن حس بنظرات ندى اللي رجعت تناظره مستهبله ..
لف ناظرها بعدت عيونها ...

وعلى هالحال لحد ماقربت المحاظره الاولى تنتهي ...

بعدها قالت ندى بصوتها العادي : لوسمحت ياباشا ..

المصري لف عليها مستغرب اول مره يحاكي متبرعات : هو انتي بتتكلمي معايه انا ..

ندى بالمصري : ايووه .. امال احاكي مين ..- بالسعودي – هذي احاكي مين حقتنا ههههه

نجودضربتها بخفيف : اتعدلي يابت

ندى شهقت: اآآآآآآآآآآيه بت بت لما تبتك .. انا آنسه ..

نجود بصوت واطي : خلصينا الولد يناظرك

ندى رجعت تناظر المصري : ايوه لو سمحت يااا .. اسمك بالخير ..

نجود: هههههههههه

ندى : وجعه انطمي

المصري ابتسم : انا محمود وانتي ..

ندى بدون نفس : لاااا وتسال عن اسمي ياقليل الادب

نجود بين اسنانها : هيييه انتي حنا بمصر قولي اسمك عادي .. – ناظرت بمحمود - هي ندى وبصراحه ياخوي يامحمود هي معجبه بك وبعيونك الخضراء

ندى : يالحماره وش هالحكي استهبلي عدل الله يفضحك متاثره من الافلام مع وجهك ..

محمود ابتسم اكثر وهو ينار ندى : دنتي صريحه اوي ياندى

ندى (( عشتوا ههههه.. الهبله من اول يوم قالت لواحد معجبه فيه .. وش ورانا نستهبل بس خخخخ))
نزلت عيونها علامات الحياء ..

نجودكاتمه ضحكتها ومبتسمه تحت البرقع ..: لا يامحمود حنا بنات صريحات ..وماعندنا لعب ..

ندى قبل لايرد محمود وقفت لان المحاضره تقريبا انتهت ..: خلاص يانجودتعالي نطلع احراج ...

لحقتها نجودوتركوا محمود قبل لاتنفجر بالضحك قدامه ...

واول مابعدوا ماتوا ضحك : هههههههههههههه

ندى: والله شكلنا بننبسط بهالمصري هههههههه

نجود: والله لانهبل بهالمصري خخخخخ

ندى وهي مبتسمه من قلب : الا غريبه مانبسط لما قلنا له مع وجهه ثقيل هههههههههههه

نجود: شكله خاطب ههههههههه

ندى : لا خاطب مستحيل وانا ههههههههههه

نجود: اسمعي بس استهبال انتبهي

ندى احتقرتها : يعني وش رايك .. بحبه مثلا .. امشي بس نقز بالخليجين اللي هنا

نجود: الا قصدك الخليجيات ..ياكثر البنات السعوديات بالبراقع هنا

ندى بتفكير: ترى في مصريات محجبات .. المهم لموويه انتبهي مانبغى نتعرف على احد ولا ناكل شي من ايد احد

نجودبدلع : ولا حتى محموووود

ندى: هههههههههه .. امشي يالهبله على طول معجبه هههههههههههههه

نجود: اكشن هههههههههه



**********************
عشاق من احفاد الشيطان ... روايه رومنسيه ... خياليه
**************************




ريان ناظر بعيونها الرماديه بالضبط : تكلمي شموخ تسمعيني ..؟
اقولك بتركك هنا بمستشفى الاعصاب علشان تهدى اعصابك شوي ..

شموخ كانت جالسه على السرير .. سانده راسها وظهرها على المخده ..
وشعرها متوزع بكل مكان على كتوفها وجهها والمخده من ورى..وعيونها الرماديه ذبلانه من التعب ..

وريان جالس بجنبها اليمين على السرير ..وسامي واقف عنده ..

شموخ تناظر فيه ساكته .. تحس انها مخنوقه من جوا .. في ايد تعصر قلبها بقوه .. وتقطعه بدون رحمه ...
ضيقه بصدرها تخنقها ..دموعها متحجره داخل عيونها تحرقها ..
لكن ماتقدر ترد على ريان لسانها ثقيل وكاررهه ريان وسامي وكل شي بحياتها ..

سامي : ريان وش فيها ماترد من ساعه نحاكيها ..

ريان يناظر بشموخ بخوف .. : مادري ... هي تحس فينا والا لا - مسك ايدها وشدها – شموخ تسمعيني .. تسمعي سامي ..

شموخ بنفس النظره البارده تناظره
تقدر تحكي وتصرخ ..
لكن ..
مايفيد شي ..

صرخت بموت مروج ..صرخت باكتشافها انها يتيمه ومالها حد ..
صرخت بموت نجلاءوابوها ..
صرخت بشلل امها اللي ماقد حسستها انها مو بنتها ..
كل هذا صرخت فيه ومانفعها ليه تحكي او تصرخ هاللحين مراح يفيدها ..

سامي : لاحول ولاقوه الا بالله .. خلاص ياريان نتركهم ياخذوها على المستشفى احس .. ناظر فيها يوم عن يوم تزيد حالتها .. حتى حكي ماتقدر تحكي اخاف اذا تركناها تضيع من ايدنا مثل نجلاء ..

شموخ حقدت على سامي وكرهته اكثر من اي وقت مضى .. كان عزيز على قلبها لكن هاللحين نفسها تفرغ فيه مسدس ابوها او عمها اللي رباها ..

ريان قلبه ينزف معها ماتهون عليه وهي كذا .. يحس انه ضعيف مع ضعفها وحالتها .. ضم يدها بيدينها وقال باصرار : شموخ ردي قولي لا واطلعك من هنا .. قولي ايوه واتركك هنا .. بس تكفين ردي علي ..

شموخ ناظرت بيده الدافيه اللي تحتضن ايدها .. تمنت انه جد صادق ومراح يتركها ..
لكن هي عارفه ومتاكده انه يتمنى موتها اليوم قبل بكره ويكرهها ..
تحس بحنانه ولهفته لكن الخوف مسيطر عليها وعلى تفكيرها .. ماعادت تثق باحد ..

ريان هز راسه بياس : مافي فائده من ساعتين وانا احاول معها ماترد...
والدكتور يقول ماعندها اي مشكله بالنطق ..- صرخ بقهر - بنجنن ليه حالها كذا ... ليه يصير معها كذا

سامي بهدوء : ريااان لاتصرخ كذا شموخ تعبانه .. ابعد انا بحاول معها

وقبل لايعترض ريان قال سامي بعصبيه : لك ساعتين تحاول اتركني خمس دقايق ..

ريان ناظر بشموخ نظره اخيره وترك ايدها وقف ..وعيونه تترجاءها ترد ..

سامي جلس قبل شموخ ونفسها تمد ايدها على وجهه وتمشخه .. لكن المشكله انه يشبه ريان وماتبغى تشوه اي شي بصوره ريان ..
مقهوره من تناقضها تكرهه لاقرب منها واول مايبعد لو خطويتين ويترك ايدها .. تخاف وتتمناه يرجع وقلبها يدق بسرعه ..

ناظرت بريان بخوف وسامي يحكي معها : بينك ..بينك انا سام حاكيني ..

شموخ عيونها تنادي ريان وماردت على سامي

ريان مافهم نظرتها هو تعبان وموقادر يركز والدنيا ضايقه فيه على حالاها ..ويضن نظرتها تطردها او تخاف من قربه ..

قال بعد نفس طويل : انا طالع يمكن تحاكيك لاطلعت ...

طلع من غير لايلف لانه بيرجع لها اذا لف ...
من الضيقه اللي جاءت له طلع من المستشفى بكبرها ..

سامي بحنان: ها يابينك ريان طلع حاكيني ..

شموخ احتقرته بنظراتها (( ومن قالك اني مابغى ريان .. انا اتمناه مايتركني لحضه .. رجع ريان ابغاه هنا .. طيب فيصل واللي يرحمك فيصل ابغاه بس احاكيه))

سامي : لاحول ولاقوه الا بالله ..- جلس على كرسي بعيد منها – حالتها صعبه مررره وضروري تدخل للمستشفى باقرب وقت ..

......... & ........

ريان كان تعبان ويحس شوي ويغمى عليه وماصدق ان السواق وقف داخل الفيلا بالجبيل كان يبغى يبعد عن جو بيتهم الكئيب وجو بيت جده ..

دخل للغرفه وهو بثوب بدون شماغ مايدري وين رماه شاف منى بوجهها المجعد متمدده على السرير وبجنبها بنتين صغار بالعمر ..ومعهم ممرضه .. بعمر شموخ وسجى
ناظر فيهم لثواني ورجع ناظرها ..
: خير ايش فيه..؟
(( طاااح الطفل يااارب ))


منى ابتسمت من قلب : انت جئيت هلا وغلا ..

ريان احتقرها ..جد وحده فاضيه وماعندها سالفه ..

ساره ورغد تغير وجههم اول مره يشوفوا جدتهم مع زوجها الصغير الحليوه ريان ..
ساره تعرفه لانه ولد جيرانهم واخو شموخ الكريهه..اما رغد ماتعرفه الا من الصور .. فتحت فمها وهي تناظره ..

مشوا ساره ورند بيطلعوا حسوا اشكالهم غلط ومالها داعي ..

منى: هههه تعالوا لاتستحوا حلال عليكم ..

ريان ناظر بمنى مطنش ساره ورغد اللي وقفوا بعيد عنه علشان يبعد عن الباب ويطلعوا : وش فيه ..؟ ليه الممرضه هنا ..؟

منى بدلع مايلبق : الولد تعبني شوي ..

رغد تهمس لساره : ياحلوه .. بذمتك مو احلى من الصور ..

ساره: اسكتي لايسمعني .. مع وجهه متى بيبعد عن الباب ..

رغد وساره يحسوا انهم بدون عبايه اشكالهم غلط ..خدودهم محمره ومايقدروا يحكوا بصوت عالي علشان يبعد

ريان بجفاء : الولد ليه عرفتي ولد والا بنت ..

رغد باندفاع : ولد وشكله بيطلع قم.....


سكتت وانحرجت من نفسها لان ريان ناظرها

ساره ترقعها : عظم الله اجرك – بتريقه – عمي ..

رغد كتمت فمها ..: ههههه

ريان ببرود بدون مايناظرهم : اجرنا واجرك ...
منى .. انا بنام بالغرفه الثانيه لاحد يزعجني الا اذا دق سامي او بينك ..

لف بيطلع وتذكر كره منى لشموخ : مننننننى لاتطنشي اذا دقت بينك صحيني لو بمدافع ..

طلع وتركهم ..





**********************
عشاق من احفاد الشيطان ... روايه رومنسيه ... خياليه
**************************



وعود وهي تناظر ديكور السقف .. والسماعه باذنها: وليه انتي ماتبغيه ..

نور: وعععع ماطيقه ..مره وحده شفته صدفه كان خبيث وكريه والله ياوعود مايريح ..

وعود (( يابعد قلبي بنات خالي والله ماتستاهلون كل اللي يحصل لكم .. آآه يانور انا فاهمه شعورك .. ماكنت مرتاحه لرياض لكن مشيتها وهذي النتيجه ..
بس الفرق انا ابوي سال .. انتي خالي باعك وماسال ..))

نور: وعود الو الو احاكيك

وعود: ها معك بس افكر هواجس وش ردها..؟

نور بنرفزه : هواجس ماتعرفيها تمثل القوه على قل سنع ..وتقول حكي هي ماتطبقه ..

وعود: امم اكيد تفلسفت عليك ..؟

نور: ايوه اكيد ..

سكرت وعود من نور وهي مقهوره لان رياض السخيف قال امس بيجي وماجاء ...

طلعت برى تتمشى لكن وقفت عند باب ملحقها وهي تشوف كاترين ورياض جالسين بالحديقه على الكراسي الخيرزان سواليف وضحك ..
حست بالقهر لكن ببرود نفس الوقت لان رياض موهو اللي تغار عليه ..

لفت ظهرها عنهم ودخلت ..

رياض انتبه فيها ..ابتسم وكمل حكيه مع كاترين .. يبغى يذلها باي طريقه ..

رجع التلفون دق ... من جاءت لهنا تسليتها الوحيده هذا التلفون ردت بدون نفس : آلو ..

ام رياض : هاي .. هلا وغلا وعود كيفك ..؟

وعود : يمه الجازي شخبارك ..؟

ام رياض بروقان : الحمدلله كويسه .. وانتي كيفك وكيف اهلك .. والاهم رياض كيفوا معك ...

وعود : الحمدلله مرتاحه ... واهلي كويسين ويسلموا عليك ..

ام رياض : كويس .. اقول وعود وينك من زمان عنك مازرتينا ولاشفناك ..

وعود ارتبكت : انشغلت شوي ..ولايهمك يمه اذا تبغي اليوم انا عندك ..

ام رياض : ايوه انا داقه اقولك تعالي عندنا شوي انبسطي وغيري لنا جو ..

وعود انبسطت تغير جو بدل رياض وقطوته كات :ابشري يمه لكن احكي مع رياض و

ام رياض بتسلط : ماعليك من رياض انا حكيت معه ووافق ..انتي جهزي حالك وتعالي

وعود عصبت وانقهرت ..(( والله ....
حلوه هذي وافق مع وجهه علشان يرتاح مني بس ))



**********************
عشاق من احفاد الشيطان ... روايه رومنسيه ... خياليه
**************************




على العصر ..

الخيمه الكبيره أ متلت بالرجال من اليمين والحريم على يسارهم متبرقعات .حتى روابي ... .والبزارين حولهم ..

الجو بارررد يدخل بالعظام ..وريحة الشوي ماليه المكان ..

بو عبدالعزيز : انا حكيت مع حمد وحسيته يضيع الوقت ..

خديجه : ليكون بيمشي حكي البزر ندى ومايزوجها لعبدالعزيز ..

عبد العزيز تافف بيزوجونه وحده ماتبغاه ..

احلام : مادري وش شايفه بهالعوبه ندى ياعمه خديجه ..

روابي : وانتي ماتذكري حدبالخير كل الناس عندتس شيون ..

بو رياض: هاللحين روابي كم عمرك انتي ..؟

سوال مفاجاءه صدمها وبالذات انه من خالها بو رياض .. ماهي بمتعوده عليه كثير وماتشوفه دايم ...
تجمعت الدمو بعيونها وماقدرت ترد ...

متعب وهو ينفخ على الشوي اللي قباله : يبه تراها صغيره اكبرمني بسنه ..

بو رياض بتفكير : متعب لاتكذب ها روابي مارديتي علي انتي باي صف ..؟ اول ثانوي ..

لان شكلها صغير وهيئتها لكن صوتها وطريقة حكيها كبيره : ههههه وش مدرسته ياخالي انا ادرس اللي بعمر متيعب ..

متعب لف ناظرها : هع هع هع هع هع حلوه منك وين تدرسيني والفرق بيننا 12 شهر ..

بورياض ان بوده يسال وراكم ماعرستوها لكن سكت .. وهالشي قرته روابي بعيون خالها وتضايقت ..

خديجه تغير الموضوع اقول متيعب وش صار معك .. خلص الشؤي ..

متعب وهو دفيان وغرقان بريحه الشوي .. وكل تفكيره مع روابي اللي اشغلت عمرها بلف البطاطس بالقصدير : اممم تقريبا خلص .. ويازين هالريحه تفك الراس ..

دانه على جنب مع احلام : وش فيه ..؟ ولد عمك يصارخ لاحكى

احلام تنهدت : رجاااال

دانه : احلفي وش رجاله وهو يصارخ ويحكي بعربجه .. شكله عربجي ..

احلام احتقرتها : صبااااح الخير ..هههههه بدري تحسي ..

ام يعقوب : احلام .. دانه قوموا ساعدوا روابي بالبطاط..

روابي بسرعه : لااااا واللي يرحم والديتس لاتنادي حد يساعدني هذولا ماينفعوا الا للبربره وكثره الحكي ..

احلام ودانه : مالت عليك ..

متعب تعجبه روابي وبالذات اذا ردت على هذولاء المدلعات : هع هع هع هع هع

روابي ناظرته : وش عليه تضحك انت بعد ..

ياسر : متعب على كل شي يضحك ..

متعب وقف وبيده سيج : واخير نضج ..

بو رياض :عطيني اذوقه ..

متعب كمل مشيه لحد موقف عند روابي : لا يبه انت ماتعرف لطعم اللحم لانضج ..- جلس على ركبته عند روابي لكن فيه مسافه بينهم – روابي تعرف اكثر

بو عبدالعزيز : بسم الله عليه روابي تعرف كل شي

روابي رفعت عيونها الناعمه برموشها القصيره والكثيفه تناظر بمتعب وحست بقلبها يدق بسرعه .
.اول ماجاءت عيونها بعيون متعب البشوشه والمبتسمه خافت في شي بمشاعرها متطوره بالنسبه لمتعب نظراته غير وهو كله غير صار عندها ..
تحس بالخجل وهي تقول اسمه علشان كذا ترفع صوتها او مماتنطق فيه .. حتى ماتناديه باسمه الا مصغر " متيعب "..

متعب برد قطعه "الشيش طاوق "اللي بيده نفخ عليها بخفه ..
ومدها لها : تفضلي شوفيها نضجت ..

حس متعب بارتباك وهي تاخذها من يده بهدوء وهي ساكته للحضات نسى ابوه وابوها وامها وكل اللي حولها ..
لكن نبهه صوت عبدالعزيز : ها نضجت

روابي ماقدرت ترد ولاحست بطعم الشيش اللي بيدها لكن هزت راسها ايوه ..

وقف متعب وهو يخفي ارتباكه بطريقته العربجيه المعروفه : اجل عشاءكم نضج .. يله اللي يبغى بسندويشات يقولي ..

احلام كانت مقهوره من الحركه وقالت بسرعه تتلزق بمتعب : انا ..

متعب : تحبي كل شي فيها ..

احلام بلهفه لانه يحكي معها : ايوه كل شي ..(( من ايدك حلو ))

دانه ضربتها : اثقلي وجعه ..

احلام : ليه رمي نفسه عليه مادري من زينها القشره ..

جهز متعب سندويشه وارسلها لاحلام ..

احلام بخيبه امل : اف ضنيته بيعطيني هو ..

دانه تتريق عليها : ليه انتي روااابي ..

احلام بحقد : مالت عليها لكن انا بوريها والله لاخلي متعب يموت فيني ولا يرمي نفسه عليها ..

روابي جلست ساكته وهي متضايقه حركات متعب جرياءه ..وقريبه لقلبها .. تحس مع كل حركه ولحضه تشوفه فيها يكبر بعينها ..

كملت لف البطاطس وهي سرحانه ماهي بمنتبهه لحكي امها وزوجه خالها عن ندى وخطبتهم لها ولا عن سواليف ابوها وخالها وباقي العيال عن المباريات اللي بالاختبارات ..

صحتها ايد سارا بنت خال احلام : روابي خذي

روابي ناظرت بقطعه الخبزه الملفوفه بالمشاوي : ايش هذا ..؟

سارا: هذي من متعب

اخذتها روابي وهي سرحانه اكثر ..حتى مابتسمت لسارا اللي تضحك لها ..
لفت على متعب كان ياشر بالسيخ لعبدالعزيز : لحم والا دجاج ..

انتبه متعب بنظراتها لف عليها وزادت ابتسامته : ها روابي وش رايك ..ماكثرت لك طحينيه ..

بدوي ..
بدووووي ...
بدووووووووووي ...

بسيط ...
خفيف دم ...
رجااال ...
شهم ...
محبوب ...
شبابي ..
بشوش ...
يدخل القلب ...

واكثر من كذا.. كلمات توصف متعب .. مع انه عصبي شوي اذا حد غلط لكن رهيب ..
يكفي ثلاث قلوب مفطوره بشهامته داخل هالخيمه ..
احلام ..دانه .. والاهم روابي ..

روابي بصوت عالي تكابر مشاعرها : يعني مقبوله ولو ان ناقصها شي يعطيها طعم ..

متعب : هع هع هع هع .. توقعت مراح تعجبك ..- حس انه مصخها ولا هو بحاشم حد من اهلها .. لف على احلام وقال بنفس الاسلوب - .. ها احلام عجبتك ...

احلام : ايوه تجنننننن رهيبه طعمها غير ...

روابي وهي تاكل قالت مقهوره تقلداحلام : ايوه تجنن رهيبه طعمها غير ...
انت وش علمتي يالبزر

وقضوها سهر وسواليف لكن روابي كانت ساكته وبعد فتره انسحبت من الخيمه لخيمتها بدون محد يحس فيها ..
لكن متعب حس وراقبها وهي تدخل خيمة النسوان ..
وهو مستغرب (( غريبه تدخل بدري وش عندها ))




**********************
عشاق من احفاد الشيطان ... روايه رومنسيه ... خياليه
**************************




ام ريان : وين بنتي .. وين شموخ ..؟

شمس ناظرت باختها اللي تكرها .. مع كل اللي حصل لها وتكره اختها لانها متكبره ومغروره ..
وضرت امها وابوها كثير ...
: مادري ..

ام ريان بعيوها رجاء : شمس الله يعافيك وين شموخ وينها نادوها لي ..

شمس وقفت تصارخ : يمممه .. ريماس .. تعالللللوا شيخه تبغاكم – لفت على ام ريان – لاتضني اني بسامحك وانتي بهذا الكرسي وارمله .. ادفعي ثمن غرورك ياختي .. وهذا بنتك شموووخ اللي مقاطعه اللكل من خوفك عليها تركتك وراحت ..

طلعت لفوق وتركت اختها .. ماتنسى غرور شموخ واحتقارها لها ..
..وجاء الوقت اللي ترد فيه كرامتها ..

تذكرت بمره من الايام ...
لما كانت ام ريان مع شموخ ونجلاء نايمين ببيت بو سلطان ...


(( شمس : لاااا من هذا اللي تحاكيه ..؟

شموخ بالحديقه لفت على شمس مفجوعه : شمس

شمس متكتفه ..: بسرعه اخلصي علي من هذا .. رامي اللي تحاكيه ..

سكرت شموخ الجوال واحتقرت شمس : مالك دخل ..

شمس : لاااا يالصايعه الضايعه .. ياقليلة الادب .. انتي ماتستحي على وجهك سمعتك زفت وكل المدرسه تدري ..

كانت شموخ مع شمس بمدرسه وحده بالثانويه ..

شموخ بغرور : والله كيفي انا حره وهذا حكي صديقاتك الغيرانات مني ...

شمس : هههههااااي غيرانات .. كيف حالك ياغيرانات ..
اقول عطيني تلفونك بسرعه اشوف من تحاكين ..؟

شموخ رفعت حواجبها : لااا واثقه من ننفسك بزياده ..

شمس ببرود: تتوقعي لو درى ريان عن هذا رامي وش ممكن يعمل لك

شموخ ابعدت شعرها الجذاب بغرور : جربي وراح تعرفي من اكون ..؟

شمس كانت نعومه وبنوته برياءه .. : ياااامي ارعبتيني .. لاااا تكفين خفت ..حركاتك هذي مو علي .. وانا ماسكت لك بالمدرسه وحركاتك الماصخه اخر الدوام واللي تقابليهم الا بمزاجي .. مو على بالك اولى ثانوي مادري وش القصه ..؟
لا يافالحه عارفه بلاوي كلها انتي ومدرسه الاحياء بالسياره السوداء مع هذاك الاسمر على بالك ماشفتكم تركبوا معه وترجعي بعدين ...

شموخ تنرفزت وعصبت شمس تعرف عنها كل شي حتى عن احمد اللي طلعت معاه وتغدوا ورجعهم ..
: انت تخرفي احترمي نفسك ..؟

شمس : ههههههه اقسم بالله لو تناظري شكلك تموتي من الضحك ..

شموخ بانفعال : والله ياشمس اذا ماكلتي تبن لاحطك ببالي ..

شمس بغرور : انا اللي حطيتك ببالي .. و الله لااحكي لريان كل شي حصل واذا ما قتلك مثل مروج ماكون شمووووسه

تركتها ودخلت داخل ..

اما شموخ جلست بمكانها تغلي من العصبيه والقهر ماتوقعت ان شمس تعرف عنها كل شي ..
هي من البدايه قالت ماتبغاها معها بنفس الثانويه لكن هذي احسن مدارس الشرقيه ..

ضلت تشبر الحديقه وهي رايحه وجائيه .. لو حكت شمس شي راحت فيها شموخ ..

....**...

.. شمس ماكانت جاده بتهديدها كذا بس حبت ترعب شموخ وتوقفها عند حدها ..
وتكسر غرورها ...

...**...

دخل ريان لبيت جده وشاف شموخ موجوده بالحديقه ..

شافته شموخ طاح قلبها ببطنها لكن احتقرته ولفت ..
وهو طنشها وكمل مشيه لداخل ..

شمس عناد بشموخ ركضت لعند ريان : ريااااااان ... ريان ..

شموخ لفت مرعوبه ومعصبه .. حتقرت شمس اللي ابتسمت لها بخبث ..

دخل ريان مع شمس وهي تحاكيه بصوت مرتفع : تعال رياااان ابحكي لك شي مهم ....

ماحكت له عن شموخ كذا سولفت معه ...

اما عند شموخ كانت على اعصابها .. وتحس ريان بيطلع باي لحضه يضربها او يعمل لها شي ...

لكن طولوا ساعتين ومحد بين ...

دخلت لداخل و ناويه شر لاي حد يقرب منها ..
شمس ناظرتها بخبث : هذي المره سلامه لاني مو رايقه لك لكن اذا ماحترمتي نفسك والله لحكي لشيخه اختي وريان ..

شموخ دفتها باحتقار : مراح تلحقي .. يا زباله ...

........ من اليوم الثاني كان رد شموخ لشمس ...

بنص الدوام بالمدرسه

شموخ نادت شمس : شمس شمس ..

شمس بجنبها صديقاتها همست وهي تناظر شموخ بدلعها وجمالها الجذاب تمشي لعنده ..
كانت اصغر من هاللحين وبالذات مع التنوره الكحليه المكسره والكرافيتا الممتليه اكسسوارت ..
: شتبغى هذي ..

لمى : مو هي تقولك لاتقولي انك خالتي ومابغى اعرفك ..

شمس : ايوه نشوف وش عندها ..

شموخ مع برودها بالاخير وصلت لعند شمس ..
قالت بدلع ..: اسمعي ماما تقول ارجعي معي بسواقنا لان سواقكم اخذه ابوك معه ..

شمس استغربت شموخ هي اللي معترضه يستخدو نفس السواق : زين في شي ثاني

شموخ بابتسامه خبيثه : انا اطلع متاخره انتظريني عند الباب الرئيسي ..

تركتها ومشت ...

شمس انتظرت شموخ عند الباب الرثيسي وعبايتها لابستها لكن الغطاء على كتفها نص المدرسه تقريبا طلعوا .. الا شموخ ..: آف وينها البارده هذي ..

من بعيد ورى المدرسه
شموخ : مارسيل انا بطلع وانتي و البنات تكملوا اللي قلتلكم

رسل : اوكيه بسرعه اطلعي وارجعي للبيت علشان ماننكشف ..

شموخ : اوكيه ليكون ريوف الغبيه ماصرفت السواق ..

رسل بسرعه : الا صرفتها وقالت انها لمى صاحبت شمس ..

شموخ : ههههه احسسسسسسسسن هههههههههه

رسل : ههههههههه جعلي ماكون عدوتك

شموخ : آمين .. يله بسرعه روحي ..

رسل طلعت تركض وعملت نفسها خائيفه: شمس كويس انك هنا

شمس ناظرتها مستغربه : خير ايش فيك .. وش تبين

رسل : الحقي بنت اختك شموخ طاحت علينا ماندري وش فيها ..؟

شمس : كيف .. شموخ ..؟

رسل سحبتها من ايدها : ايوه تعالي بسرعه ..


ركضت شمس مع رسل خايقه على شموخ ..

شموخ اول ماشافتهم دخلوا لمبنى المدرسه وطلعوا فوق للفصل ركضت لسواق برى لمدرسه ورجعت للبيت ..

شمس ناظرت بصاحبات رسل الكثير اربع بنات معروفات بسمعتهم الشينه بالمدرسه ..واقفين عند فصل شموخ ..
: ابعدوا وينها شموخ ..؟

دفتها شذى اضخم البنات واكبرهم لداخل الفصل : شموخ بالبيت وتسلم عليك ..

ناظرت شمس بالفصل الفاضي مافيه حد والبنت اللي سكرت الباب بقوه ..: ايش فيه ..؟

وجيههم ماتبشر بالخير ..

قربت شذى الضخمه لعند شمس ومسكتها من ايدها : تسلم عليك شموخ وتقول هي تعرف تسكتك ..

دفتها شمس باقوى ماعندها : ابعدي انتي وجهك وش تبغي ..؟

تهجموا عليها البنات الاربعه وضربوها ضرب ورسل تناظرهم من النافذه وتتلفت لايشوفها احد ...

اخر الدوام المدرسه مافيها الاكم طالبه وكلهم عند الباب .. والمراقبات مشيوا الا وحده بغرفه المديره وماتدري عن الصراخ اللي فوق ..

شمس اخذت ضرب ماقد ذاقته بحياتها وكانها مع وحوش ورجال ضخام مو بنات ...

فتحوا الباب

شذى تلهث ..: خلصنا ..

رسل بخوف قالت بسرعه : يله البسوا عباياتكم وراي على السياره ..

شمس كانت تتاوه وتصرخ بضعف : يمه .. يممممه ... شموخ الكلبه .. يمه ..

فضت كل المدرسه ماصارت تسمع شي .. الا صوت آهاتها هي ..
حست براسها ثقيل والدنيا تظلم حولها لحد مافقدت الوعي ..

المستخدمه قفلت باب لمدرسه واعطت المفتاح لزوجها ...

......÷.......

شموخ سكرت السماعه بعد ماطمنتها رسل ان كل شي اوكيه ..

ام سلطان : وينها شمس ..؟

شموخ : اكيد نايمه بعد مارجعت من المدرسه ..؟

ام ريان : متى رجعت ماشفتها تدخل ..؟

شموخ : مادري عنها هي كل يوم ترجع بدري قبلي .. موادهم كثيره ومع كذا يخلصوا بدري ..

ام ريان : ايوه انتي سنه ثانيه ماوراك شي وتجلسي تهذري بالمدرسه هههههههه

ام سلطان : غريبه شموخ مانمتي اليوم ..؟

شموخ بدون نفس : كيفي متى مانام بنام

ام ريان ناظرت شموخ : اسكتي ..؟

..........***.......

شمس فتحت عيونها وتحس كل شي بجسمها مكسر .. تسمع صوت اذان يدخل باذنها .." الله اكبر الله اكبر .."
اذان العشاء ...

الدنيا ظلام من حولها رفعت جسمها من الارض البارده نزلت دموعها .. من اثر الضرب ..
: آآه يمه ..يمممممممه

شمت ريحه غريبه ماتعودتها ريحه مدرسه طباشير الوان ..
استوعبت وفتحت عيونها كويس .. هي لهالحين بالمدرسه بعد ضرب الحقيرات لها ...

وقفت بسرعه وفتحت الباب ماتعرف من وين جاءتها القوه .. شافت مبنى المدرسه المرخم ومافيه غير كم صف مشغل النور ..
مدرسه طول بعرض هي فيها لوحدها ..

وقف شعر جسمها وقشعر .. نزلت دموعها بالهبل من الخوف وقالت وهي تشهق بالدموع .. وصوتها يرتجف : يمممممه يممممه ..
وجع..ل....نا
........من ..

.. بين ...

اي..ديهم ..

سدا ...

وم...

طاحت على ركبتها تبكي من الخوف مافي حد حولها يسمعها ..
غطت يدينها بوجهها منهاره ...

مبنى دورين ضخم فيه مئة غرفه وغرفه مكان مهجور هي لوحدها فيه ..

خوف دخل لعظامها ينخرها .. شعر جسمها وقف من الرعب ..

نزلت بسرعه لتحت غرفه المدرسات .. ماتدري كيف جاءتها القوه وشغلت النور ..

مكان مهجور مرعب .. مافيه احد ...

شافت التلفون ودقت على بيتهم ارقام حافظتها عن ظهر قلب دقتها ولا تدري كيف قدرت تستوعب ..

........**...........

ريماس فتحت باب غرفه شمس تصحيها للعشاء وتصلي الصلوات ..: شميييس قومي ..

شغلت الانوار ناظرت بالسرير مرتب من امس مافيه حد ..: شمس وينها

فتحت باب الحمام عاقده حواجبها ... : وينها هذي ..

طلعت لعند طاوله الطعام : يمه مافيه حد بغرفتها ..؟

ام سلطان : كيف .. اجل يمكن بالحوش و الديوانيه ..؟

ريماس : المشكله سريرها على وضعه من رتبته الشغاله الصباح .. وين نامت

ام ريان : كيف على ترتيبه هي رجعت ونامت ..

شموخ ارتبكت لكن اكلت ولا همها .. وتذكرت ان شمس بالمدرسه ..كيف نستها كانت ناويه العصر ترجعها لكن راحت عليها نومه ...(( احسن تستاهل يارب تموت هناك ))

ريان : وينها شمس هذي الرومنسيه اكيد بالسطح او على المسبح ..

قامت ريماس ومعها نجلاء بسرعه يدوروها وقلبهم مقبوض .. رجعوا ووجيهم صفراء

نجلاء : مافيه حد بالديوانيه ..ولا بالكراج

ريماس : ولا بالمسبح حتى بالحديقه مافيه حد

ام سلطان : يمه بنيتي ..؟

ريان وقف خايف : انتم دوروها بالغرفه يعني وين راحت ..؟

ام ريان : شموخ انتي متاكده انها رجعت بالمدرسه

شموخ : مادري لكن اكيد رجعت هي ترجع قبلي ...

نجلاء : السواق نسال السواق ..

ركض ريان لعند السواق وساله بلهفه : انت في جيب ماما شمس من مدرسه

السواق ببرود : لا هذا في صديقه لمى يقول روه هي بعدين يرجع ..

ريان ونجلاء وريماس شهقوا : كيف ...؟

شموخ حست ان قلبها وصل لبطنها اللكل يدور ومحتاس عليها وهي جالسه وقفت تدور معهم علشان مايشكوا فيها ... لكن الندم مادخل قلبها ..

ريان دخل وجهه اسود : شمس مارجعت مع السواق من المدرسه – صرخ – كيف ماحسيتوا ..

ام سلطان تبكي : ياويلي بنتي ..

رن التلفون ردت عليه ام ريان اقرب وحده له : الو ..

شمس بصوت مرتجف وضعيف : يمه لحقوا علي يمممممه

ام ريان : شمس ....؟

سحب رياان السماعه : الو شمس ..وينك ..؟

شمس غمضت عيونها بقوه علشان تطرد الخوف من قلبها وتسمع صوت اهلها .. : ريان الحقوا علي انا بالمدرسه ياررربي بموت .. يمه ريان الحقوني ..

ماقدرت تكمل بكت من قلب
ريان : انا عندك ..؟ جدتي يمه حاكوها لاتسكروا لحد ماوصل للمدرسه .... طمنوها ..

كنت شمس تبكي وام سلطان تبكي وام ريان تحاول تهديها ..

اما نجلاء وريماس بسرعه لبسوا عبايتهم وراحوا مع ريان ..

شمس وهي تبكي بالغرفه المهجوره بالليل بالمدرسه طح دفتر من طاولت وحده من المدرسات بكت اكثر وشاهقت .. ضمت نفسها فخذها لصدرها تدور الامان ..
بصوت بكي امها وماتنطق غير بيمه ..
في مثل هالحالات في حد يفكر بغير امه ..
يكفي ان امها تشهق مع شهقتها وحاسه فيها ...

........**..........

ريان رفس باب المستخدم او الفراش بقوه .. يمكن هذي فائده سكن الفراشين بنفس المدرسه لمثل هالحالات ..
: افتح الباااااااب افتح ..

فتح الفراش البدوي الباب وجه مخطوف من قوة الضرب : خير بسم الله ايش فيه ..؟

ريان من اعلى راسه صرخ : افتح باب المدرسه خالتي داخل

الفراش : ها ..

ريان حاول يهدي ويفهم الفراش : خالت... اقصد اختي داخل المدرسه ماطلعت منها

الفراش : مستحيل زوجتي ماقفلت الباب الا متاكده ان كل البنات برى المدرسه ..

ريان بين اسنانه : والله ان اختي داخل ودقت علينا من رقمك ...

الفراش : مستحيل من الصباح لهالحين ..
ولا سالتوا عن بنتكم ...
ياحصه ياحصه ...

المستخدمه حصه : نعم ..

الفراش : في بنت داخل المدرسه ..

حصه : ايش بنت ..؟

وقدروا يدخلوا للمدرسه بعد محاولات ..

...

ريان دخل غصب عن الفراش ..: شممممممس ... شمس ..

ريماس ونجلاء : شممممممس .. شمس ..

شمس سمعت صوت ريان و ريماس و نجلاء ...
ركضت لبره .. : ريماااااااس ..

ركضت لحضن ريماس اختها تبكي من قلب .. وترتجف ..

اخذوها لسياره وهم يبكوا ويقروا عليها ...

شمس اول ماجلست بجنب اختها .. اغمى عليها ...

.

قسى قلبها اكثر لما تذكرت اللي حصل ..
شموخ وشيخه اختها ..
السبب الرئيسي تكون عربجيه فيه .. لازم تكون قويه علشان ماتسمح لاي بنات يضربوها مثل هذا الضرب ..

ام سلطان : خير ايش فيه ..؟

شمس بدون نفس : تحت تسال عن بنتها .. الدلوووعه شموخ ..

دخلت لغرفتها وسكرت الباب ..: جعلهم على هالحال واردى ..



**********************
عشاق من احفاد الشيطان ... روايه رومنسيه ... خياليه
**************************



ربى ..
متمدده على بطنها بالكنبه الطويله .. وتتفرج على المجله وعروض الفاشن فيها ..

كانت جالسه بالجهه الثانيه من القصر للي مايستخدموه كثير واللي بيكون لمتعب اذا تزوج ..



تحس بالطفش يقتلها وبالذات انها قطعت علاقتها مع صديقاتها بعد طلاقها .. ماهي بمستعده نفسيا لاي حد او اي شخص .. حتى " لبنا " صديقتها المقربه اللي معها من الابتدائيه ماتدري عنها شي .. بسبب سفر لبنا لقطر وعيشتها هناك على طول ..

فتحت صفحات المجله بطفش :آآآف ..بموووووووت طفش ..

دق جوالها اللي بجنب المجله بالضبط .. ردت بسرعه من الطفش : آآآآآلو ..

سجى بهدوء : الو ربى ..؟

ربى استغربت صوت سجى قالت تتاكد : سجى ..؟؟

سجى حست بالعبره تخنقها ونفسها تبكي بعد حركه تركي امس وهي عندها اخت ماتفضفض لها ووعود ماعندها رقمها الجديد ..

ربى ابتسمت :سجوووو معي ..؟

سجى بصوت مبحوح : ايوه كيفك اخبارك ..؟

ربى : كويسه وينك من زمااان عنك ... حرام عليك حتى لما حضرتي عزايم رياض مامريتي علي ..؟

سجى وصوتها متضايق :انا ماجلست الاشوي بعدها طلعت حتى وعود ماحكيت معها كثير ...

ربى استغربت من صوت اختها وهدوءها .. من متى سجى هاديه كذا: سجووو ياقلبي وش فيه صوتك ..؟

سجى توقف وهي داخل غرفتها الصغيره .. : آآآآآآآآف مقهووووره ..

ربى : خير ايش فيه ..؟ تركي مضايقك ..؟

سجى تنهدت : تركي .. اقول ربى وش رايك تجي لعندي ولامره زرتيني ..؟

ربى : نفسي لكن وعود حكت مع ماما وقالت بتجي اليوم ..

سجى بحماس : جد ...
واللهي قهررر وعود عندكم .. تعالي انتي وعود بلييييز طفشانه ..

ربى تفكر : انتي تعالي ..؟

سجى مدت بوزها : انا تمزحي .. هذا التركان مايفهم ومستحيل يقبل ..

ربى : ليه ..؟ .. سجى انتي بينك وبين تركي مشاكل ..

سجى سكتت ... نفسها تحكي لاختها .. لكن تخاف ان حد عند غرفتها ويسمع حكيها ويتشمت .. لان تركي مو فيه واهله ماخذين راحتهم على الاخير ..

ربى حست اان سجى ماتفدر تحكي بالتلفون : خلاص سجوو بحاول .. واذا ماقدرت بعطيك الو اوكي ..

سكرت سجى من ربى وقفت عند النافذه مقهورره .. تناظر الحوش بزارين خوات تركي يلعبوا وكانه بيتهم ...
ام تركي البخيله ماترضى لحد يدخل لبيتها وطول الوقت ببيت تركي ..
هاجر وشذى وريم اربع وعشرين ساعه عندها .. نوره بعد ماحملت وهي بعد كل يوم معهم ..
سوسن قليل تجي ..اما ام تركي وخالتهم دره ماهم بفاضين شاطرين لدواره بين البيوت ..
: آآآآآآآآآف حياه ماتنطاق ..

تركي من بعد ماطلعت من الحمام امس ماشافته ولافكرت تنزل .. حتى اكل ماكلت شي قضتها على شيبس عندها ..وهي مالها نفس تاكل شي ..

ضاقت عليها الدنيا والافكار اخذتها لبعيد ..متى يجي .. تاريخ 1| 12وترتاح وتطلق ..

بدلت ملابسها تستعد لحضور ربى ..

.............

ربى دخلت لعند راكان مبسوطه وبيدها جوالها ..
: راكااان راكان ..

لف عليها راكان مستغرب : هلا ...

ربى جلست براحه على الكرسي : سجى .. دقت علي وطلبت مني ازورها ..ماتتصور كيف انا مبسوطه .. ياحليلها والله

راكان يكرهه شي اسمه سجى مغروره مدلله يكرها
قال بخبث ماحست فيه ربى : غريبه من شهرين ونص متزوجه ماعزمتك الا اليوم كانها تاخرت ..

ربى بتفكير عوجت فمها : لاااا ظروفها شينه اللي متزوجته تركي صاحب ميتو تعرفه صح ..؟

راكان : ايوه اكيد اعرفه ... لكن كيف ظروفها شينه ..

كان راكان يبغى اي خبر عنها يتشمت فيها ويشفي نار الحقد والمذله من الطريقه اللي تعامله سجى فيها ...

ربى : مادري لكن شكله يغار عليها موت مايرضالها تطلع كثير ولاك

قاطعهاصوت ام رياض المزمجر : ربى وش مجلسك هنا ..؟؟؟

ربى خافت لان امها ماترضالهم يتمادوا مع الخدم
قال بارتباك: لا بس اح..اقصد كنت .. ايوه انا طالعه وحابه اخذ معي حلويات وقلت لراكان يعملها ..

ام رياض:اهااا .. أتركي عنك المطبخ وتعالي معي لحفل ام جميل يقولوا فيه وحده تقراء الكف والمستقبل

ربى تاففت بداخلها لكن ابتسمت لامها اللي تومن بتخاريف مالها لزمه وداعي كلها..خزعبلاااات وشرك بالله ..
: لاماما وقتث اني انا معزومه مع وعود لبيت س.. اقصد لصديقة وعود ..

ام رياض طلعت من المطبخ وجرت معها ربى بعد ماحتقرت راكان ..
: اقوك تعالي معي وعود قالت بتروح معي ..

ربى تضايقت هاللحين امها بتصمم انها تكون معها وبتمشي كلمتها .. (( آآآآ ف ... كيف بتفهم هذي ..؟ ))
: لاماما مالي خلق اطلع لهناك عند ام جميل ونظرات النسوان والحكي الكثير ..

ام رياض بعد تفكير ماتبغى تضايق ربى اكثر وهي لهالحين تحت الصدمه وبالذات ان عمر النذل تركها بيوم زواجها ...: اوكيه براحتك .. انا طالعه ابدل لأتاخر على الجماعه .. الا قبل لانسى صاحبة وعود هذي من بنته ..؟

ربى ارتبكت : ها بنت ال ..ال – بلعت ريقها –المحيسن ..

ام رياض : اها المحيسن والنعم فيهم ..

مشت لفوق

ربى اول ماغابت امها داخل الاصنصيل وبعدت عن عيونها تنفست براحه ومدت لسانها من الخوف .. لودرت انها بتروح لبيت سجى بتعصب .. اكثر من مره طلبت من امها يزوروها عصبت وهزاءتها .. ماتدري وش السبب ..

رجعت لعند راكان ...

راكان رجع لشغله يكمله وكانه متلبد المشاعر المشاعر مايحس لكن بداخله نار مقهووووور...

(( لمتى هذولاء اللي عندهم كم قرش يتكبروا ويناظروه بتعالي .. هذا التعبان رياض يصرخ عليه وكانه بنقالي يشتغل عنده .. وسجى البزر كانت تتامر عليه .. ومتعب اللي مو شايفه اصلا مع انه يبتسم له ويحاكيه كانه واحد من ربعه اوجماعته ..لكن هو موشايفه ولايناظره ..
اما ام رياض هذي الطآمه هذي مصدر التكبر والغرور ..تناظره من طرف عينها وباحتقار كانه حشره ..

الوحيده اللي تعامله بانسانيه ربى ..
ربى انسانه شفافه قلبها ابيض ..
يحسها ورده نقيه طاهره دنستها ايد عمر برفضه الحقير باهم ليله بحياتها ..
عيونها تبرق بشوق اذا حكت عنه ..او سمعت طاريه ..

وهو بافكاره عن ربى دخلت وهي سرحانه .. ابتسم راكان بطريقه آليه ..
كردة فعل طبيعيه اذا فكر احد بشخص بالزينه اول مايشوفيه يبتسم ..

ربى مانتبهت بابتسامته لانه تفكر بصوت عالي : راكان تهقى ليه ماما تمنعنا نزور سجى ..؟ وتعصب اذا حد حكى معها بالموضوع ..

راكان قال بمنطقيه ..
: يمكن لان امك شايفه انو تركي مو من مستواكم او ماينفع تدخلوا لبيت م

قاطعته ربى بحماس: لاااا كان ماوافقت احس ان الموضوع فيه ان .. احس انو ماما ماهي بموافقه على تركي لكن بابااو متعب اقنعوها بالعافيه ...لانو مستحيل ماما تقبل لحفيدة الرالي تتزوج اي احد

راكان عصب من حكي ربى ليه الغرور هذا فيهم وكان الناس غندهم عبيد ..: ليه يعني

ربى ابتسمت تشرح له وهي تتمشى بالمطبخ يمين ويسار : ليه هههههههه.. جدو لو شم خبر وهو انجلترا ان سجى تزوجت من اي كلام وهي بنت الجازي بنته المددله والله لايقلبها على راسنا وبالذات ان تركي مو من الرياض بعد .. الله يستر لارجع ..

راكان هز راسه بلامبالاه (( الله لايجعلني عدوكم )) : اهااااا ..

دق الجرس

ربى : اكيد هذي وعووود راكان بليز جهزي شي اخذه معي لعند سجى ... اوكي

راكان بدون مايناظرها حس انه يكرهها ويكره بيتهم كله الصبر له حدود : اوكي ...

ربى : بااااااا ي ..

طلعت لبرى بهدوء .. راكان بدون نفس باي ياحفيدة الراااالي ...


**********************
عشاق من احفاد الشيطان ... روايه رومنسيه ... خياليه
**************************





/ / / . . .

فيصل رابع مره يلف بسيارته عند بيتها ..
(( وينها هذي ماترد على جوال .. ولا هي بالبيت .. هذا بيت مهجور ماهو ببيت ...آآآآآآف .. وبعدين ..
كيف اوصل لها هذي ...
مالي الا المشعوذه ام محمد ... ))

رفع جواله ودق على خالد : الو بسرعه جهز نفسك انا عندك ..؟

خالد : اعوذ بالله وين السلام ..

فيصل بين اسنانه : مو فاضي لك انت بالشاليه والا بالفيلا ..؟

خالد : لا بالرياض ..

فيصل : كيف ... الرياض ..؟

خالد : ايوه الوالد بالمستشفى ..

فيصل : لاااا سلامته مايشوف شر .. خلاص ضف وجهك ..

سكر بوجهه السماعه (( يالله وش السوات هاللحين ...
وينك ياشموخ ..؟ ))



**********************
عشاق من احفاد الشيطان ... روايه رومنسيه ... خياليه
**************************





نور : بعد بكره الملكه انبسط زوجك ارتاح هاللحين ..

هواجس : نور وطي صوتك لو سمعك يزيد هاللحين

نور : ولعنه يسمع والا تبن بوجهه ...

ام هواجس : لا يانور لاتبدي حياتك كذا من اولها حكي فاضي و

قاطعتهم نور معصبه : ايووووووه اسمعيه افهميه ماقتلتكم الا هذي السلبيه .. لااااا وعريس الغفله عازم لي رجال على الغداء لحمدلله والشكر ماعندكم شخصيه ..

الخدامه : مدام هواجس بابا بو ماهر يبغي انتي ..؟

هواجس : اوكيه نازله ..

نور بدون نفس : روحي روحي

هواجس وقفت وهي بتنزل : والله يانوير اذا ماستعدلتي ياويلك ..

نور: لااااا خوفتيني ..

هواجس رتبت بيجامتها قبل لاتنزل عند بوماهر : من جد نوير حالتك صعبه

نور : الظاهر اذا هربت مثل نديه وقهرتكم تحسوا ..

ام هواجس شهقت : وجعه نديه مع خالها ابوك وانتي مع من ان شاء الله ...

هواجس نزلت وطنشت نور ..
نور اكبر خوافه بالعائله ولاتقدر تعمل شي ..
: هلا سعود بغيتني ..؟

بو ماهربعصبيه : يعني ايث رايك مناديك اتاملك ..

هواجس تنرفزت : ليه تصارخ ..؟

بو ماهر : انتي مرتاح فوق والخدامات ماجهزوا لرجال الغداء

هواجس : لو انه ضيفك على راسي لكن ضيف ولد اخوك مادري اختك مالي خلق ..

بو ماهر : فهد ضيفي وضيف يزيد مسكين جائي من ايطاليا ولا يعرف حد هنا غيرنا

هواجس فتحت عيونها ببلاهه: فهد ..؟

بو ماهر : ايوه هذا السعودي اللي بايطاليا .. اللي صمم يرسمك ..ومعرض لك .. ضيفك انتي بعد ..

هواجس ابتسمت من قلب وصرخت بداخلها (( فهههههههههههههههههههههههههد هنا .. فههههههههههههههههد هنا ))
حاولت تمسك ابتسامتها قد ماتقدر : ان شاء الله

ولفت بسرعه للمطبخ وهي مبتسمه ..

دخلت للمطبخ وسكرت الباب .. قفزت من الفرحه ..
: هههههههههههههههههههههههههههههههههههههههه.... هههههههههههههههههههههههه

.............
****
............

فهد : ومتى الملكه ان شاء الله ..؟

يزيد مبتسم من قلب : بعد بكره

فهد : وش هالابتسامه ها ..

يزيد : ههههههه خلاص باستقر ..

فهد: ناوي تترك البنات والشرب

يزيد : لاااا عاد هذولاء جوي ماقدر الزواج شي والمزاج شي .. صحيح الليله في سهره مرتبه تعال ..

فهد : لاااا انا عندي شغل ماصدقت اجي لهنا ..اكمل شغلي ..

يزيد : يارجال الشغل مايخلص والعمر يخلص ..

فهديضيع الموضوع : اقول يزودي ..ماتبغى افصل لك بدله للملكه ..

يزيد : من جدك انت ههههههه انا غير الشماغ والثوب ما لبس..

........... .........


هواجس كانت طايره من الفرحه معقوله فهد هنا .. فهد معها بمكان واحد ...

اعطت الخدامات الاوامر وهي مبتسمه ..بعكس العاده ..

دقت على المخابز.. " سعد الدين " و " سينبون " و " بيت الدونت " وطلبت احلى شي عندهم للحلا والمعجنات ..

الغداء وصل من المطعم رتبته على الطاوله بلمسه جذابه هذا فهد مو اي احد ..

لينا ماسكه جوال هواجس : هواجس ..هواجس

هواجس وهي مشغوله تنظم الطاوله : هممم

لينا : وعود .. بالسماعه ..

هواجس : قولي لها بعدين انا مشغوله ..

لينا : تبغاك ضروري شكلها ..

هواجس : لينوه ضفي وجهك ...

لينا رفعت كتوفها : تقول ضفي وجهك ماتبغى تحكي ..

وعود : زين انا اوريها مع السلامه ..


هواجس قبل لاتترتب الاكلات على السفره
طلعت لفوق ركض .. تروشت وطلعت بسرعه وهي بالروب تفكر وش تلبس لازم لبس محتشم

دقت على بوماهر : الو

سعود : هلا الغداء جاهز ..

هواجس : ايوه .. الا ماقلتلي انا ينفع اتغدى معكم ..؟

سعود ناظر بفهد شبعان من هواجس .. حتى يزيد تتحجب منه بس : ايوه انتي اجلسي معنا عادي

يزيد ناظر بعمه مستغرب اكيد يقصد هواجس بيتركها تجلس معهم ..
هو عادي عنده متعود ...
وفهد رسم هواجس من قبل يعني عارف شكلها ..
لكن
.. ضنها مثل اختها نور ماتحب حد يناظر وجهها ..

فهد تمنى انه يقصد هواجس تجلس معهم ..

هواجس سكرت من بو ماهر و نادت على نور بسرعه ...وهي مرتبكه ..

نور : خير ايش فيك ..؟

هواجس قبالها بدلتين : نوير بسرعه قرري اي وحده ..؟

نور: ايش اللي اي وحده ..؟

هواجس بطفش : من هذولاء البدله الخضراء مع الليموني والا هذي السوداء ..؟

نور: وين بتروحي ..؟

هواجس : آآآآآآآآآف هذا مصمم ايطالي تحت وابغاه يصمم لي وماني عارفه وش البس ..؟ بجللس معه على الغداء..

نور استغربت : بتطلعي عند الرجال كذا ..؟

هواجس بدون نفس : ايوه .. عادي بتحجب ..؟

نور: ماتستحي انتي تلثمتي بالسوق قلنا اوكيه .. تخلعتي بملابسك سكتنا ..
كشفت على يزيد وهو رجال غريب ماحكينا ..
لكن بتجلسي مع رجال غريب وتتغدي بعد كبيره والله

هواجس : اقول بلاعقد يابنت الفقر وانا الغلطانه اسالك ..

نور ناظرت هواجس مصدومه فيها صاارت نسخه من هذولاء اللي على بالهم البرستيج فصاخه ..

هواجس رفعت التنوره الجينز والبلوزه الستان الليموني اللي تنربط على الرقبه ويبان كل الظهر..لكن لبست عليها جاكيت عشبي رسمي ..
: اجلسي على عقدك الحمدلله والشكر ..



**********************
عشاق من احفاد الشيطان ... روايه رومنسيه ... خياليه
**************************



شموخ صرخت بالممرضتين اللي يدخلوها للغرفه وهي تبكي : ابعدوووووو .. ابعدي ا نتي معها ..
ابعدووووا الله يلعنكم ...
ياحقيييييره ابعدي...
..رياااااااااان ..
فيييييييييييييييييييييييييصل ..
ريااااااااااااااان ...
سامي ..
والله مو مجنونه اتركوني ..
والله لو درت ماما قتلتكم ..
ابعدوا عني ..
فييييييييييييييييييييييييييصل
سااااامي ..
رياااااان ..
فيييييييييصل ..
بااااااااااااااااااابا ..
نجلااااااااااااااااااااااااااااااااااااااااااااااا ء ....
وينكم ......؟ ؟؟
لاتتركوني ...........مع هذولاء ..؟
ابعدووووووا.....
انا مو مجنونه .. والله مو مجنونه ...
انا بينك انا محد بجمالي تعاملوني كذا ...
انتم ماتناظروا ...

رموها بقسوه الممرضات على السرير بالغرفه الضيقه وكل وحده ممسكه فيها مع صراخها وترجيها .
الممرضه المصريه : ازا ماسكتيش والله حعملك قلسه كهربائيه ..

الدكتور : اخذوها لغرفه الكهرباء ..

شموخ تحاول تبعدهم وتصرخ ..:
انا مو مجنونه ...
والله فيصل مراح يسكت لكم ..
انتم ماعترفوا من انا بنتدموا ..
ابعدوااا عني ابعدوا ..
انااااا مو مجنونه .. ابعدوا عني
ريان ..ريااان ..رياا

دخلوها لغرفه الكهرباء اللي يعاملوا فيها البشر بطرقه خاليه من الانسانيه ..

.....................

صحى ريان من النوم قلبه مقبوض ..
فتح عيونه بالظلام .. : اعوذ بالله وش ذا الحلم الشين ..

عدل جلسته وشغل الابجوره .. ناظر الساعه .. الساعه 8 ..
رمى راسه على خشب السرير : اكيد شموخ هاللحين اخذوها ..

قلبه وضميره يالموه عليها حرام اللي عمله فيها ..
لكن عقله يفكر بمصلحتها ويترك انانيته ..
: ياااربي صح اللي عملته والا غلط .. كيف كيف اترك شموخ تتعذب وتنهار قدام عيوني واسكت وكيف اتركها داخل المستشفى واللكل يناظرها مجنونه ..
يارب وش اللي ممكن اعمله ..
انا بايش والا بايش ..
امي .. منى ..شموخ ..حتى الانتخابات نسيتها ..آآآآآآآآآف ..

نزل من السرير بصعوبه فضيعه .. وكان نايم بالثوب نفسه من التعب ..غسل وجهه وتوضاء وصلى ..

وطلع من البيت بدون لايقابل حد بوجهه..

دخل للمستشفى وهو مبهدل بدون شماغ وثوبه اللي امس ..

الرسيبشن : نعم اخوي من تزور ..؟

ريان بسرعه : شموخ الخيال ..

الرسيبشن : اخذوها لقسم الجانين ..

ريان كلمه مجانين قطعته من داخل وقال بين اسنانه وهو معصب : مالمجنون الا انت وجهك ..شموخ اعقل منك ومن عشره على شاكلتك ..

الرسيبشن تغير وجهه : اسف ماكنت اقصد اجرحك او اغلط ..

ريان باستهزاء : هذ ا انتم المتعلمين وبمجال الطب وتقولوا مجانين .. اجل مالوم المتخلللللللللفين اشكالك ..

الرسيبشن حاول يعتذر من ريان لكن ريان طنشه وراح لقسم الامراض العصبيه ..وبصعوبه قدر يدخل عند شموخ ..

فتح الباب بهدوء وقلبه يدق بسرعه كيف فكر يرميها هنا ..
دخل وقف مكانه وعيونه بعيونها الرماديه الواسعه .. لكن ماكانت رماديه كانت حمراء من جلست الكهرباء الاولى اللي تعرضت لها..

: شموخ ..

شموخ كانت تبغى تبكي وتصرخ وتركض له .. جسمها كان ضعيف ومخدر .. حست بشبه الشلل يخدر جسمها ..

قرب ريان لعندها وهو يشوفها جامده ماتحركت ..: شموخ

ثاني مره ينطق باسمها .. كل مره كذا يرميها بعذاب ماتقدر تتحمله بعدها يفتح ايده ويناديها بحنان ..
حست انها تكرهه اكثر من قبل ..

.. قرب منها لحد ماصار قبال سريرها ..لفت وجهها عنه
.. صدت تكرهه ..

ريان وقف شوي فهم قصدها من الحركه ..بعدها تقدم لهابتردد ..: شموخ والله مو بيدي ان

شموخ تراجعت لورى وبعدت عنه بنفور .. من غير لاتحكي .. ولاتناظره..

ريان تنهد : اوكيه .. اوكيه .. مراح اقرب بس ممكن احكي معك ..

شموخ غطت اذنيها بايدها يعني مابغى اسمعك .. ايدها ترتجف من الجلسه الكهربائيه كل جسمها يرجف ..
ودموعها تنزل ..

الممرضه المصريه ..دخلت وجهها كله قسوه : انت اعد هنا ليه ..؟

ريان كان بباله مع شموخ وشكلها عذبه : هي ليه كذا ..؟

الممرضه حطت صينيه الاكل : دي مقنونه يعني عايز شكلها يباء ايه ..

ريان صرخ على الممرضه : مالمجنونه الا انتي وجهك ..

الممرضه بدون نفس : هم بيطلعوا امتى دول ..

ريان : خير ايش قلتي ..؟

الممرضه : سلامتك .. بس ياستاز دي المجنونه
اا....صد ... اصد دي البنوته ماكلتش حاجه من امبارح ..

ريان : جد ليه ..؟

الممرضه : دي مش رازيه وانا ماليش مزاق ..

طلعت وتركته ..

ريان رجع يناظر شموخ كانت على وضعها لكن تبكي اكثر..

ريان قدم لها صينيه الاكل : كلي مايصير تحرمي نفسك من الاكل ..

شموخ ... تبكي وعلى وضعها

ريان بتردد قرب الطاوله لعندها وجلس قريب منها ...: كلي لاتخافي نظيف مايقرف ..

شموخ : .................

ريان : اوكيه انا ماكلت شي اذا اكلت تاكلي

شموخ : ..........

ريان اخذ الملعقه وناظر بالاكل اللي يسد النفس ..
علبه عصير برتغال صغيره .. شوربه بصحن صغير وبارده ...
فطاير يابسه ..

اغتصب الاكل علشان تاكل ..: هممم قلتلك نظيف وصحي ..
مراح يخرب عليك الدايت ..
ها افتحي فمك كلي ..

مد لها الملعقه بالشوربه البيضاء .. ناظرته باحتقار وهي تبكي .. بدون صوت دموع بس ..

ريان ابتسم لها بالم : كلي .. انا اكلت ..

شموخ رمت الصينيه على الارض بعصبيه وقفت بعيد عنه ..وصارت ترتجف اكثر ..

ريان ناظر ثوبه اللي امتلى بالاوصاخ ..ورجع ناظرها .. ذكره شكلها بالطفل الخايف من اللي قباله ...
كان الكره واضح بعيونها..
عيونها تنطق (( اطلع بره .. اطلع من حياتي مابغاك .. انا اكرهك ..))

ريان وقف وبلع ريقه .. شي صعب اللاحساس اللي يحسه هاللحين ..شموخ كرهته اكثر من اي وقت مضى ..

طلع من الغرفه يبغى يتطمن على حالتها من عند الدكتور والا متى بتظل هنا ..

شموخ اول ماطلع ركضت للباب سكرته بقوه .. ورمت جسمها على الارض تبكي ..
اي مصيبه او هم يصيبها بالدنيا هذي بسببه ..
كل اللي هي فيه منه هو بس ..
صرخت : اكررررررررررررررررررررررررررررررررررررررررهك ..

ريان وقف لما سمع صوت الباب يتسكر بقوه .. كان بيلف ويرجع لها .. لكن صرختها اكرهك ..
رجعته لطريقه عند الدكتور ..

ماهي بجديده هذي الكلمه " اكرهك " اذا مسمعها باليوم الواحد يحس ان شموخ جد مجنونه ...



**********************
عشاق من احفاد الشيطان ... روايه رومنسيه ... خياليه
**************************





ربى بالسياره الفضيه الفخمه مصدومه وهي تناظر للبيت ...

(( هنا ساكنه سجى مستحيل ..
سجى المددله دلوعت اللكل تكون بهذي المزبله ..
كيف ساكته لهالوضع ..))

قالت بهدوء وهي ترفع نظارتها السوداء الكبيره المتعبيه بالكرستال : انت متاكد ان هذا بيت تركي ..

السايق السعودي :ايوه متاكد

ربى والصدمه مجلستها بكرسيها ..هذا حي ماقد ادخلته بحياتها وناس مافكرت تنزل لمستواهم من قبل ..
امهم حابستهم بقوقعت القصور والفيلل الفخمه .
.حتى اذا نزلوا لشرقيه مايزوروا اها .. هم لان امهم ماتبغاهم يختلطوا باماكن وضيعه مثل هذي ..
(( معقوله فيه بالسعوديه مثل هالامكان .. او حتى بالرياض .. لريااااض العاصمه المظهر الحضاري فيها اماكن كذاا ..
ياقلبي عليكي ياسجى انتي تتعذبي وحنا مو حاسين ...
ياليتك ياوعود مهي وتركتي عزايم ام جميل علشان تشوفي بعيونك ..))

السايق : طال عمرك حابه نمشي من هنا او

قاطعته ربى وهي سرحانه : لااا نزل الاغراض بس وانتظرني هنا ..مستحيل اجلس ساعه هنا ..وانتي ميري انزلي معي ..

السايق فتح لها الباب وعمل مثل ماطلبت نزل الاكلات الخفيفه اللي عملها راكان ونزل اكياس "باتشي "
وهدايه ربى لسجى لانها اول مره تزورها ببيتها وماعطتها الهديه ..
مشت بخطوات بطياءه لعند الباب دخل كعبها بالارض ..
تافف بقرف ..مو طبعها كذا ورقد فكرت تقرف من حد لكن فكره ان مصير اختها بداخل هذا الجحر .. وهي اللي تضنها سعيده .. تجمعت الدموع بعيونها ..

فتحوا الباب بزارين كثير ... ناظرتهم ربى بصدمه ولفت على السايق بعصبيه : اكيد انت غلطان هذا مو بيت سجى ..

من البزارين طويل وشكله مراهق .. بال12 .. ال13 سنه ..
: قصدك سجى الحلوه .. زوجه خالي تركي فيه داخل ..

ربى ناظرته برعب يعني اكيد هذا بيت سجى ..: وينها هي ..؟

المراهق : تفضلي حياك ..انتي اختها صح ..؟

ربى ماردت عليه تفكيرها مشغول مع سجى ...

..... & .....

تركي من امس وهو ماصدف او شاف سجى وماله خلق يحتك معها او يشوفها .. مدلله غبيه تقهر ..
معصب عليها وبالذات لما قالت له بغرورها الطفولي " اكرهك .."

كان يسولف مع اهله اللي كلهم اجتمعوا عنده مثل العاده ..

لفوا كلهم وسكتوا او ما..
دخل بدر ولد اخته سوسن وراه بنت تشبه سجى كثير ..
لكن شكلها اكبر ..وانظج واقل جاذبيه ..
راميه الغطاء على كتفها
ونظاره بيضاء من ديور.. تبرق الماساتها على شعرها الاشقر الصارخ وروج الاحمر الخمري مزين شفايفها ..
وعبايتها الفخمه المزحرفه مفتوفحه .. وباينه تنورتها الزيتيه مع البلوزه البيضاء الحريره ..

ناظرت ربى بوجيه كل الحريم الموجودوات مصدومه ..هم اللي جائوا خطبوا سجى لكن في وجيه جديده ..
دورت وجه سجى اختها ماحصلته .. مافيه رجال معهم الا تركي اللي تعرفه من صوره مع متعب..

ام تركي عرفتها : ربى ..؟

ابتسمت ربى ابتسامه صفراء اغتصبتها من شفايفها : هاااي ..

ناظرت بتركي واختفت ابتسامته حقدت عليه وهي اول مره تشوف : تركي ..صح ..؟

تركي ماعرف وش يرد عليها اخت زوجته كاشفه قباله وتسولف ..

ربى باحتقار: وين سجى ..؟

ريم بحماس : اناديها لك هاللحين حياك تفضلي ..

ربى : لا بانتظرها هنا ..

نوره اخت تركي احتقرتها وناظرت بتركي اللي وقف ..: لا انا بطلع اناديها ..

ربى حست انها خايفه منهم... كانت ماسكه قبضت الباب لاي حركه مو محسوبه ..

دخلت الخدامه وراها ومعها الاغراض الكثيره ..

...... & .......

سجى بعد ماحكت مع ربى تروشت وبدلت وهي دايخه راسها مصدع من الجوع .. بيجيها فقر دم اذا ضلت على هذا الحال ..

جففت شعرها وكشخت تبين احسن من وضعها ..قدام ربى ووعود ..

لبست فستان اسود .. قصته تحت الصدر شريطه فوشيه عريضه ..موضت الفستان قديم .. موضته من السنه اللي فاتت وهي متعوده على التجديد لكن مابيدها حيله هذااللي تقدر عليه حتى الكردك اللي اعطاها ابوها كسرها لها المتخلف ..

ثقلت البودره والفونديشن تخفي تعبها وبشرتها الباهته ..

ماكان لها خلق شي كحلت عيونها باسود ثقيل برز عيونها اكثر ووسعها .. وزاد من سوادها ..

قفلت الجوال وزته تحت المخده لودرى تركي عنها قتلها .. طلعته لها وعود ..

جلست بملل على سريرها تنتظر وصول ربى وعود مالها خلق تنزل وتقابل الوجيه القشره ..
وبذات تركي اللي حست له بكره فضيع ..

ناظرت مناكير اللي بيدها فوشي مع ايد خشنه غير الناعمه ..

غيرت جلستها وتمددت حست من كثر الممل ان النوم بدى يداعب عيونها ..لحد ماغمضت عيونها ..

فتح تركي الباب وهو معصب من زياره ربى لانها بتضطره يجامل سجى ..

شافها متمده وراسها على الجدار مايل ..كانت لابسه فستان يعني عارفه ان في حد بيزورها بيجي لها ..
: سجى سججججججى ..سجىىىىىى ...

فتحت عيونها مفزوعه لانها غفت شوي ..
ناظرته لثواني ببلاهه.. بعدها ستوعب وقفت بسرعه وقلبها يدق مجرد ماشافته نست وعودها وكرهها له .. : خير ..

تركي : نايمه بالعسل وتاركه الغداء وهلي بدون اكل

سجى خاب امها ضنته جائي يتطمن عليها او يقولها ان اهلها تحت ..
من غير لاتناظره قالت بخشونه : ماني بنازله وانا قلتلك اهلك زباله عندي ولا

قاطعها تركي ببرود : اقول لايكثر حكيك وانزلي اختك ربى تحت ..

سجى بانفعال : جد ربى ..

لما جئت بتمشي مرت من عنده مد ايده للباب منعها تمر وقال بقسوه وعيونه تحتقرها ..: ربى اختك الللي خنتيها واخذتي منها زوجها ..
يالله ياسجى عليك اسلوب قذر .. كيف لك عين تنظريها وتحكي معها او حتى تمثلي انك مبسوطه وانتي السبب بترك النذل عمر لاختك ربى ..

سجى جرحها حكيه وهذا اللي كانت تحسه اول مافكرتتحكي مع ربى لكن اختها واشتاقت لها ..
ضميرها يانبها.. قال بصوت مرتجف : مالك دخل انا وهي نتصرف ..
ومثل مانت لك وجه تناظر بمتعب وانت تذل اخته انا لي وجه اجلس معها ..

تركي : اوووه الفرق كبير بيننا ..انا مو ح

قاطعته سجى وهي تمر من تحت ايده عند الباب بخفه : آآآآآآآآآآآآآآآآآآآف

مشت بتنزل لتحت تهرب منه مشاعرها متناقضه اتجاهه
احيانا تحس انها تحبه وتغليه وياثر فيها..
وكثير تكرهه ..
لفت عليه تناظره شافته واقف مكانه ..

.قالت : متى يجي اليوم اللي ارتاح فيه منك ومن اهلك..؟

ركضت بسرعه لتحت خايفه من الحكي اللي قالته ..

تركي عصب من .. .. حركاتها.. خوافه ماقالتها الا باخر الدرج : جد بزر ..

ناظر بغرفة سجى حوسه مرره ..الملابس على الارض والمكياج وجزم كثيره ..
عقد حواجبه وهو يناظر .. كسرت خاطره يبغى لها غرفه ..

الفلوس اللي ياخذها من ام سجى كل شهر مقابل سكوته ..هو ساكت على سجى علشان شي كذا له راتب شهري ضعف راتبه .. ياخذه رد كرامته ..

اغراه السرير المبهذل ورمى نفسه عليه ..

دق جواله بيده..

رد بدون نفس : آلو ..هلا بو الهش

متعب حاس ان تركي متغير عليه من تزوج سجى : هلا بالقروي وينك ماعاد تبين..

تركي بطفش : من اختك السبب

متعب : هع هع هع اوعدنا يارب ..المهم ترى خيمتكم اجهزت

تركي عقد حواجبه : اي خيمه ..؟

متعب : هذا ياطويل العمر .. عمك اللي هو ابوي ماصدق ان دلوعته سجى بعدت عن امها وعمل لها خيمه تناسبها .

تركي : لا ياخوي ماقدر عندي دوام و

متعب : يارجاااال خذ اجازه وتعال الجو ياخذ القل ويرد الروح وبعدين انت مع وجهك من متى ماتقدر تترك الدوام وماتطلع للبر

تركي توهق متعب حافظه اكثر من نفسه : لا انا ماخرطلب الاجازه لربيع ابغى اطلع مع الاهل للبر

متعب ماحب يضغط عليه اكثر : اكيه براحتك وهذ انا اللي كنت معتمد عليك تقنع سجوو لكن انت يبغالك من يقنعك هع هع هع ..

تركي : والله ماودي اردك لكن انت عارف ..

متعب : لا براحتك يله مع السلا مه ..

تركي حس ان متعب اخذ على خاطره منه ..: اوعدك بو الهش لاقدرت ..

متعب بمرح :لا مايحتاج تتعب نفسك .. يله انا مشغول تامر على شي ..

تركي بهدوء : لا سلامتك مع السلامه ..

سكر من متعب وهو حاس بتانيب الضمير ..
تغطى بالبطانيه ونام ..

.....&..........

سجى ضمت ربى من قلب ..: مشتاقتلك مررررررررررره ..

ربى استغربت من رده فعلها وهي اللي من كم يوم شافتها : هههههه وانتي اكثر ..

ام تركي بدون نفس : اجلسوا ارتاحوا ..

سجى احتقرتها : ماعليك منها تعالي للمجلس ..

اخذتها للمجلس على راحتهم ..: وين وعود ..؟ !

ربى :المغروره ..ماحكيت معها ..طلعت مع ماما لام جميل ..

سجى : حرام عليك وعود حبوبه مو مثل ماتوقعنا هي بس شويه واثقه من نفسها وشخصيتها قويه ..

ربى بلامبالاه : من متى تمدحيها ..؟

سجى ابتسمت وهي تناظر ربى من فوق لتحت : بالمره حليانه .. الاشقر عليك جنااااااان..

ربى : هههههه اضحكي علي وغيري الموضوع .. حتى انتي متغيره مره - سكتت شوي تناظرها من فوق لتحت - متغيره نحفانه وبشرتك تعبانه ..لكن امم عيونك كذا في شي ..

سجى حمرت خدودها خافت ان اختها حست بمشاعرها لتركي وعذابه لها : عيوني ايش فيها ..؟

ربى : امم .. حمراء ومورمه – بحنان – كنتي تبكي ..؟

سجى ارتبكت من اكتشاف ربى الخطير ..: ايوه مقهووووره ياربى مقهوره ..

ربى بحنان : من ايش ..؟

سجى غرقه عيونها وقالت بقهر : ضربني ..

ربى فتحت عيونها : آآآآآآآآآآآآآآآآآآآيش ..ضربك ..

سجى هزت راسهاونزلت دموعها : ايوه والله ضربني يالم ياربى

ربى عصبت : وليه ساكته احكي لبابا لمتعب او لماما والله تلعن خيره

سجى بخوف : ماما .. لااا ماما ماينفع ..

ربى : ليه .؟

سجى تضيع الموضوع : بس كذا .. المهم انتي كيفك ..؟

ربى تضايقت على اختها : مافي شي جديد ..



**********************
عشاق من احفاد الشيطان ... روايه رومنسيه ... خياليه
**************************




هواجس دخلت لغرفه الطعام متوتره

وهي تحس بالعيون اللي تناظرها من الطاوله ..

ماناظرت فهد ولا شافته تخاف تطيح على وجهها اذا ناظرته بعد هذي الغيبه ..: السلام عليكم ..